BÂKÎ DÎVÂNI - e-Kitap

7 Derûna tâb-ı ruhi düşmeyince ey Bâkî
Ne câm-ı sâfda buldum safâ ne sâzda sûz
-199-
Mefâ ’ îlün mefâ ’ îlün mefâ ’ îlün mefâ ’ îlün
1 Eger biñ zahm ura gamzeñ ten-i curyâne incinmez
Ucından tek hemân bir hisse çıksun câne incinmez
2 Gam u gussa dil-i ‘ uşşâka yârân-ı safâdandur
Göñül hazz eyler anlardan kişi yârâne incinmez
3 Dil-i sad-çâk o mûy-ı müşg-bûnuñ bendine kalmaz
Çeker zülf-i dil-âvîzüñ cefâsın şâne incinmez
4 Döker ‘ âşık yoluñda dâne dâne gevher-i eşki
Yatur hâk-i mezelletde yine bir dâne incinmez
5 Zebân-ı ta ’ n-ı a ’ dâdan perîşân olma ey Bâkî
Hezârân tîşe-i âzâr ururlar kâne incinmez
-200-
Fe ’ ilâtün mefâ ’ ilün fe ’ ilün
1 Dil teb-i hecr-i yâre katlanmaz
Kimse ihrâk-i nâre katlanmaz
2 Rind olan câm alur eline müdâm
Lâleveş nev-bahâre katlanmaz
3 Gül-i maksûd ele getürmez o kim
Zahmet-i zahm-ı hâre katlanmaz
4 Kullanur zevrak-ı meyi sâkî
Çekdürür rûzgâre katlanmaz
5 Tevbe âsân idi velî ‘ âşık
Bâde-i hoş-güvâre katlanmaz
6 Belki dil sabr ideydi ammâ ‘ ömr
Va ’ de-i vasl-ı yâre katlanmaz
7 Bir çakım kav olur gamuñda göñül
Tutışur bir şirâre katlanmaz
164