12 от 31 марта 2022 (25924)

udmdunne.ru
+7 951 195 37 65
Адӟем карымон
АРЪЁС НО АДЯМИОС
№12 (25924)
2022-тӥ ар 31-тӥ южтолэзь 25
Дэмен ужало, дэмен кырӟало
Эгра ёросысь Сундурысь
Люция но Василий
Ившинъёс, тодматскемзы
бере толэзь но
ӝыны ортчыса, сюан
ортчытӥзы. Табере 45
ар ӵоже одӥг сюресэтӥ
вамышто.
Ӝыт пумиськонэ —
молоковозэн
Эгра ёросысь Левой Кушьялась
Люция Корепанова,
Сарапулысь техникумын
бухгалтере дышетскыкуз,
практиказэ гуртэзлы матын,
Сундурын, ортчиз. Али
кадь тодэ на: практикаезлэн
берло нуналыз вал ни,
со чебер сяськаё дэремен
дӥсяськемын. Конторае напсьӧд
йырсиё, клёш брюкиен
егит воргорон пыриз. Валтӥсь
бухгалтер солы меӵак шуиз:
— Васи, учкы ай, кыӵе егит
нылаш дорамы практикае
вуылӥз! Тон кытын-о вал?
Егитъёс ог-огзы шоры учкизы
но пал кыл но ӧз вазе.
— Мон колхозын соку
гинэ молоковозын водитель
луыса ужаны кутскемын вал,
— тодаз вае Василий Трифонович.
— Тӥяськем машина
сётӥзы. Сое тупатъяй но
колхозысь йӧлэз нырысьсэ
молокозаводэ нуи. Накладнойёсын
конторае пыри вал.
...Кыкетӥез пумиськон
луиз ни берлогес. Люция
сов хоз-техникумын экзаменъёссэ
умой сётӥз. Солы
шуизы: направлениея Яр
ёросэ мынод. Егит нылмуртлэн
сыӵе палэнэ кошкемез уг
поты вал... Солэсь мылкыдзэ
шӧдӥз кадь зор но — весь
кисьтэ но кисьтэ. Дась чемодан
но сылэ ни ӧс дорын.
— Адӟиськыны шуыса,
пыраны малпай на Сундурысь
колхоз конторае, — тодаз
вае Люция Аркадьевна.
— Ӵапак председательмы
отчы пыриз: кытчы, пе, ужаны
ысто? Яре, шуисько. Нош
со соку ик главбухмес ӧтиз,
шуиз: асьме нылъёсмес
кытчы ке палэнэ лэзём-а, я,
жингырты сельхозуправление,
вера, Люция Корепановаез
дорамы кельтэммы
потэ шуыса...
Люция контораысь потӥз
— молоковоз сылэ. Ӧсэз
усьтӥськиз, нап-сьӧд йырсиё
Василий юаз:
— Тон Кушьяла бертӥськод-а?
Мон келяло!
Со дырысен 1 но ӝыны
толэзь ӵоже Сундурысь йӧл
нуллон машина ӝытлы быдэ
ширтылӥз Левой Кушьяла...
Угось Люциез Сундурысь
«Россия» колхозэ бухгалтере
ужаны кутӥзы.
Эгра ёросысь Сундурысь Люция но Василий Ившинъёс.
Ог уез Василий синъёссэ
кыньыны ӧз быгаты: весь
малпаськиз, кышнояськыны
дыр вуэмын шуыса.
— Солэн городысь нылашез
вал на, — сипыртэ Люция
Аркадьевна. — Малпаськиз
луоз, кудмес кышно басьтоно...
— Малпаськи-малпаськи,
— мыня Василий Трифонович.
— Но тонэ бырйи ук,
одӥг пол но ӧй жаля!
Липиськизы
Белоруссиысь
шиферен
Василий но Люция Ившинъёс
соку ик валазы: соослэн
семья шоры учконзы
тупа, улоназы трос одӥг кадез:
кыксы но бадӟым семьяосын
быдэ вуэмын, узыр ӧз
улэ.
Василий клубысь вуж гармошкаез
тупатӥз но соин
шудыны дышетскиз — липет
вылэ пуксьыса, э-э! кыска вал
сое. 8-тӥ класс бере мумыбубыезлэсь
лушкемен ветлӥз
Воткаысь крезьгуръя училищее
документъёссэ сётыны.
Но гуртаз тодӥзы но, мумиз
копаськыны кутскиз: маин,
кызьы, пе, ми тонэ 5 ар дышетом?
Василийлы документъёссэ
басьтоно луиз. Собере
со тодон-валан люказ
Ижысь 17 номеро училищеын
— дуриськисьлы, шлифовщиклы,
фрезеровщиклы
дышетскиз.
Семья кылдытыса, улыны
кутскизы Сундурын, Василийлэн
мумы-бубыеныз
ӵош. Корказы пичи гинэ вал.
— Атаелэн бубиз Кубаньын
улӥз, 96 аресаз ини
отысь татчы бертӥз, — тодэ
ваёнзэ азинтэ Василий Трифонович.
— Со туж ӧте вал
милемыз Кубане улыны: коркаез
умой, азбар тыр виноград
будэ... Но мынам палэнэ
кошкеме ӧз поты. Городын
но улэме ӧз поты. Армилэсь
азьло «Буммаш» заводын
ужай вал, отчы но ӧй мыны
ни. Гуртын ик умой!
