13 от 7 апреля 2022 (25925)

№13 (25925)
16 2022-тӥ ар 7-тӥ оштолэзь
Семья кусыпъёс
Кышномурт дышемын
кужмо кариськыны
Малпан
Удмурт луон —
со бадӟым уж!
Малы тон аслыд
сыӵе уж бырйид —
удмурт луон? Тазьы
огпол юаз пие.
Малпаськонэ уси.
Удмурт нылкышнолэн
улонын интыез
аръёс ортчемъя пумен
воштӥське, кужымез
юнма, кыл кутонэз йылэ,
ныпъетэз секытоме.
Пайдалы-а?
Вашкала дырысен ужез
нылкышноос но пиосъёс куспын
люкылӥзы. Семьяын
пи вордскыку, вераллязы:
гырись шедьтӥм. Нош ныллы
шумпотылӥзы, черсӥсь
шедьтӥм шуыса. Этнографъёс
пусъемъя, 5-7 аресъем пияшъёсты
турнаны, гырыны,
ю-нянь кутсаны ысто ни вал.
Соосты пичи дырысенызы
дышетылӥзы пӧйшураны,
чорыганы, мушканы. Кибашлы
воргоронъёс пиоссылы
дурыны, пуэн, куэн вырыны
валэктылӥзы. Нылъёсты пичиысен
нодъяллязы сиён пӧраны,
горд сюйлэсь посуда лэсьтыны,
киужен вырыны, юрт кутыны,
нылпи утялтыны-будэтыны.
Нылкышно вашкала дырысен
семьялэсь шунытсэ утись
луэ. Со вакытэ ик кышномуртъёс
но пиосъёс нянь дэмен
калтылӥзы, толлы сиён валче
дасяллязы, хозяйствоез возьыны
ӵош тыршизы.
Котькуд вакытэ нылкышноез
дунъяллязы таза нылпи
вайыны быгатэмез понна. Удмуртъёс
али ке но асьсэ шудзэс
юрт тыр пиналъёс бордысь
адӟо. Калык веран но вань:
«Зарниен но азвесен мар-о бен
карод? Со интые мед луоз вордэм
нылпиед». Вашкала дыръя
нылкышнолэсь мумы луон кужымзэ
пусйылӥзы, инкуазь кужымен
герӟаллязы. Дӥськутэз,
чеберъяськон арбериосыз,
дӥсь но котырысьтыз пужыос,
кырӟанъёс, пелляськон кыл
тодэмез — ваньмыз та анайлэсь
тазалыксэ утьыны, пинал
вордыны юрттылӥз. Удмурт
фольклорез учконо ке, нылкышнолэсь
чеберлыксэ сяськаосын,
будосъёсын, емышъёсын
ӵо шатъязы. Кылсярысь, таӵе
веранъёс кылемын: «Гурезь
но бамад сьӧд пушнеред, пушнер
но пӧлын сьӧд сутэр». Яке:
«Сьӧд сутэр кадь ик синъёсты,
горд намер кадь ик бамъёсты».
Нылпиезлы арес тырмытозь,
анай котырысьтыз ӧз
кошкылы, утись-вордӥсь сямен
дышетылӥз вераськыны,
ветлыны, сиськыны. Бӧрысьгес
но пиналзэ сьӧраз бусые
кутылӥз. Будэмез бере ни пиез
атаез, песятаез котырын ужалляз,
нылыз песянаезлы, апайёсызлы
юрттӥськылӥз.
Анай, песянай, семья дышето пиналэз улыны.
Нылкышно котьку паймытъяз
киужен выременыз.
Ассэ, юртъер котырзэ чебер
карыны тыршылӥз. Кылэз,
сям-йылолъёсыз утёнын солэн
тужгес бадӟым интыез. Ӵапак
анайлэсь, песянайлэсь пинал
нырысетӥ кылъёссэ кылэ, веттан
гуръёсын, выжыкылъёсын,
калык веранъёсын но мукет
узырлыкенымы тодматске.
Экспедициос дыръя шедьтэм
чеберъяськонъёс пӧлын мумы
луэмлы сӥзем арбериос али ке
но шедьыло. Уйпал удмуртъёслэн
куриськоназы Кылдысинмумылы
вазиськонъёс кылемын.
Кылдысин нылкышноез
утьылӥз, нылпи вайыны кужым
сётылӥз, озьы ик ю-нянь
будэтыны юрттылӥз.
Киров улосысь Слободской
ёросысь удмуртъёслэн Кылдысин
нимо вӧсяськон интыоссы
вал. Быдӟым вӧсь дыръя нылкышноос
татын вӧсяськылӥзы,
Кылдысинлы йыбырттылӥзы.
Пелляськисьёс, вӧсяськисьёс
удмуртъёслэн улоназы
бадӟым инты басьто вал.
У дмурт АССР-ысь наука удысысь
дано ужась, тодмо историк
Павел Луппов пусйылӥз,
удмурт нылкышно языческой
осконэз утись луэ шуыса.
Тодосчиос чакламъя, вашкала
удмурт гуртъёсын нылкышноос
но воргоронъёс
туж тупаса улӥзы, пиосмуртъёс
бадӟым ужъёсты, кузпалъёсынызы
кенешытэк, уг
лэсьто вал. Нылкышнолэн юн
луэмез, валамез, валэктэмез
бордысь потылӥз семьялэн
шудэз. Солэн улонэз валамез
бордын вал нылпилэн азьпал
сюресэз.
