bunge la tanzania

12 APRILI, 2012
Wizara hii iliingia makubaliano na kampuni moja ya Kihindi ya
Jayan katika kuendeleza mifumo ya umwagiliaji. Je,
Mheshimiwa Waziri utalihakikishiaje Bunge hili pamoja na
wananchi ya kwamba makubaliano hayo siyo bomu
linaloweza kuliingizia Taifa katika mrorongo wa mikataba feki ili
Taifa lisije kuingia katika hasara nyingine?
NAIBU SPIKA: Ahsante sana. Mheshimiwa Naibu Waziri wa
Kilimo, Chakula na Ushirika, Mhandisi Chiza karibu.
NAIBU WAZIRI WA KILIMO, CHAKULA NA USHIRIKA:
Mheshimiwa Naibu Spika, kwanza, inaonekana kama
Mheshimiwa Mbarouk kuna baadhi ya mambo hajayaelewa
vizuri; ningependa nimkaribishe ofisini kwangu ili nimpe elimu
ayaelewe kwa sababu mpangilio wenyewe wa kuuliza haendi
kama yalivyo. Ninapenda niseme kwa kifupi tu kwamba,
Programu ya Kuendeleza Sekta ya Kilimo ambayo ndiyo
ambayo tunaitekeleza hivi sasa imeweka Mifuko hiyo; kwanza,
kuanzia ngazi ya Wilaya tunayo mipango ya kuendeleza kilimo
katika ngazi ya Wilaya (District Agricultural Development Plans),
ambako ndiko huko tunakoanzia kupanga mipango ya kilimo
cha umwagiliaji na ina kiwango cha fedha ambapo
Halmashauri zote hujipangia mipango hiyo na kuomba fedha
hizo.
Baada ya hapo tunakwenda katika ngazi ya District
Irrigation Development Fund kama fedha hiyo ipo kati ya
kiwango cha bilioni 500 mpaka milioni 800, zinapozidi hapo
tunaweka Mfuko unaoitwa National Irrigation Development
Fund kama fedha hizo zinazidi shilingi milioni 800.
Mheshimiwa Naibu Spika, fedha hizi zinajadiliwa katika
Halmashauri zote kulingana na mipango ambayo Halmashauri
imejiwekea. Kwa hiyo, ningemwomba Mheshimiwa Mbarouk
ashiriki katika Vikao hivyo vya Halmashauri, wanapopanga
mipango hii ya maendeleo ya kilimo ili aweze kuelewa
mipango inavyopangwa. Kwa kifupi ni kwamba, Halmashauri
36