Нош кытчы вень — отчы
ик сӥньыс. Люция Аркадьевна
мужикеныз соглаш луиз.
Гуртын соку колхозъёс ӝутско
вал. Василийлы подъёмной
но сётӥзы, али кадь тодэ — 80
манет, пичи коньдон ӧй вал
со. Света нылзылы ӝыны арес
тырмиз гинэ, сое пересьёссылы
кельтыса, Ившинъёс Ленинградэ
путёвкаен ветлӥзы.
— Лачак водительын
ужай, уждун умой тыризы,
— азинтэ веранзэ Василий
Трифонович. — 9 ар молоковозэз
нуллӥ, собере бадӟым
машинаен трос котыръяськи
— колхозлы лэсьтӥськон
материал басьтон вылысь
республикамылэн, кунмылэн
палэназ но кӧня ке пол поталляй.
Оглом 25 арме колхозлы
сётӥ.
Люция мужиксэ весь сюрес
вылысь возьмано луэ
шуыса ӧз куаретылы. Но
солы чурыт курон пуктэмез
вань: воргорон одно корка
пуктыны кулэ! Уката ик огез
бӧрсьы мукетыз 3 нылъёссы
вордскизы ни.
Кулэ бере, лэсьтоно, шуиз
воргорон. Озьы Ившинъёс
Сундуре ик выль интые
пуктӥськыны кутскизы.
— 1980-тӥ аръёслэн пумазы
лэсьтӥськон материалъёсты
шедьтыны туж
шуг вал, — тодаз вае Василий
Ившин. — Цемент ӧй
вал, колхозэ Белоруссиысь
шифер ворттӥм. Отын Рубель
гурт вань, соку 12 но
ӝыны сюрс пала улӥсез
вал.
Туспуктӥз Элина КУМАЧЁВА
Стройматериалъёсын
бадӟым складзы сылӥз —
маиз но отын ӧй вал! Колхозлы
шифер басьтыны
пыри. Учкисько но — фанераос
вӧлдэтозь тыремын.
Штампаз гожтэмын: Игра
леспромхоз, УАССР. Мон
туж зол паймемын вал. Асьме
дорысь фанера басьтыны
уг луы, нош татысь, кӧня
кулэ, сомында басьтэ, пе.
Колхозэ сяна, аслым но шифер
но, фанера но басьтӥ.
Озьы коркаямы Белоруссиысь
ваем стройматериал но
кутэмын ай.
Уждун интые —
колбаса
Василий Трифоновичлэн
но кузпалыз азе чурыт курон
пуктэмез вань.
— Со вал ни 90-тӥ аръёсы,
куке колхозъёс секыт югдуре
вуизы, — тодаз вае Люция
Аркадьевна. — Уждун тырыны
номырин вал. Председательмы
Владимир Сергеевич
Поздеев ма но ӧз кары югдурысь
потон понна: уждун
места ю тысь но, Шаркан фабрикалэсь
дӥсьсэ но, колбаса
но, мукетсэ но сётылӥзы...
Владимир Сергеевичез ёрос
управление басьтӥзы ни вал
— мон но колхозысь кошконо
кариськи. Нош мыным шуо:
уд кошкы, ӝыны арлы ке но
предэ пуксьылод...
Люция Аркадьевна юаз
картэзлэсь: мар каром?
— Мон шуи: туж потэ ке,
пуксьы предэ, но гуртэ уд
бертылы ни, — азинтэ веранзэ
Василий Трифонович.
— Мон ведь пред бордын
кема дыр ӵоже водительын
ужай, адӟисько вал, кызьы со
дугдылытэк ужалляз.
Люция Аркадьевна одӥг
пол но ӧз жаля, мужикезлэсь
кылзӥськиз шуыса. Соку ик
ӧз ке но, колхозысь но кошкиз
— Пенсиосъя фондэ интыяськиз.
Люция Аркадьевна сямен
ик, Василий Трифонович но
пенсие потон азяз Пенсиосъя
фондын тыршиз ни.
Ма, пенсие потыса но, кыксы
но кема ар уже ветлӥзы
на. Василий Трифонович
выль ар азьын гинэ дугдӥз
ай — огъя ужан стажез 47 ар
люкаськиз.
Табере кузпалъёс шутэтскон
нуналъёслы быдэ витё
пиналъёссылэсь бертэмзэс.
Куинез ик нылъёссы кемалась
асьсэлэсь семьяоссэс
кылдытӥзы ни, песянайпесятайзэс
шумпотто ни 6
внукъёссы.
— Пимы ӧвӧл шуыса, мужике
куректылӥз ик, — вера
Люция Аркадьевна. — Кин,
пе, монэ машинаен ворттылытоз.
Но огпол шоретӥез
нылмы, школаын дышетске
на вал, ӝот-ӝот шуиз: эн куректэ,
мон вордо пиос. Озьы
ик луиз ведь: 3 пи вордӥз!
Пиосмы ӧвӧл ке но, эмеспиосмы
туж умоесь.
Ившинъёс ӵемысь ӵош
ужало, собере быдэс семьяен
кырӟаса пукыны ярато.
Ачиз Василий Трифонович
сяна, огез эмеспизы но
гармошказэ сьӧрысьтыз уг
кельтылы. Оло, вань удмурт
кырӟанъёсты тодо!
Нош машина нуллон правозы
табере куиньназылэн
ик нылъёссылэн вань.
________
Элина КУМАЧЁВА