13 от 7 апреля 2022 (25925)

№13 (25925)
№13 (25925)
10 ТӦР ШОРЫН
ТӦР ШОРЫН
23
2022-тӥ ар 7-тӥ оштолэзь
2022-тӥ ар 7-тӥ оштолэзь
udmdunne.ru
+7 951 195 37 65
Котьмалэн аслаз усьтонэз
Анатолий Спиридонов.
Можга ёросысь Бадӟым Сибы гуртын будэм Анатолий
СПИРИДОНОВ пичи дырысеныз ас киыныз пӧртэм
арбериос бича. Али, кылсярысь, сиён-юон поттӥсь
3D принтер лэсьтӥз. Техникая наукаосъя кандидатлэн,
Ижысь гурт удысъя академиысь сиён-юон поттон
технологиосъя кафедраен кивалтӥсьлэн 34 аресказ 42
научной ужез печатламын ни, ваньмыз сямен производствоын
кутӥсько.
— Анатолий Борисович,
тӥляд анайды Сибыын
начальной классъёсты
дышетӥсь, директор вал.
Уноез пичиос сямен, тӥ изъянтыса
ӧд ик ветлылэ, дыр?
— Бен, оломаиз но вал —
шудыны но, дышетскыны но,
изъянтыны но вуттӥськылӥ.
Урокъёсты лэсьтытэк но, школае
ветлылӥ, «куиньёс» но
басьяй, но четвертьме умой
йылпумъясько вал. Галина
Анатольевна анае мон понна
Пичи дыръяз.
куддыр возьдаськылӥз но, дыр.
Гужем ӵукна йӧлын чечыен нянь
сииськод, коркась потӥськод но
одӥг-ог быдэс нуналлы ышиськод.
Ӝытозь маке сиёно ук:
шедьтӥськод созэ-тазэ. Колхоз
бусые но кожаллямы кӧжы, кукуруза
дуре. Туж кельше вал нюлэскы
пушмульылы ветлыны.
Атае колхозын ужаз, отӥяз
лесник вал. Со улонысь кошкиз
мыным 10 арес дыръя. Анаелы
46 арес сяна ӧй вал. Агае, апае
городын дышетско ни вал бере,
Анатолий Спиридоновлэн архивысьтыз
соослы вылӥ образование сётон,
ваньместы будэтон анаймы
вылэ усиз. Нялтас вераса, Алексей
агае кема кырӟаз «Италмас»
ансамбльын, али но улонэз
крезьгурен герӟаськемын. Елена
апае Москваын медсестра луыса
ужа. Атае кулэм бере школаын
монэ исаны ӧдъязы. Али сое буллинг
шуысалзы. Но пиналъёслэн
серем каремзы монэ кыдатӥз
гинэ. Кыӵе мон луи, со ваньмыз
секыт аръёслы луыса. Урод герой
но дышетэ, кыӵе луыны уг яра
шуыса. Соин ик мон тау карисько
монэ ӝож карисьёслы. Аслым
котьку шуисько вал: ваньмыз ас
киям, котькуд вамышед понна
ачид кыл кутӥськод.
Вӧзад юрттӥсь, нодъясь воргорон
ӧвӧл ке, ачид ик рос-прос
кариськиськод. Огпол велике
тӥяськиз. Вазиськыны нокинлы.
Бергасько, тупатыны вырисько.
Нокызьы уг пӧрмы.
Воже потӥз, куштӥ, йыркурен
вылаз тэтчай на. Басыламе бере
малпасько: молодец, лэсьтэм
интые, тон эшшо золгес тӥяд на.
Со дырысен валай: маке лэсьтон
азьын нырысь малпаськоно.
Соку ик уг пӧрмы ке, каллен
выроно, утчаськоно, куддыр
выль малпан ӝегаса лыктэ.
— Вожъяськылӥды-а эшъёстылы?
— Куддыр мылкыд куашкалляз
ик. Вань пиналъёс урамын
шудо, нош тон бакчаын
пӧсь шунды шорын картошка
уриськод. Кызьы уд вожъяськы?
Али ке но анаелэн верамез
пельсьӧрам: та уж асьмелы
кулэ, мукетъёсызлы кулэ ӧвӧл,
ӧм утялтэ ке, толалтэ сиыны
номыре луоз. Соин ик, шумпотытэк
ке но, чурдэ нуиськод
вал. Озьы нодъямез улонам азьланяз
но туж юрттӥз.
