bunge la tanzania

12 APRILI, 2012
Mheshimiwa Waziri Mkuu swali moja hasa ukizingatia nimeamka
saa tisa alfajiri nilishangaa ilivyoanza vinginevyo nilitaka
kusikitika lakini nashukuru nimepata nafasi. Mheshimiwa Waziri
Mkuu, wastaafu wa Shirika la TAZARA wamekuwa wakidai
mafao yao kuanzia mwaka 2007 na wamekuwa wakipewa
ahadi mbalimbali za Serikali wakati wa Bajeti pamoja na
viongozi mbalimbali waandamizi wa Serikali kwamba
watalipwa malipo yao muda si mrefu. Mheshimiwa Waziri
Mkuu, wastaafu hawa ni Watanzania, wametumikia nchi yao
kwa uadilifu na uaminifu mkubwa, ningependa kujua kauli ya
Serikali ni nini kuhusiana na malipo ya wastaafu hawa wa
TAZARA? Ahsante. (Makofi)
WAZIRI MKUU: Mheshimiwa Naibu Spika, ni kweli kwamba
tumekuwa na tatizo hilo la malipo ya mafao ya wastaafu wa
TAZARA, lakini yako matatizo mengine mengi vile vile kwenye
Shirika hili la TAZARA ambayo tunaendelea kuyashughulikia,
lakini hususani hili la mafao kwanza tulitaka tuwashukuru sana
wafanyakazi hawa kwa sababu katika mkutano wao wa
mwisho na Serikali baada ya majidiliano nao walikubali sasa
kwamba basi Serikali ijaribu kuona namna itakavyolipa zile
bilioni 22 na wamekubali kwamba zilipwe kwa awamu. Kwa
hiyo tumekubaliana kwamba tutatoa fedha hizo kwa awamu
tatu, bilioni 7 awamu ya kwanza, bilioni 7 awamu ya pili na
bilioni 7 awamu inayofuata. Kwa hiyo, Mheshimiwa Kairuki
jambo hilo tunalikamilisha sasa hivi na tutalipa hizo fedha kwa
awamu kama tulivyokubaliana na tunaomba tu wavute subira
kidogo ili tuweze kulimaliza.
Lakini wakati huo huo Serikali imeona ni vizuri tutazame
tatizo la TAZARA kwa upana wake. Kwa hiyo, tumeomba
Mawaziri wanaohusika upande wa Zambia na Tanzania
wakutane ili tuweze kwa kweli kuona namna bora zaidi ya
kuimarisha chombo hiki kwa lengo la kuongeza ufanisi na
kupunguza matatizo ambayo yanawakabili. (Makofi)
10