13 от 7 апреля 2022 (25925)

№13 (25925)
4 2022-тӥ ар 7-тӥ оштолэзь
УДМУРТЛЫК
Пумиськонъёс
Малы бӧрдэ кылбур?
Можга педколледжын
туннэ 490 пиналъёс
визь люкало, 100-эз
дасясько удмурт кылэз
нуыны. 3-тӥ курсысь
удмурт группаен
пумиськылӥзы «Удмурт
дунне» газетысь журналистъёс.
Педколледже шаерысьтымы
писательёс, поэтъёс ӵем
вуыло. Ас вакытаз татысь
трос тодмо, дано гожъяськисьёс
потэмын. Кылсярысь,
Михаил Коновалов, Игнатий
Гаврилов, Трофим Архипов,
Герман Ходырев, Николай
Байтеряков, Василий Садовников
но мукетъёсыз. Педколледжын
азьло дырысен
литературной кружок но
ужа. Уно аръёс ӵоже соин кивалтэ
ни удмурт кылъя но литературая
дышетӥсь Татьяна
Иванова. Али кружоказ 1-тӥ-
4-тӥ курсъёсысь 13 егитъёс
ветло. Соос пӧлысь но тросэз
шумпотыса лыктӥзы
«Удмурт дунне» газетлэн
валтӥсь редактореныз, писателен,
Можга педколледжез
йылпумъям Елена Миннигараеваен
пумиськонэ. Дасяськиллям:
книгаосызъя но статьяосызъя
юанъёс сётъязы.
Юалляськизы журналистлэн
ужез, гожъяськон амалъёс
сярысь но. Елена Васильевна
пусйиз:
— Удмурт кыл пыр удмурт
литературае сюрыны капчигес.
Можгалась педколледжын
«Удмурт дунне» газетысь ужасьёсын пумиськон ортчиз.
Кылмы — бадӟым узырлыкмы,
соин ӵош асьмеос мукет калыкъёслы
но тунсыко луиськомы.
«Удмурт дунне» газетэн,
ужасьёсын тодматскыны но
таин сэрен кунгож сьӧрысь но
адямиос вуыло.
Елена Миннигараева
нылъёслы-пиослы литератураысь
пӧртэм конкурсъ ёс
сярысь мадиз, кылзэс волятыны,
асьсэды эскерыны но
пыриськыны ӵектӥз. Кылсярысь,
Кун Думаысь депутатлэн
Лариса Бурановалэн
юрттэмезъя «Удмурт дунне»
газет радъя «ИнГОЖ»
конкурс. Е. Миннигараева
дэмлаз: кыӵе ке произведение
гожтыкуды, нырысетӥ
чуръёсысен ик лыд ӟисьёсты
бордады кыскыны тырше, соослэн
тодэмзы мед потоз, мар
луоз отӥяз.
Татьяна Сергеевна но
котькуд гожъяськись пиналэз
ачиз сямен бурдъяны тырше.
Со котькудӥзлэсь сюрессэ
чакла, котькудӥз сярысь аслаз
нылпиез понна кадь сюлмаське,
жингыръя.
— Елена Миннигараевалэн
«Мон — улӥсько!»
кылбур бичетэз потӥз но,
Туспуктӥз Максим ЕГОРОВ
киям карандаш кутыса ик,
сое лыдӟи, мылкыдме котькуд
кылбурез вадьсы гожтӥ.
«Ленӥ, малы кылбуръёсыд
бӧрдо?» шуыса но пусйиськем.
Мукет интыяз «Кин ке урод
кылзэ вераз-а?» юаськем. Бичетэз
лыдӟи, героиняез кытын
ке жаляса, кытын ке паймыса,
егит муртлэн таӵе малпанъёсыз
луыны быгато шат шуыса.
— Кылбуръёсы аслам мылкыды
вылын шӧдӥськыны
ӧдъязы, соин но проза вылэ
выжи. Кылбур — со лулысь
потэм чуръёс, нош проза
визьмын малпаськыса
гожтэм ужъёс, — шуиз Елена
Васильевна.
Журналист Елена Сараматова
но газетын ужаменыз
тодматӥз, тунсыко учыръёсы
сюрылэмъёсыз, творчествоез
сярысь мадиз. Аслаз веросъёсаз
со газетэ тэрымтэ мылкыдзэ
усьтэ, малпаськытэ.
Пумиськон пумын ни Татьяна
Сергеевна жаляса вераз,
туала егитъёслэн бадӟым
произведениосты лыдӟемзы
уггес поты шуыса. Азьвыл студентъёслэн
киысьтызы книгаос
уг усьыло вал. Кин тодэ,
оло, кенешыса-кенешыса вераськем
бере студентъёслэн
лыдӟиськон мылкыдзы выльысь
ӝутӥськоз.
— Таӵе шуныт пумиськонъёс
туж кулэ, — шуэ Татьяна
Сергеевна. — Нылъёс-пиос,
оло, али ик пумозяз уг валало
на солэсь дунзэ, но школаосы
мынӥзы ке, нылпиосын
ужаны кутскизы ке, выльысь
но выльысь тодазы ваёзы,
дышетскисьёссылы вералозы
Елена Миннигараеваен но
Елена Сараматоваен пумиськылэмзэс.
