12 от 31 марта 2022 (25924)

№12 (25924)
4 2022-тӥ ар 31-тӥ южтолэзь
ГУРТ УЛОН
Бусы ужъёс
Лудэ потӥсь медло
Шаерамы 376 сюрс
гектаре ю кизёно.
Апрель толэзе гуртоос
бусые потыны дасясько,
техосмотр ортчо. Кыӵе
шуг-секытъёсын али
пумисько?
Кылем арын сярысь, гуртоос
туэ 12 сюрс гектарлы уногес
ю-нянь но рапс кизьыны медо.
Правительстволэн Тӧроезлэн
воштӥсез Ольга Абрамова
пусъемъя, лудъёссэс йылтозы
Грак, Кизнер, Якшур-Бӧдья,
Дэри, Можга, Вотка но Ува
ёросъёс. 84 процентэз кидыс
ӟеч. Ог 80 процентэз тракторъёс,
сеялкаос, культиваторъёс,
грузовой машинаос тупатэмын.
Но таосты техосмотр
азьын эшшо учконо.
Ольга Абрамова верамъя,
80 процентэз хозяйствоос быгатозы
пичиятэм дунын удобрение
басьтыны. 18-тӥ мартлы
удобрение гектарлы быдэ
18,8 килограмм понымон
люкаськиз ни. Та ласянь ӟеч
дасяськемын вавожъёс — гектарлы
быдэ 64,2 килограмм
басьтӥзы. Сарапул ёросысь хозяйствоос
гектарлы быдэ 57,7
килограмм дасязы, кияса ёросысь
— 37,5 килограмм. Тужгес
Кизнер ёросысь «Новый путь» СПК-ын ӝыныез техниказы дась.
ӧжыт удобрение дасязы балезиноос
— 6,2 килограмм, нош
красногорскъёс, каракулиноос,
камбаркаос одӥг грамм но
номыр ӧз басьтэ на.
— Апрелёзь удобрение вуттомы
на, но гектарлы 8 килограмм
сяна уз люкаськы.
Кылем арын 10 килограмм
понӥмы вал, — шуэ Балезино
ёрос муниципал округлэн администрациысьтыз
валтӥсь
агроном Татьяна Столбова.
Кизнер ёросысь «Новый путь» СПК-лэн кивалтӥсез
Александр Морозов:
________
— Техника трос, нош ужась ичи, соин техосмотрез люкетэн-люкетэн
ортчытоно кариськимы: али 24 трактор
пӧлысь 13-ез бусые потыны дась. Кылемзэ но кызьы ке тупатоно.
Покрышка гинэ 3-4 пол дуноямын. Удобрение коть
80 тонна дасяса вуттӥмы. Кидыс асьмелэн ке но, туэ кизён
дуно усёз, но бусыос тырттэм уз кыле.
— Льготаен но туж дуно:
1 тонна аммиачной селитра
басьтон понна 20 сюрс манет
кулэ, 32 сюрс манет сылэ
1 тонна сложной удобрение.
17 сюрс гектаре ю-нянь, рапс
кизён понна, котькуд гектарлы
ичизэ 30 килограммен
лыдъяно ке, 10 миллион манет
тыр селитра гинэ басьтоно.
Кидысъёсты но воштоно.
1 тонна элитной кидыс 35 сюрс
манет сылэ. Хозяйствоосмы
понна ваньмыз та
вормонтэм. Али трос
коньдонзы кошке
пудолы ватсаса сиён
басьтыны. Туэ музъем
кынмемын ӧвӧл,
ӝог медаз шунты шуыса
улӥськомы — ву
пыӵаса уз вутты.
Балезиноос али
кыштыр дасясько
техосмотрлы. 15 хозяйство
пӧлысь али огез но сое ортчыны
дась ӧвӧл на, соин дырзэс
воштыны куро. Эскерон дыръя
вань техниказы пӧлысь 30
процентэз бусые потымон ӧз
луы ке, хозяйстволы бадӟым
штраф тупатозы. Ваньмыз сямен
техниказы Россиын поттэмын
ке но, запчасть басьтыны
уг быгато.
