13 от 7 апреля 2022 (25925)

№13 (25925)
14 2022-тӥ ар 7-тӥ оштолэзь
Ашальчи Оки нимо премия
Мылкыдыз валтӥз
калык пӧлы
«Удмурт Кенешлэн»
исполкомаз шараязы
Ашальчи Оки нимо
йӧскалык премилэсь
лауреатсэ. Туэ та данъетэн
пусъемын ужысь
ветеран, Удмуртиысь
лулчеберет удысысь
дано ужась Зинаида
Титова.
Можгалась педучилищеез
йылпумъяса, Зинаида Яковлевна
ужаз Пичи Пурга ёросысь
Брангурт но Уча шор ёзо
школаосын. 1965-тӥ арын
ёрос газетлэн редакцияз вуиз
— со дырысен вань улонзэ
сӥзиз «Маяклэсь» удмурт кылын
вариантсэ дасянлы.
Журналистика удысын
тыршон висказ Зинаида Титова
вутскиз вылӥ тодон-валан
люканы, ёрос газетын со
оглом 30 арлэсь кема тыршиз.
Удмурт кылын газет дасякуз,
редактор туж матысь эш
луиз районысь анай кылъя
дышетӥсьёслы. Со пиналъёсын
трос пумиськонъёс
радъялляз, ёрос конкурсъёс,
литературая ужрадъёс но
конференциос ортчытъяны
юрттылӥз. Нош 1970-тӥ
аръёслэн пумазы Зинаида
Яковлевна дэмлаз ёросысь
юнкоръёслэсь нимысьтыз
слётъёссэс радъялляны. Соос
бордысь «Маяклэн» редакцияз
1989-тӥ арын вордскиз
литературая но творчествоя
«Пурга гуръёс» огазеяськон.
Та уж борды Зинаида Яковлевна
кутскиз удмурт писателен
Никвлад Самсоновен ӵош.
Ашальчи Окилэн вордскем
но улэм ёросъёсаз —
Гракын но Алнашын —
арлы быдэ ортчылэ солэсь
нимзэ нуллӥсь премиез
сётон.
Алнаш ёросын та премиен
пусйыны ӵектэмын вал 6
кышномурт — быръемын 3-ез.
Котькудӥз ас удысаз вормонъёс
басьтэмын, удмурт выжызэс
утён сярысь сюлмасько.
Удмуртиысь культура удысысь
дано ужась Галина Майорова
кема аръёс ӵоже тыршиз
Асанысь сов хоз-техникумысь
«Юность» культурая юртын.
Пӧртэм ужрадъёс ортчытъяса,
калыклы пыӵатыны тыршиз
удмурт выжыоссэ, удмурт
кылзэ гажан мылкыд.
Ашальчи Оки нимо йӧскалык премиен пусъемын
Пичи Пурга ёросысь Баграш-Биграысь Зинаида Титова.
Пиналъёслэн устоосыз
ужъёссы толэзьлы быдэ
печатласькы лӥзы ёрос газетын.
Нош 1995-тӥ арын пинал
гожъяськисьёслэн кылбуръёссы
но веросъёссы нимысьтыз
сборникен потӥзы.
— Та выллем огазеяськон
нокытын но ӧй вал, со пумен
элькун уровене потӥз, —
вераз «Удмурт Кенешлэн»
йӧскалык премиосъя комиссиезлэн
ёзчиез, «Удмурт
нылкышно кенешлэн»
тӧроез Елена Миннигараева.
Бӧрысь «Пурга гуръёс»
будӥзы «Пурга кизилиос»
Адӟем карымонэсь, етӥзэсь
Азаматысь Людмила Гирбасова
37 арлэсь кема ини
школаын сиён пӧрасьын
тырше. Арганэн шудэ, кылбур
гожъя — 250-лэсь ятыр
люкаськизы ни. Соосъя
кырӟанъёс кылдытӥзы Пантелей
Кузнецов, Анна Плотникова,
Николай Трубачев.
Удмуртиысь гурт удысысь
дано ужась Татьяна Петрова
37 арлэсь кема ини тырше
«Решительный» хозяйствоын
валтӥсь зоотехник луыса.
Мылысь-кыдысь пыриське удмурт
ужрадъёсы.
Грак палъёсын Ашальчи
Оки нимо ёрос премиен
пус йыны ӵектэмын вал
5 мурт, быръемын 3-ез.
Галина Данилова улонзэ
герӟаз лулчеберетэн:
центрозь. Татын, пинал гожъяськисьёс
сяна, тодон-валан
люканы быгатӥзы суредаськыны,
кырӟаны яратӥсь, театрен
тунсыкъяськись нылпиос. Соос
табере быдэс шаермылы тодмоесь
ни. Кылсярысь, «Удмурт
дунне» газетлэн редакторез
Елена Миннигараева, «Мынам
Удмуртие» радиоысь журналист
Светлана Пикулева, К.
Герд нимо гимназиысь вылӥ
категориен дышетӥсь Надежда
Демакова, Удмурт театрысь
артистъёс Вадим Дмитриев но
Константин Никитин, трос мукетъёсыз.
кема аръёс ӵоже методист
луыса тыршиз Грак черкогуртысь
культурая юртын.
Ваньмон дыръяз кырӟа-вера
«Звонница» самодеятельной
коллективын.