Баби (песянае) монэ тросэзлы
дышетӥз. Конной дворе вал
Семьяеныз Москваын.
кыткыны но сьӧраз нуллылӥз.
Ми соин нюлэскы шальылы
ветлылӥм — эстӥськыны пу
дасяллямы. Али но баби тодаз
вайылэ, «школаысь бертӥ ке,
ачим корало» шуэмме. Кельше
вал тӥрен ужаны. Нош ужлэсь
но дышетсконлэсь ваньмыкум,
ас поннамгес улӥсько вал. Кинлы
ке кужмысь кельшеме ӧз
потылы. Весь маке ас киыным
лэсьтылӥ. Шудонъёсты сэрттыса,
ачимъя тупатъяй, выль шудон
пӧрмытъяй. Изобретательконструктор
кадь аслым йӧтыса,
самой дунтэм машиналы но
ачим электромоторъёс бичалляй.
Пультэн мед ужалоз шуыса,
аккумуляторъёс лэсьтылӥ.
Карандаш бордысь ластикез
ишкалтӥ, машиналэн погылянэз
борды юнматӥ но фрикционной
передача пӧрмытӥ. Жаг
куянэ куштэм кортъёсты, моторъёсты,
вуж батарейкаосты
доре вайылӥсько вал, марлы ке
яралозы шуыса. Выль арбери
бичаса, часъёсын пукылӥ.
— Инженер луоды шуыса,
соку ик малпаськоды вал,
дыр?
— Кин на? Одӥг гинэ юан
сюлмаськытӥз: гурт удысъя
академиын яке техникая кун
университетын визь люкано?
Аслым шуи: адямилэн сиемез
потэ вал, потэ но котьку потоз,
озьыен, гурт удысъя академиез
йылпумъяй ке, ужтэк уг кыльы.
Сиён-юон поттонэз механизировать
каронъя факультетэ
пыри. Уг вера, мон мултэс визьмо
вал шуыса. Но агроинженерия
мыным капчи сётӥськиз.
Арберилэн схемаез шоры учкыса,
вераны быгатӥсько вал,
кызьы со ужа, кытын кутӥське,
кызьы сое умоятыны луэ.
17 ар ӵоже огпол но ӧй жаля
на академие сюрес лёгеме сярысь.
— Кин тӥледыз наукае кыскиз?
Учёной луо шуыса, 2-тӥ курсын
но уг малпаськы на вал.
Гуртэ берто, Можгалась заводэ
интыясько, шуылӥ. Но будэмъя,
тодон-валан люкаськемъя улон
шоры учкон воштӥськиз. 3-тӥ
курсын ни дышетӥсьёс юалляськизы,
кинлэн, пе, наукаен
выремез потэ. Нош киям диплом
сётӥзы но, шуак луи: табере
кытчы? Дыши ни вал занятиосы
ветлыны. Сюлэм буш
кылиз. Аспирантурае пыро,
шуи. Группаысь 25 адями
пӧлысь ми эшеным аспирантурае
сюримы, но йылпумъяны
огнам кылдӥз.
Шаерысьтымы етӥн будэтӥсь
хозяйствоос, заводъёс
сюлмасько вал, мар мертчанэн
карыны, кызьы солэсь ӟечгес
уксё поттыны луоз шуыса. Куж
но шорт лэсьтыса гинэ пайдаез
ӧжыт. Озьы мон етӥнлэсь
вата пӧзьтыны дышетски. Со
небыт, сыӵе ик чебер тӧдьы
медло шуыса, эскеронъёс борды
басьтӥськи. Пӧрмытӥ. Зэм,
али шаерамы сыӵе вата поттонэн
уг выро на, но сэстэм мертчанмы
мынэ самолёт, машина,
дары (порох) лэсьтыны. Солы
кунгож сьӧрын но вожмасько.
Ваньмыз со дэмен ужаммылэн
емышез. Наукаын мае ке выльзэ
усьтӥськод ке, со одно ик кытын
ке кутӥське. Куддыр мукет
тодосчиос тынад статьяосыд,
эскеронъёсыд борды, кӧня ке
ар ортчыса но, выльысь берытско,
соос выльысь тунсыко
луо. Азьланяз, тынад ужед вылэ
пыкиськыса, выльзэ малпало.
