12 от 31 марта 2022 (25924)

8
№12 (25924)
2022-тӥ ар 31-тӥ южтолэзь
ВИЗЬ-НОД
Юан-веран
Вуж яке выль
сямен?
Пиме огнам будэтӥсько,
кыкнамы вылысь доходмы трос
уг люкаськы бере, басьтӥсько 8
аресысен 16 аресозь пособие —
5 сюрс 500 манет мында. Кемалась
ик ӧвӧл выль пособие сярысь
ялӥзы — таиз но 8 аресысен 16
аресозь нылпиос понна тыриськоз,
пе. Вералэ вал, созэ пособиез
басьтӥсько ни бере, быгато-а
тазэ но басьтыны — таизъя,
оло, тросгес луысал...
Ирина Е.
Шаркан ёрос
Валэкто Калыкез улонвылонын
утён политикая но
ужъя министерствоысь специалистъёс
— Бен, та кыкез ик пособиос
чакламын 8 аресысен
16 аресозь (17 арес тырмон
нуналозязы) нылпиос понна.
Но нырысетӥез понна кыл
кутэ Пенсиосъя кун фонд. Сое
басьтыны быгато пиналзэс
огназы будэтӥсь анайёс яке
атайёс гинэ — семьяысьтызы
адямилы быдэ доходзы ичигес
люкаське ке улыны тупатэм
минимумлэсь. Пособилэн
быдӟалаез — прожиточной минимумлэн
ӝыныез.
Кыкетӥез — вылез — пособие
понна кыл кутэ Калыкез
улон-вылонын утён
политикая но ужъя министерство.
Тазэ басьтыны быгато
вань семьяос. Но валтӥсь
курон: адямилы быдэ доходзы
прожиточной минимумлэсь
ятыр медаз луы —
11 сюрс 262 манетлэсь.
Кин но ма мында басьтоз та
пособиез?
Нылпи понна прожиточной
минимумлэсь (11 сюрс 144 манет)
ӝынызэ гинэ (5 сюрс 572
манет) басьтозы сыӵе семьяос,
кудъёсызлэн доходзы, 50 процентсэ
ватсаса, минимумлэсь
ортче.
75 процентсэ (яке 8 сюрс
358 манет) — 50 процентсэ
ватсаса, минимумозь уг вуы ке.
100 процентсэ (11 сюрс
144 манет) — 75 процентсэ
ватсаса но, адямилы быдэ доход
минимумлэсь ичигес люкаське
ке.
Тамында тыриськоз нылпилы
быдэ котькуд толэзь.
Утьыны луоз-а
ваньбурез?
Санэ басьтӥськоз семьялэн
ваньбурез но. Адямилы
быдэ улон интызы 24 квадрат
метрлэсь тросгес луыны
кулэ ӧвӧл, нимаз юртын
— 40 квадрат метрлэсь.
Семьялэн кӧня ке машинаез
ке, куанер улӥсен со
уз лыдъяськы, юрттэт уз
сётӥськы.
Пособие чакламын 1 арлы,
та бӧрсьы выльысь куриськон
гожтоно луоз. Нуйтэмын
луоз-а, уз-а — та ваньмыз потоз
семьялэн доходэз но ваньбурез
бордысь.
Юаськоды, выльзэ пособиез
басьтыны быгатоды-а
шуыса. Быгатоды. Но кыкез
ик уз висъяськы. Асьтэос чакланы
кулэ, кудзэ басьтыны
— вужзэ яке выльзэ. Выль
сямен мылкыд кариськоды
ке, куриськон гожтоно луоз
1-тӥ май бере кун услугаосъя
огъя портал пыр.
Закон пыӵаны кутскоз 1-тӥ
апрельысен, соин ик пособие
вуоз апрель понна но. Лыдэ
басьтэ: азьвылэз пособие пыртэмын
луоз доходды пӧлы.
Реклама
Отпуск
но больничной
Таиз ар понна отпуске потӥ гинэ, 6 аресъем пиналы висьыны
усиз, больничное потоно луиз. Малпай вал, таин валче отпуске но
нуйтӥськоз шуыса. Но уже потыны косӥзы отпуске бырем бӧрсьы
ик. Шонер-а со?
Оксана И.