— Заводъёс, магазинъёс
азьвыл пунэмен но вузасько
вал ке, али запчасть понна
быдэсак дунзэ соку ик куро,
нош хозяйствоослэн ӟепъёссы
бушесь, — лулӟе валтӥсь агроном.
— Соин ик тупатъяны
уг луы. Туэ хозяйствоосмы
4 трактор басьтӥзы, кылем
арын 7 МТЗ вуттӥзы. Со ваньмыз
зарезьын шапык мында
гинэ. Кужмо техника басьтыны
огзылэн но луонлыксы ӧвӧл.
Кизнер ёросысь «Новый путь» СПК-лэн архивысьтыз
Выльдӥськыны выро «Маяк»,
«Сергино», «Русь» хозяйствоос.
Но «Русьын» кыедзы
кисьтӥськиз но, 14 миллион
манет штраф тупатӥзы, таин
сэрен 6 миллион манет субсидия
ӧз сётэ, эштос шуге-леке
вуэмын. Но огез но хозяйство
лудэ потытэк уз кыльы.
Ёросысь «Восход» хозяйство
3 сюрс гектарез кизьыны
медэ, ӝынызэ бусыоссэ висъялоз
чабей, йыды, сезьы улэ.
Эштос элитной кидыс будэтонэн
но вузанэн выре ке но, кылем
ар кӧс возиськемен, гектарлы
быдэ 18 центнер сяна
урожай калтыны ӧз быгатэ,
таин валче коньдон поттыны
ӧз пӧрмытэ. Соин ик удобренилы
но коньдон уггес тырмы,
шуэ татысь агроном Диана
Пикова. Нош сюдоно 1 сюрс
200-лэсь ятыр пудоез. Фураж
вазенгес басьяло ни. Силоссы
но 2 толэзьлы тырмоз на, оло,
уз. Озьы йӧл вузаса поттэм
коньдонзы пудо сиёнлы ик
кошке. Но гаражазы шалтыр
поттыса ремонтэн выро. Хозяйствоысь
валтӥсь инженер
Анатолий Захаров шуэ:
— Запчасть умгес басьяське
— ваньзэ асьмеос лэсьтӥськомы.
Лудэ потӥсь гинэ
медло. Егитъёслэн туала вакытэ
секыт ужамзы уг поты
ни. Техникамы но вужгес ни,
кондиционеръёс юнматыны
выриськомы ке но, пӧсь.
Россиын потӥсь тракторъёсы
но азьланяз дышозы, дыр, ай
кондиционер пуктылыны.
________
Елена САРАМАТОВА
Гуртэз азинтон
Юрт пуктозы, газ кыскозы
Гуртъёсты котыр ласянь
азинтон кун программая
туэ шаермылы висъяськоз
957,3 миллион
манет. Мар со сётэ?
Та программалы луыса
гуртъёсын коркаос пуктыны
луонлыкъёс паськытало, шуэ
Правительстволэн Тӧроезлэн
воштӥсез Ольга Абрамова.
Кылсярысь, миым 5 хозяйствоос
юртъёс пуктӥзы. Эгра
ёросысь «Родина» СПК 1 корка
ӝутӥз, Кез ёросысь «Степанёнки»,
«Мысы» но «Искра» СПКос
— 6, Кияса ёросысь «Дубровское»
экоферма — 8. Оглом 57
адями корка пырон ортчытӥз.
Предприятиос ужасьёсынызы
социальной найм пумысен
огкыл гожтӥзы, квартираосты
арендае сётӥзы. 5 ар ортчыса,
котькудӥз юртэз аслыз
басьтыны быгатоз, рыночной
дунызлэсь 10 процентсэ тырыса.
