Navigare nr 3 - 2015

Lanserte etterspurt ordning:
Ny digital løysing for påteikningar
I mai kunne Sjøfartsdirektoratet lansera si digitale løysing for påteikning av utenlandske
sjømannssertifikat. Den gjer sakshandsamingstidene langt kortare.
Kari Stautland
Redaktør Navigare
Sjøfartsdirektoratet
Tidlegere har den enkelte
sjømann måtta møta
personleg opp på norsk
ambassade eller konsulat i
utlandet for å levera ein slik
søknad. Dette har kosta
både sjøfolka og norsk
maritim næring mykje tid
og ressursar. I dialog med
Sjøfartsdirektoratet har næringa framheva behovet
for ei enklare løysing for påteikningar.
– Vi har fått positive tilbakemeldingar
på den nye ordninga. Brukarane oppfattar
dette som ei klar forbetring, seier underdirektør
i Sjøfartsdirektoratet, Yngve Folven
Bergesen. Han håpar at fleire av brukarne
vil få augene opp for det nye systemet.
– Det er mykje tid å spara på å bruka
den digitale løysinga. Tidlegere kunne det
ta tre til fire veker berre å få dei nød vendige
papira frå utanriksstasjonen, før sakshandsaminga
kunne takast vidare herfrå. No går
det mykje raskare, seier Folven Bergesen.
ETTERSPURT ORDNING
Sjøfartsdirektør Olav Akselsen fortel at ei
digital løysing for påteikningar er blant
tiltaka næringa har etterspurt.
– Det gamle systemet for slike påteikningar
er noko av det me har fått
kritikk på frå næringa. Den nye plasserer
oss langt framme i forhold til andre flaggstatar,
seier Akselsen.
– Me fekk utvikla den digitale løysinga
for å letta byrden på næringslivet. Difor
er det ekstra viktig næringa no vil nytta
seg av løysinga, seier Akselsen.
GODE TILBAKEMELDINGAR
Gro S. Helland er Crew Coordinator hos
V. Ships Norway AS. Ho er blant brukarane
som rosar utviklinga. Helland fortel
58 | NAVIGARE 3 - 2015