Пичи Пурга черкогурт
Валэктэ Социальной страхованиея фондлэн Удмурт
ёзэзлэн кивалтӥсезлэн вош тӥсез Жанна Паршинцева
Кыӵе учыръёсы адямилэн отпускез нуйтэмын уг луы — та
сярысь тупен-тупен пусъемын 2006-тӥ арын 29-тӥ декабре
юнматэм 255 номеро федерал законлэн 9-тӥ статьяяз. Отпуск
уг нуйтӥськы, озьы ик больничнойын пукем нуналъёсты мукет
дырлы шутэтскыны выжтыны уг луы таӵе учыръёсы:
— адями отпуске келямын ке, но шутэтскон вакытаз уждун
(быдэссэ яке люкетсэ) басьтэ ке но, та сярысь, валамон, нимысьтыз
приказ луыны кулэ;
— шутэтскыны потэм адями больничное потэ ке черлам
ӵыжы-выжыоссэ утялтон понна.
Шуиськоды, отпускын дыръяды тӥ нылпиеныды больничнойын
пукиды. Озьыен, та учырын отпускты нуйтэмын луыны
уг быгаты. Асьтэос висьыны усьысалды яке сӧсырмыны шедьысалды
ке, шутэтскон дырды кемагес кыстӥськысал.
Ялон
Пунэмъёсы трос люкаськизы, пытсаны уксёе
уг тырмы. Банкрот кариськыны луэ шуыса
кылӥ вал. Осконо меда талы?
Валэктэ Ижысь «Статум» юридической
компанилэн кивалтӥсез Александр
Балтин
— Нылпиос понна алиментъёсты, моральной
ыштон (вред) ваем понна тыриськонъёсты
сяна, адямилэсь вань пунэмъёссэ
списать карыны луэ. Та ваньмыз лэсьтӥське
законъя. Но юрист юрттытэк, та ужез
пӧрмытыны секыт луоз. Тӥледыз коллекторъёс
ёрто ке, та учырын но юрттыны быгатозы
милям юристъёсмы — коллекторъёс
жингыръямысь дугдозы.
Банкротство дыръя адями ваньбуртэк
кыльыны быгатоз. Кельтыны луоз-а ваньбурез?
Луоз! Таяз учыре но юрттозы юристъёсмы.
Кемалась ик ӧвӧл милемлы вазиськиз
одӥг адями — дуно машиназэ но корказэ
утьыны курыса. Компанимы та уж борды
басьтӥськиз. Озьы та адями мозмытэмын
вал ЖКХ понна люкаськем тыриськонъёсызлэсь,
кредитъёсызлэсь, нош ваньбурез —
утемын.
Милям компанимы — Москваысь кыӵе
ке огазеяськонлэн Ижысь ёзэз ӧвӧл. Ми —
Ижысь юристъёс, калыклы юрттӥськомы ни
Александр Балтин.
18 ар ӵоже. Ми доры вазиськем котькуд мурт
понна кыл кутӥськом, сое секыт югдурысь
поттыны тыршиськом.
Жингыртыны быгатӥськоды 8 (3412) 90-
75-25, 8-909-060-75-25 номеръёсъя яке компаниямы
лыктыны луоз таӵе адресъя: Ижкар,
Пушкинской урам, 138 номеро юрт, «Статум».
Компанимылэн «ВКонтакте» сетьысь
бамез: vk.com/company_statum адресъя.
Кытын возёно уксёез?
11-тӥ апрельысен 15-тӥ апрелёзь шаерамы ортчоз
«Финансовая весна» форум. Туэ со радъяськоз онлайн
амалэн.
Коньдон ужпумъёсын вырись специалистъёс валэктон сётозы,
кунлэсь кыӵе юрттэт басьтыны быгато шаерамы улӥсьёс; кытын
возёно люкам уксёез; кызьы сое шыръяно; кыӵе налоговой вычет
басьтоно; туала югдурын дыртоно-а улон инты басьтыны; кыӵе
юрттэт сётӥське ужбергатӥсьёслы но уно мукет. Визь-кенеш
сётӥськоз дунтэк.
Форум сярысь пыр-почгес тодыны быгатоды «ВКонтакте»
сетьысь vk.com/finansy.v.poryadke адресъя яке 8 (3412) 43-86-86
номеръя жингыртыса.
Бамез дасяз Елена СЛАЩЁВА