Котькуд исследованиез муромытыны
луэ, нош ӧвӧлтэмзэ
нокызьы вань уд кары.
Мыным кельше ялан выльзэ
эскерыны, валаны, кызьы
ужа соиз я таиз механизм. Радзэ
валаськод ке, маке выльзэ
лэсьтыны яке умоятыны трослы
капчигес. Луэ вал заводын но
ужаны. Но академиын опытъёс
ортчытъяны, статьяос гожъяны,
пӧртэм предприятиосын кусып
тупатыны, Россиысь но кунгож
сьӧрысь конференциосы пыриськыны
луонлыкъёс паськытэсьгес.
Мынам 42 научной
уже ни. Статья гожтон азьын
нырысь эскеронъёс радъяно.
Опытъёс но котьку вольыт уг
ортчо. Солы ваньмызлы дыр
кулэ. Уг пӧрмы ке, со но малпаськытэ,
выль амал утчаны
косэ. Трос адямиос юаллясько:
ми, пе, статьядэс лыдӟим, милям
таӵе ӵектонмы вань, шуо.
Москвичъёс но вазисько.
Но мон котьку таӵе данын
ӧй вал. Академиын инженер
луыса ӝыны ставкалы ужаны
кутски. Нырысь дышетон нуналъёсме
тодам вайыса, сереме
потэ. Ачим соку гинэ дышетсконме
йылпумъяй, нош мыным
5-тӥ курсысь студентъёслы
лекциос лыдӟоно. Кышкыт
вал нырысетӥ занятиез ортчытыны.
Экзаменъёслы но сыӵе
зол ӧй дасяськылы, сомында ӧй
лыдӟиськылы кадь, кызьы лекциослы.
Нош студентъёс выль
дышетӥсез котьку эскеро. Сыӵе
юан сётозы, кудӥзлы дасяськытэк
валэктон но сётыны уд
быгаты. Монэ но эскерылӥзы.
Валэктон шедьтӥсько шуыса
адӟемзы бере гинэ дугдӥзы.
Арысь аре аслыд осконэд будэ,
куалекъян вунэ. Огвакытэ 7
дисциплинаез но нуисько вал.
Переработкалы, сиён-юон поттонын
кутӥськись амалъёслы
дышетӥсько.
Ӵемысь кылӥсько, пиналъёслэн
академие пыремзы уг
поты шуыса. Малпанъёсамы
пыӵамын: академиын агрономлы
но зоотехниклы гинэ
дышето. Со кемалась озьы ӧвӧл
ни. Гуртэ бертакум, мынэсьтым
но тодмоос ӵемысь юало
вал: тон кин луыса ужаськод?
Агроном-а, мар-а? Агроинженер
шуисько но — паймо.
— Эскеронъёс ортчытъям,
дышетэм сяна, кафедраен но
быгатыса кивалтӥськоды.
— Кафедраосты огазеямзылэсь
азьвыл деканлэн воштӥсез
но вал. Кафедралы дырме тросгес
висъяме, уже маке выльзэ
пыӵатэме потӥз. Командаям
туннэ 18 мурт. Котькудӥз дуно.
Дэмен трос мае лэсьтыны но
вормыны луэ. Нуналысь нуналэ
валасько: коллективен ужаны
быгатон — со конструктор бичан
кадь гинэ ӧвӧл: котькудзэ
кылыны, валаны тыршоно, шонер
сюрес возьматоно, адӟем
карымон луоно, ужасьёслы но
студентъёслы будыны юрттоно.
Кивалтӥсьлы аслыз но котыр
ласянь юнманы, ялан
дышетскыны кулэ. Психологиез,
философиез ӧд тоды ке, ас
удысад гинэ спец луид ке, кызьы
адямиосын валче ужалод?
Котькудӥзлы усьтон уд шедьты
шуо ке но, луэ шедьтыны. Мынам
котькуд адямиез тодэме
потэ, со сыӵе эскерымтэ выль
уж кадь.
— Астэ ачид будэтыны
секыт-а?
— Капчи ӧвӧл. Мон 6 аресозь
удмурт кылэз уг тодӥськы
вал. Анае выжыезъя ӟуч, со Эгра
ёросын вордӥськемын но будэмын.