Бадӟым Вожой гуртысь
культурая юртэн кивалтӥсь
Елена Рябкова вань сюлэмзэ,
мылкыдзэ сётэ гурт
калыклы — клубазы ужрадъёс
ортчытъя, мӧйызэ но, покчизэ
но огазеяны, бурдъяны быгатэ.
Вуж Эгра гуртысь Галина
Ушкова вордскемын
Зинаида Титовалэн архивысьтыз
Зинаида Титовалэн сямыз
но ӟег нянь кадь. Со котыре
калык кыстӥське визь-кенеш
юаны, сюлэмшугъяськонзэ
вераны. Уката Зинаида Яковлевналэн
сюлэмыз тымиськемын
вордскем шаермес,
анай кылмес, сямъёсмес но
культурамес яратонэн, сое
утьыны сюлмаськонэн. Соин
культура удысысь дано ужась
ним но юнме ӧвӧл сётэмын.
Шутэтскыны потыса но,
Зинаида Яковлевна кема аръёс
ӵоже кивалтӥз Баграш-Бигра
гуртысь ветеранъёслэн
огазеяськонэнызы. Ӧз аналты
гожъяськон удысэз но: кылбура,
ужрадъёслы сценарийёс
дасялля, Куреггуртлэн но Баграш-Бигралэн
историзылы
сӥзем материалъёс люка-утча.
Кузпалыныз ӵош Зинаида
Яковлевна 3 ныл будэтӥз.
Туннэ сое шумпотто 4 внукъёсыз
но 4 правнукъёсыз.
Зинаида Титовалы кылем
сӥзьыл 81 арес тырмиз. Озьы
ке но сое али но гажаса ӧтчало
пӧртэм пумиськонъёсын вераськыны,
Зинаида Яковлевна
ачиз но мыло-кыдо вамыштэ
кылбурчиослэн, писательёслэн
но журналистъёслэн творческой
ӝытъёсазы.
Зинаида Яковлевна котьку
ужамын, аслыз дан поттытэк,
аслаз мылкыдыз вылын.
Соин ик шумпотымон,
таӵе сабырлы кышномуртлэн
тыршемез синйылтэмын
шуыса.
________
Елена СКВОРЦОВА
Быдӟым ож вакытэ, ас вылаз
шӧдӥз курадӟонэз, сютэм
улонэз. Кема аръёс
ӵоже кивалтӥз гуртысьтызы
культурая юртэн. Бӧрысь,
пенсие потытозяз, «Родина»
хозяйствоын пудо утись
луыса тыршиз. Кема аръёс
ӵоже ини ветлэ «Эгра кенакъёс»
ансамбле. Вань тодэмзэ
со пыӵатыны тырше
егитъёслы.
________
Елена ТУГАШОВА
«Удмурт Кенеш» огазеяськон мур куректэмзэ вера огазеяськонлэн
вице-президентэзлы Елена Николаевна Ленцовалы
агаез Валентин Николаевич Тукаев дырызлэсь
вазь улонысь кошкемен валче но юн кариськыны сӥзе.
Вожвылъяськон
Чеберайёс —
удмурт дыдыос
2012-тӥ арысен
Россиын радъяське
«Северная краса»
конкурс. Отчы
пырисько пӧртэм
выжыосысь 5 аресысен
14 аресозь
нылъёс.
Та вожвылъяськонэз
радъян сярысь сюлмаське
Сыктывкарысь
коми культурая центр.
Берло аръёсы пандемиен
йырин конкурс
радъяськылӥз онлайн
амалэн. Талэн пайдаез
но вал: пиналъёсты
сюрес вылэ поттоно
ӧй вал бере, вожвылъяськонэ
пыриськыны
быгатӥзы тросгес
нылашъёс.
Палэнэ ӧз кыльы Удмурт
шаер но: «Северная
краса» конкурсэ
пыриськизы пӧртэм
нылпи садъёсысь,
школаосысь 24 нылъёс.
Соос видео дасязы.
Удмурт дэремъёсын
пӧрмытскы са, асьсэос
сярысь мадизы, быгатонлыкъёссы
сярысь
веразы.
5-7 аресъемъёс пӧлын
вань интыосты утӥзы
удмурт нылашъёс. 1-тӥ
луизы 2 дыдыос —
Пичи Пурга ёросысь
Вуж Мӧньяысь Елизавета
Данилова но Дэри
ёросысь Хохряки гуртысь
Арина Киселёва.
2-тӥ — Можга карысь
Аделина Мельникова,
3-тӥ — Алнаш ёросысь
Варзи-Ятчиысь Ольга
Воробьёва.
7-9 аресъемъёс пӧлын
2-тӥ интые потӥз
Шаркан ёросысь Зар-
Вишур гуртысь Вероника
Широбокова.
Нош 10-12 но 13-14
аресъемъёс пӧлын
ваньзэсты азьпалтӥзы
Ижысь Арина Ермакова
но Балезино ёросысь
Быдыпи гуртысь
Ксения Емельянова.
Сетьёсын нимаз куара
сётон радъямын вал
учкисьёслэсь кузьымзэс
утон понна. Таяз
номинациын но асьме
нылъёс трос куара люказы:
Ольга Яковлева
но Аделина Мельникова
нимысьтыз кузьымен
пусъемын луозы.
Вормисе потэм дыдыослы
сётэмын луозы
дипломъёс, синпель
кузьымъёс.
________
Сергей ЗАХАРОВ