bunge la tanzania

12 APRILI, 2012
Mheshimiwa Naibu Spika, kwanza kabisa, ningependa
nichukue fursa hii kumpongeza sana Mheshimiwa Mbunge,
kwa ufuatiliaji wake mzuri wa ruzuku ya fidia ya vyanzo vya
mapato kwa Halmashauri zote hapa nchini ikiwemo na
Namtumbo. Vile vile kufuatilia uwiano wa mapato
yanayotokana na ada ya leseni kama alivyosema.
Mheshimiwa Naibu Spika, swali la kwanza kuhusu fidia;
ningependa niseme kwamba, kuhusu fidia, panapojitokeza
kwamba ipo haja ya kulipa fidia, Serikali huwa inabainisha
chanzo cha fidia hiyo kulipwa na namna ya kutatua tatizo hilo
kwa njia ya muda mfupi au muda mrefu na hasa kwa
kuzingatia uwezo wake wa kifedha, kwa maana ya bajeti. Sasa
kwa hili la Halmashauri kupewa fidia kwa kuziba mapengo
yaliyojitokeza, tunaangalia pengo hili au tatizo hili lilitokeaje.
Mheshimiwa Naibu Spika, utaona kwamba, Halmashauri
nyingi zimeshindwa kukusanya mapato kupitia hii ada ya leseni.
Sasa mtu aliyeshindwa au Halmashauri iliyoshindwa leo tena
ipewe fidia kwa kushindwa, inakuwa ni vigumu. Ukizingatia
uwezo wa bajeti kwa hivi sasa kwa kipindi hiki cha muda mfupi
uliobaki wa miezi miwili, mitatu na kama alivyosema
Mheshimiwa Waziri Mkuu, wakati akijibu swali hapa kwamba,
tuna upungufu wa bajeti finyu sasa hivi; kwa hiyo, itakuwa
vigumu sana kutoa fidia kwa Halmashauri hizi ili kuziba
mapengo hayo.
Mheshimiwa Naibu Spika, upande wa swali la pili la ruzuku
ni kwamba, Manispaa, Majiji au Miji Mikubwa, kwa sababu
wao wana fursa nzuri ya kukusanya ada ya leseni,
wapunguziwe ruzuku na ruzuku hiyo iende kwenye Halmashauri
hizi ndogondogo ambazo fursa ya kukusanya ada ya leseni ni
ndogo. Ninafikiri huu ni ushauri mzuri sana na ningependa
kumwambia Mheshimiwa Mbunge na Wabunge wengine
kwamba, hili tutazidi kushauriana au tutaomba ushauri wa
26