Удмурт кылэз вала вал
бере, атаен куспазы удмуртэн
вераськылӥзы, нош мыным
ӟуч сямен вазиськылӥзы, дышетыны
турттыса. Мар сярысь
верасько ай таосыд шуыса, кылэз
дышетыны, отӥяз вольыт
вераськыны кутски. Городэ
лыктэме бере, удмуртысь ӟуче
берыктыса, вераськисько вал,
али нырысь ӟуч сямен малпаськисько
ни кадь. Вань вераськон
ӟуч сяменгес ортче ук. Та сюлмаськытэ.
Астэ воспитать карон понна
ачид азе чурыт куронъёс пуктоно,
дыр, дисциплина луыны
кулэ. Кытын ке ӧжыт изёно,
тросгес ужано. Али секыт, берло
малпалод: мар секытэз вылэм?
Пайдаез гинэ мед луоз. Пеймыт
коридоретӥ мынэм кадь: кышкыт
но каллен. Но со куспын
тон будӥськод.
— Сиён-юон лэсьтӥсь 3D
принтер бичады, шуо.
— Мыльым «пыжыса» утчамы
ни, со самой капчиез. Таба
вылын кадь ик ческыт, но принтер
пыр поттэмын. Аппарат, экструдер
дась, программа гожтӥ,
статьяос печатлай, студентъёсты
котырам кыски. Егитъёслы
но тунсыко мед луоз кадь потэ.
Лыдъясько: дышетскон соку
йылпумъямын, куке тон ас киыныд
маке пӧрмытӥд. Элькунамы
сиён поттӥсь принтер ӧй вал
на. Малы сыӵе принтеръёс кулэ?
Асьмелэн али ваньзэ цифровизировать
карыны куро. Принтер
сётэ луонлык огкадь ӟеч сиён
Ачид азе чурыт куронъёс пуктоно, дыр, дисциплина
луыны кулэ. Кытын ке ӧжыт изёно, тросгес ужано. Али
секыт, берло малпалод: мар секытэз вылэм?
дугдылытэк поттыны, висён
вылэ ӝожтӥськытэк, отпуске
потатэк, таин сэрен производительностез
трослы йылтыны.
— Адямиосты но ӝоген
воштоз ай...
— Кин тодэ. 1960-тӥ аръёсы
компьютер комната быдӟа
вал, нош али пичи телефон солэсь
трослы кужмогес. История
понна туж вакчи дыр куспын
со быдӟа воштӥськон. Россиын
адями пуштӥрлыкез но 3D
принтерен лэсьтыса утчало ни,
озьы ик искусственной сӥль
потто. 2-3 амалъёсты огазеяса,
выль ӧр кылдытыны быгатозы,
со луонлыкъёсты эшшо паськытатоз.
— Санкциосын валче весь
шуо: кунгож сьӧрысь тӥрлык
но сиён-юон Россие ӧжытгес
вуттоно, асьме дорын ваньзэ
поттоно. Но али скал кыскон
аппаратъёсмы гинэ но импортноесь.
Академиын копалкаос
лэсьтӥм шуыса дан
поттӥзы, но малы ке хозяйствоосын
соос уг кутӥсько.
— Мынам сюлэмам нокыӵе
но кышкан ӧвӧл. Музъем асьмемыз
котьку сюдоз. Удмуртъёс
но туж визьмоесь, котьмалы
усточиос. Кулэ луиз ке,
лэсьтозы, шедьтозы, быгатозы.
Соин ик санкциослэсь кышканэз
ӧвӧл. Алонъёс секытгес
сётӥськозы со кунъёслы, кин со
санкциосты малпа.
Берло дыре гинэ Францие,
Германие, Таджикистанэ
вуылӥ, отысь гурт удысэн но
сиён-юон поттонэн тодматски.
Семинаръёсы, конференциосы
пыриськи. Адӟи: дорамы ик
умойгес, дорамы но зол азинскиськом.
Тракторъёс сярысь ке, уноез
соос Россиын пото. Техникатэк
пуксёмы шуыса курданэз ӧвӧл.
Сяме пыӵаз ни, кунамы бичамез
ляб шуыса. Хозяйствоос
дышем сямзыя кунгож сьӧрын
поттэм техника басьтыны туртто,
но соос но тӥяськыло. Асьмелэн
но ӟечез трос, но асьме
дорын бичамезлы йӧн-йӧн реклама
лэсьтыны ум быгатӥське.
