bunge la tanzania

12 APRILI, 2012
Na. 34
Uendelezaji wa Kilimo cha Umwagiliaji
MHE. RAJAB MBAROUK MOHAMED aliuliza:-
Mwaka 1968 Serikali ilianzisha Kitengo cha Umwagiliaji ili
kuendeleza hekta 10,000 za mashamba; na mwaka 1986 na
1995 Serikali ilipatiwa msaada kutoka UNDP/FAO wa
kuendeleza Kilimo cha Umwagiliaji kwa skimu 147 kwa kipindi
cha miaka 20 hadi kufikia mwaka 2014:-
(a) Je, hadi sasa ni skimu ngapi zimeendelezwa na ni
katika maeneo gani?
(b) Je, ni changamoto gani zilizojitokeza na ni mafanikio
gani endelevu yaliyopatikana?
NAIBU WAZIRI WA KILIMO NA USHIRIKA alijibu:-
Mheshimiwa Naibu Spika, kwa niaba ya Waziri wa Kilimo
na Ushirika, napenda kujibu swali la Mheshimiwa Rajab
Mbarouk Mohammed, Mbunge wa Ole, lenye sehemu (a) na
(b), kama ifuatavyo:-
(a) Mheshimiwa Naibu Spika, kati ya mwaka 1988 na
1999, Serikali ilitekeleza Mradi wa Umwagiliaji kwa msaada wa
Mashirika ya UNDP na FAO. Malengo makuu ya Mradi huo,
yalikuwa kujenga uwezo wa Kitengo cha Umwagiliaji, kupanga
na kutekeleza Miradi ya Umwagiliaji katika nchi nzima na
kukarabati baadhi ya skimu zilizokuwa zimechakaa katika
Mikoa ya Kilimanjaro na Arusha.
Mheshimiwa Naibu Spika, katika mwaka 1994, Mradi huo
uliisaidia Serikali kuandaa Mpango wa Kitaifa wa Kuendeleza
Umwagiliaji (National Irrigation Development Plan – NIDP),
ambao uliweka lengo la kuendeleza skimu 147 ifikapo mwaka
34