bunge la tanzania

12 APRILI, 2012
Mheshimiwa Mama Malecela kwamba tupange utaratibu sasa
ambao utatuwezesha, si kuuza minofu, lakini tuone kama
tunaweza kutumia utaratibu ambao utatuwezesha. Minofu ile
iweze kusindikwa ifungwe na kuuzwa moja kwa moja kwenda
kwa mlaji baada ya kuzingatia taratibu zile za ubora
unaotakiwa, mimi naamini linawezekana.
Kwa hiyo, nataka nimhakikishie Mheshimiwa Mama
yangu Anne Kilango Malecela pale kwamba jambo hili
nimelipokea na juzi nimewaandikia Wakuu wa Mikoa wote wa
Kanda ya Ziwa kwamba watafute katika kikao chao cha
pamoja cha uwekezaji wanadi hili wazo la namna ya
kuongeza thamani ya zao hili la samaki kwa kuona uwezekano
wa kuwa na mwekezaji katika Kanda ile ambaye atafanya kazi
si ya kuuza minofu lakini kazi ya kuitengeneza hiyo minofu kwa
kiwango kinachotakiwa ili kiweze kuuzwa nje bila kupitia kwa
mtu mwingine ambaye anafaidika zaidi kuliko sisi wenyewe.
(Makofi)
Kwa hiyo, nawashukuru sana wale maprofesa wa
Marekani ambao ndiyo wamefanya uchunguzi huo, utafiti huo
na baadaye wametuletea mawazo haya. Lakini nikushukuru
vile vile Dada Anne Kilango Malecela kwa sababu na wewe
ulilifuatilia kwa nguvu sana jambo hili na ndiyo maana nikatoa
majibu na maelekezo haraka sana kuhakikisha kwamba jambo
hili sasa tunalipa nafasi kubwa katika Taifa letu. (Makofi)
NAIBU SPIKA: Ahsante sana Mheshimiwa Waziri Mkuu.
Kipindi cha maswali kwa Waziri Mkuu kimeisha. Tunakushukuru
sana Mheshimiwa Waziri Mkuu kwa majibu yako fasaha, kama
kawaida yako. Ahsante sana. (Makofi)
Katika kipindi hiki cha maswali kwa Mheshimiwa Waziri
Mkuu, tumepata maswali kutoka kwa kiongozi wa Upinzani
Bungeni na Wabunge wengine sita. Kwa hiyo, kwa ujumla
tumeweza kupata Wabunge saba. Naomba niwashukuru wale
wote mliopata nafasi ya kuuliza maswali. Kwa wale wengine
20