Гуртоос но шуо: малы мае ке
выльзэ эскерод, солы дырдэ
быдтод, азьвыл модель ик
кельше, со но ужа. Маке выльзэ
пыӵатыны секыт. Нырысь ик
малпаськон ӧрез воштоно. Соку
академилэн гаражаз но, оло,
асьме тодосчиосын лэсьтэм
техника тузонӟыса уз сылы.
Нялтас вераса, сиён-юон
поттон, промышленность
удысын ужась компаниосысь
кивалтӥсьёс юаллясько, мар ми
выльзэ ӵектыны быгатӥськомы
яке асьсэос валче ужаны дэмлало.
Санкциос соосты сайкатӥзы,
шуыны луэ. Нош академия
ваньзэ лэсьтэ, гуртъёсын умойгес
мед ужалозы, выль технологиос
мед пыӵалозы шуыса.
Милям тунсыко проектъёсмы
вань, соосты уже кутыны, шараяны
али ӵапак дырыз.
Шаркан ёросысь Быгыын ортчылӥсь
фин-угор сиёнлы сӥзем «Быг-быг» фестивале пыриськиз.
— Кылсярысь, маин паймытыны
быгатӥськоды?
— Малпанъёс трос. Унозэ
заводъёсы пыӵатэм бере гинэ
шара вераны но яралоз. Кылсярысь,
али сиёнэз кынтонын
выль амалъёсты утчасько, эскерисько.
Ижысь огеныз переработкаен
вырись предприятиен
валче ужасько. Бакча емыш,
сӥль, чорыг кынтыса ӟечлыксэс
медаз ыштэ. Шуом, карпез озьы
кынтоно, шунамез бере выльысь
мед уялоз. Сиён котьку
ческыт медло шуыса сюлмаськисько.
Эскерон умой ортчиз
ке, Удмуртиын пыӵалоз.
— Изьыкуды ке но йырды
ужамысь дугды лэ-а?
— Мон малпаськытэк
улыны но уг быгатӥськы ни
кадь. Сиськисько-а, кытчы ке
мынӥсько-а, кинэн
ке кенешисько-а,
йырам весь мае ке
бичасько. Гуртын
мар ке лэсьтӥсько ке
но, тае татын я отын
кутыны луэ шуыса, нош эскерисько.
Палэнысь адями малпанъёсме
адӟыны быгатысал
ке, йырам огыр-бугыр шуысал,
но отын но аслаз структураез.
Техникаен вырись тодосчиос
ваньмыз ик сыӵеесь, дыр.
Но йырын ужаса жадисько
ке, Сибые анае доры я Иж
котырысь бакчаям мынӥсько,
тӥр, лопата кутӥсько. Кокаськыса,
гудӥськыса сюлэм
буйга, отпуске потам кадь луоно.
Семьяе кужым сётэ. Кузпалы
Ижысь, Наташа но технической
образованиен. Со
«Ростелеком» огазеяськонын
связист луыса ужа. Студент
вакытысен ми соин ӵош. Котькуд
семьяын кадь ик, куддыр
споръяськиськом, но тыршиськом
кенешыны, тупаны. Пушкад
ворсаськид ке, мар ӟечез?
Вераськыку кусыпъёс юнмало,
ог-огдэ мургес валаськод. Кытын
ке кылдэ куртчиськод, кытын
ке ӟыгыртӥськод.
Уг тодӥськы, кин луоз нылмы.
Солы 6 арес, но али ик конструкторъёсын
шудэ, суредаське,
пластилинэн выре. Шудонэз
тӥяське ке, ойдо ӵош лэсьтом,
шуэ, отвёртка вае.
Быдэс семьяен кельше, машинае
пуксьыса, дуннеез котыръяны.
Лымшорозь но озьы
вуылӥм ни. Удмуртиысь вань
чебер интыосты адӟеммы потэ.
Интыям пичи дырысеным пукыны
уг чидаськы.
— Сомында выльзэ кылдытӥды
ни. Пӧлазы валтӥсез
вал-а ни?
— Кыӵе со луоз? Кызьы сое
валалод? Котькуд вамышез,
котькуд нуналэз ачид понна но
выль сямен усьтӥськод ук. Но
валтӥсез-а со? Пересьми ке, пумиськом
на, дыр, соку валэкто.
________
Елена САРАМАТОВА