Navigare nr 3 - 2015

Fotokonkurranse
Fotokonkurransen for fritidsbåtfolket:
Båt + kamera =
glede og idyll
Juryen hadde i år ein vanskeleg jobb føre seg. Bidraga
var mange og gode, og fekk oss til å lengta tilbake til late
sommardagar på sjøen. Dei ti finalistane finn du her.
Kari Stautland
Redaktør Navigare
Sjøfartsdirektoratet
I år fekk me inn totalt 47
bidrag til konkurransen,
og juryen fekk som nemnt
ei tøff oppgåve med å
velja ut finalistar og pallplasseringar.
Sigersbildet
var det likevel ikkje vanskeleg
å bli samde om. Bildet
av 16-år gamle Simen
Haughom som nyt ei stille stund i baugen
på båten, er herleg idyllisk. I tillegg er det
eit teknisk godt, og velkomponert fotografi.
– Fint augneblinksbilde, kjenner roen
ved å sløva i baugen på blikkstille vatn.
Rett fram og harmonisk komposisjon, var
kommentaren frå ein av juryens medlemmer.
Frank Haughom, som er fotografen
bak bildet fortel at det er svært sjeldan ein
opplever vatnet så stilt i Roskreppfjorden,
der bildet blei teke. Fjorden er det øvste
magasinet i Sira Kvinas kraftverk og ligg
900 meter over havet.
BÅDE VILLREIN OG SIGER
– Bildet blei teken ein tidleg morgon i juli.
Me hadde stått opp grytidleg for å sjå om
me kunne fotografera villrein. Då må me
først kryssa vatnet med båt, for så å ta
beina fatt, fortel Haughom, som bur i
Sirdal kommune. Denne morgon var dei
heldige. Villreinen dukka opp der dei
hadde håpa. Førstepremien i årets fotokonkurranse
kom som ein uventa bonus
for fotoentusiasten som også stakk av med
førsteplassen i same konkurransen i 2014.
– Så gøy! Tusen takk, det hadde eg
ikkje trudd, var første kommentaren til
Haughom då han blei informert om sigeren.
Premien er ein iPad Mini og ein
flytevest. Haughom blei særleg glad for
flytevesten.
– Den me vann i fjor var kjempegod,
så det er kjekt om Simen og kan få seg ein
slik, seier Haughom.
ANDREPLASS: Tydelig stolt båtførar med tryggleiken i fokus! Ålfjorden i Sveio kommune.
FOTO: KJETIL SALTVEIT
TRYGGLEIK I FOKUS
Begeistra var også han som stakk av med
andrepremien, beståande av ein flytevest
og ryggsekk. Kjetil Saltveits foto av sonen
Erling (10), som får styra påhengsmoto­
22 | NAVIGARE 3 - 2015