Нош 10 ар ортчыса, дунлэсь
1 процентсэ берыктыса.
Туэ та программая Алнаш,
Дэбес, Дэри, Кез, Сьӧлта
но Ува ёросъёсын 30 коркаос
пуктыны чакламын. Озьы 3,2
сюрс квадрат метр лэсьтэмын
луоз. Мар пайдаез кадь хозяйствоослы
пуктэм коркаоссэс
озьы сётъяны? Юрт пуктэмзы
понна быдтэм уксёзылэсь
80 процентсэ кун тыроз. Со
сяна, выль кылдэм ульчаосы,
посёлокъёсы кун чотын сюрес
лэсьтозы, ву, шуныт, тыл
кыскозы. Оскон вань: 5-10
ар ӵоже ке но хозяйствоос
трактористъёслы, скал кыскисьёслы,
зоотехникъёслы,
агрономъёслы, инженеръёслы
уз ёрме, оло, сомында дыр куспын
соос гуртэ ик кылёзы ни.
— Азьвыл аръёсы гурт удысын
ужасьёслы гинэ тазьы юртъёс
пуктыны лэземын вал ке,
туэысен социальной удысъёсын
ужасьёс но соцнайм
амалъя квартирае пырыны быгатозы.
Кылсярысь, Дэри ёросын
нылпи садын ужасьёс понна
коркаос лэсьтыны чаклало,
— шуэ Ольга Викторовна.
Арысь аре та программа
паськыта, солэн пайдаез бадӟымгес
шуыса. Со дыре ик
кулэсме адямиослэсь улон условиоссэс
умоятон вылысь соцвыплатаосты
сётон. Али шаерамы
субсидиослы 1 сюрс 800
мурт черодэ гож тӥськемын. Со
гурт удысын ужась трос нылпиё
семьяослы висъяське. Туэ
11 семьялы юртсэс йылаз-пумаз
вуттыны 19,5 миллион манет
выплата сётӥськоз. Азьвыл
40 семьялы но юрттэт вуэ вал.
Гуртъёсты котыр ласянь
азинтон программая улон-вылонэз
умоятон сярысь но сюлмасько.
Туэ та понна чакламын
26 миллион манет, лыдпусэз
уноятон бордын ужаськомы,
шуэ Ольга Абрамова. Кылем
арын Пичи Пурга ёросысь Орлойын,
Глазов ёросысь Кечпигуртын
сюресъёссэс тупатӥзы,
тыл, ву кыскизы, туэ Сарапул
ёросысь Кигбаевоын тупатъян
ужъёс ортчозы. Татын 46
коркалы выль посёлок ӝужа.
Со сяна, «Гуртъёслэн туала
туссы» программая рос-прос
басьтӥськозы Шаркан но Пичи
Пурга ёросъёс борды. Шаркан
ёросысь Сосновкае нылпи сад
пуктозы, Мишкиное — культурая
юрт, Мувыре, Пашуре, Кечгуртэ
газ, Интернет кыскозы.
Вань воштӥськонъёслы ог 230
миллион манет висъяськоз.
Нош Пичи Пурга ёросэз басьтоно
ке, черкогуртысь ву гумыосты
выльдозы, Норьяла
стадион лэсьтозы, Уроме клуб
пуктозы, Аксакшуре Интернет
кыскозы но дышетонъя
но культурая центр ӝутозы.
Лэсьтӥськонлы оглом висъяськоз
ог 602 миллион манет.
— Хозяйствоос асьсэлы
ужасьёсты будэтыны мед
быгатозы шуыса, юрттэт чакламын,
— вера Ольга Викторовна.
— Доразы ар ӵоже
пиналъёсты практикае кутэмзы,
улон инты, уждун
висъямзы понна вань быдтэм
коньдонзылэсь 90 процентсэ
берыктомы. Туэ 24
студентъёсын огкыл юнматыны
чакламын.
________
Елена ФЁДОРОВА