Жаляса пусъёно, нылкышнолэн
возэз йылӥз. Экономикаын,
улон-вылон ын
шуг-секытъёс шоры учкыса,
Нылкышнолэн юн луэмез, валамез, валэктэмез бордысь
потылӥз семьялэн шудэз. Солэн улонэз валамез бордын
вал нылпилэн азьпал сюресэз.
со ачиз шуныт коркаяз гинэ
пукыны ӧз чида ни. Со угось
мумы, со киын ӵуказе нунал
но семьялэн ӟеч улонэз. Со
ачиз ас вылаз бадӟымгес кыл
кутонэз басьтӥз. Пиосмуртлы
сярысь, нылмуртлы угось
капчигес выль куронъёсъя
тупатӥськыны, троссэ чиданы.
Таин сэрен но гуманитарной
наукаын, дышетонын, археологиын,
эмъян, культура удысъёсын,
удмурт движениын уногес
луизы нылкышноос. Дуннеысь
югдурез учконо ке, мукет
азьын но та удысъёсты нылкышноосгес
валто. Огласянь,
со шумпотымон: нылкышноос
дӥсьтыса котькыӵе уж борды
Туспуктӥз Михаил ЕГОРОВ
басьтӥсько, но мукет ласянь,
малпаськыны муг вань: нылпиосты
будэтонын та палдурес
шӧдӥське. Оген пиналзэс
будэтӥсь нылкышноос сотэк
но арысь аре йыло, нош отӥяз
пиналъёсты нош ик ӵемысь
нылкышноос котырто. Пиосмуртъёслэн
кужымзэс возьматэмзы,
кузё луэмзы потэ. Таин
сэрен но соослэн нылкышноосын
оградын вамыштэмзы
уггес поты. Но нылкышно
юн уг кариськы ке, ӵемысь
вӧзысьтыз пиосмурт но лябӟе.
Та югдур туннэ рос-прос эскерымтэ
на. Но
адӟиське: кышномурт
ныпъетсэ
кулэстэ ке, пумен
урод сюрес вылэ
султыны быгатэ.
Со угось дышемын
кужмо луыны, со мукет
луыны уг но быгаты ни. Пиосмуртэз
ӝутоно, шуиськомы,
но куддыр пиосмуртлэн
аслаз но ӝутӥськемез уг поты.
Зэм, кивалтон удысын, гыронын-кизёнын,
точной наукаосын
воргоронъёс трос, соос
оскымон пыкъет луо. Но сыӵе
юн воргоронъёслэн тыбыр
сьӧразы сыӵе ик юн нылкышноос
сыло.
________
Надежда ШУТОВА,
история наукаосъя доктор,
Историяя, кылъя но литературая
Удмурт институтысь
наукая валтӥсь сотрудник
Удмурт луон — со зэмен
ик бадӟым уж. 20 ар ӵоже
ни мон нылпи садын
ужасько, пиналъёслы
шудонъёс, кырӟанъёс,
ужрадъёс пыр удмуртлыкез
пыӵатӥсько, анай
кылмылы дышетӥсько,
ачим но азинскисько.
Семьяын но удмурт
луон — со сыӵе ик уж,
тужгес но — мемилэн.
Анай кылмы юрттэ
выжыосмес умойгес валаны,
сям-йылолъёсмес
утьыны, историмес
мургес дышетыны,
котырысьтымы дуннеез
но адямиосты усьтыны,
ог-огмес кылыны. Ӵапак
мумы-бубы бордысь
потэ, кыӵе кылын
вераськоз пиналзы.
Анай-атаез шоры учкыса,
со будэ, адӟем каре.
Соин ик лыдъясько:
дорын но, калыкын но
пиналын удмурт кылын
вераськыны кепырано
ӧвӧл. Возьдаськеммес со
шӧдоз, малпалоз: озьыен,
удмурт кыл — лушкем
кыл. Нылпиез анай
кылын вераськытон — со
секыт ужпум. Аслам но
сюлэмы вӧсь луэ, пиосы
пумитам куддыр ӟучен
вазё ке. Тодӥсько огзэ:
кылэз дышетон шулдыр
ортчыны кулэ, пинал
мӧзмыны медаз кутскы.
Соин но 2020-тӥ арын
пандемия дыръя, дорын
ворсаськыса пукыкумы,
кылмес дышетонъя
видеоурокъёс гожъяны
кутски, дидактической
материалъёсты кутӥ,
пиосме но котырам кыски.
Камера азьын гожеръяны,
бӧтьыртыны
соослы кельшиз. Асьсэлы
асьсэос дышетӥсьёс
кадь потӥзы, калык
азьын вераськыны
гань-гань дышизы,
кепыранзэс вунэтӥзы.
17 видеозанятие но 2
мастер-класс лэсьтӥмы
ни. Ваньзэ Интернет
вотэсысь «ВКонтакте»
вотэсэ поттӥмы. Учкисьёслы
но яраз. Анайатайёс,
дышетӥсьёс но
визьнодасьёс табере
соосты урокъёсазы но
куто.
________
Светлана ЗИНКОВА,
Ижысь К. Герд нимо
нылпи садысь визьнодась