Мон ачим педколледжын
ужаны кутскеме бере
гинэ рос-прос дунъяны ӧдъяй
тодмо писательёсын кенешылэмъёсмес,
сӥзёнъёсынызы,
кинюртэмъ ёсынызы блокнотме
но студентъёслы ӵемысь
возьматъясько.
________
Елена ФЁДОРОВА
Визь сынан
Пичиысен бадӟымозь
«Вуо меда океанозь?»
нимаськиз Бадӟым
удмурт диктант. 2-тӥ
оштолэзе шаерамы но
солэн палэназ, ог 130
площадкаын, 1 сюрслэсь
трос адямиос сое
гожтӥзы.
Ужрад туэ 11-тӥзэ ортчиз.
Диктантлы текст дасяз кылбурчи,
«Кенеш» журналлэн
валтӥсь редакторез Анастасия
Шумилова.
Текстэз огдыре лыдӟизы
«Мынам Удмуртие» радио но
телевидение, Интернет вотэс
пыр меӵак эфирын но
нимысьтыз площадкаосын.
Шаерамы улӥсьёс сяна, диктант
гожтӥзы на Башкортостанын,
Татарстанын, Марий
Элын, Пермьын, Москваын но
мукет улосъёсын.
Ижын но нимысьтыз
площадкаос кылдытэмын
вал, одӥгез ужаз Эшъяськон
юртын. Татчы лыктӥзы
«Удмурт Кенеш» огазеяськонлэн
ёзчиосыз, Йӧскалык
прессая юртын — «Удмурт
дунне» но «Ӟечбур!» газетъёсын,
«Кизили» но «Вордскем
кыл» журналъёсын —
ужасьёс но мукетъёсыз. Люкаськемъёслы
капчи мылкыд
сӥзиз «Удмурт Кенеш» огазеяськонлэн
кивалтӥсез Татьяна
Ишматова, нош диктантэз
лыдӟиз педагогика наукаосъя
кандидат Светлана Арекеева.
Эшъяськон юртэ диктант
гожтыны лыктэмъёс пӧлысь
арлыдоез вал Пичи Пурга ёросысь
Вуж Мӧнья гуртысь 75
аресъем Нина Михайлова. Городэ
ӝамдэлы ветлон висказ
Эшъяськон юртэ кожем.
— Калыкен ӵош диктант
гожтонэ копак нырысьсэ пыриськи,
— шуэ Нина Фоминична.
— Талэсь азьло, радио
азьын пукыса гинэ, ас поннам
гожъялляй вал, ужъёсме но
нокытчы ӧй ыстылы. Калыкен
ӵош гожтыны шулдыргес вылэм.
Текст туж кельшиз, деепричастной
оборотъёсыз трос
вал ке но, черновикам аслым
пусйи: «Настя молодец!»
Москваысь удмуртъёс таӵе
ужрадэ 3-тӥ арзэ пыриськизы.
«Герд» огазеяськонлэн
кивалтӥсезлэн воштӥсез Маргарита
Сельченкова верамъя,
диктант гожтӥсьёс 16-сен 65
аресозь вылӥллям. Вордскемзыя
соос Алнаш, Балезино,
Вавож, Пичи Пурга, Кияса,
Якшур-Бӧдья ёросъёсысь, Глазов
городысь но Башкортостанысь
луо.
— Диктант гожтонэ ми
вазьгес люкаськимы, «Бадӟым
удмурт диктант» огинлэн
«ВКонтакте» бамысьтыз вань
видеороликъёсты учкимы,
гожъяськон правилоосты тодамы
вайимы, — шуэ Маргарита
Сельченкова. — Диктантэз
лыдӟиз Лидия Семёнова,
Кизнер ёросын вордскемын,
ас вакытаз Удмурт кун университетэз
йылпумъямын.
Пӧлысьтымы тужгес арлыдоез
вал 65 аресъем Татьяна Николаевна
Крючкова.
Диктантлы йылпумъянъёс
лэсьтозы 30-тӥ оштолэзёзь.
Радиоез яке телевизорез кылзыса
гожтэмъёслы ужъёссэс
ыстоно 10-тӥ оштолэзёзь таӵе
адресъя: 426069, Удмурт Республика,
Ижевск, Песочной
ульча, 9-тӥ юрт, одно ик пусъёно
«Бадӟым удмурт диктант»
шуыса яке diktant2022@
yandex.ru электрон адресъя.
Площадкаосын гожтэм ужъёсты
эскерозы асьсэос лыдӟем
адямиос, УдГУ-ысь Удмурт кылосбуръя,
финно-угроведениея
но журналистикая институтысь
филологъёс.
________
Валентина ЕМЕЛЬЯНОВА
Нациосын ужан политикая министр Эдуард Петров:
________
— Диктант гожтонэ нырысьсэ пыриськи, валай: янгышъёстэк
гожъяськон понна удмурт кылын тросгес лыдӟиськоно. Нылпиослы,
анай-атайёслы тодон-валанъёссэс эскерон вылысь туж усто
радъям ужрад шуысал. Тросгес адямиос мед пыриськозы.
Глазовысь «Красное знамя» газетысь корреспондент Елена Трефилова:
________
— Улонам мон нырысьсэ удмурт кылын диктант гожтӥ, солэсь
азьло кӧня ке ар ӵоже удмурт кылэз дышетонъя курсъёсы ветлӥ.
Шумпотӥсько, текстлэсь пуштроссэ быдэсак валай шуыса. 59 балл
люкай, мон понна со туж умой лыдпус ни.