Navigare nr 3 - 2015

BRUMMELYDEN BLEI BORTE
Han seier det var spesielt å vera til stades
då Skandi Vega blei kopla til «stikkontakten»
i Bergen for første gong.
– Det var ei utruleg oppleving. Skandi
Vega er ein båt med generelt lite støy, men
med landstraumen blei det veldig stillt. Den
velkjende brummelyden forsvann heilt,
fortel Troland. Støyreduksjone er berre ein
av årsakene til at landstraum har stått høgt
oppe på ønskjelista til Bergensarane. Med
over 3000 anløp i året, er Bergen Havn ei av
landets mest trafikkerte. I fjor utgjorde 1500
av anløpa offshorefartøy. Ni prosent av utsleppa
i byen kjem ifølgje offentlege målingar
frå hamna.
MÅL OM HEILELEKTRISK HAMN
– Landstraum har vore eit politisk tema i
Bergen i åresvis, og det har vore stort trykk
frå lokalsamfunnet for å få gjort noko med
forureininga frå hamna, fortel Husby, som
er miljøansvarleg i Bergen hamnevesen.
Det langsiktige målet er full elektrifisering
av hamna, og det er teikna opp eit kart med
14 påkoplingstadar for landstraum spreidd
langs kaiane i Vestlandshovudstaden.
– Full elektrifisering av hamna ligg langt
fram i tid. Per no er det mest aktuelle å få
på plass oppkoplingspunkt for Havforskningsinstituttet
og Hurtigruta, som har
kaiplass i Vågen og på Dokken. Me er i
dialog med Hurtigruta, og det vil gje stor
signaleffekt om dei satsar på landstraum,
seier Husby.
OFFENSIV MILJØSATSING
– Tradisjonelt har ikkje miljøspørsmål
hatt så stort fokus i hamnene, men no
prøver me å tenkja miljø i alle ledd, seier
Husby, som trur det nye landstraumsanlegget
vil ha stor effekt på sikt.
PÅKOPLING: Med kablane om bord er det berre sjarmørrunden som gjenstår
FOTO: ROBIN STRAND, NORPHOTO AS
START: Her går «påknappen»
inn, og Skandi Vega blir kopla til
landstraumanlegget for første gong.
FOTO: ROBIN STRAND, NORPHOTO AS
Christophe Gaigneaux fra Schneider Electric, leverandøren av ShoreBoxen, saman med Even Husby i
Bergen Hamn.
FOTO: ROBIN STRAND, NORPHOTO AS
14 | NAVIGARE 3 - 2015