bunge la tanzania

12 APRILI, 2012
(a) Mheshimiwa Naibu Spika, kwa mujibu wa Mkataba
wa Ujenzi wa Barabara ya Isuna – Singida (km 63), ambayo ni
sehemu ya Barabara ya Manyoni – Isuna – Singida, muda wa
uangalizi baada ya barabara kukamilika ni miaka mitatu. Ujenzi
ulikamilika mwaka 2008 na muda wa uangalizi wa miaka
mitatu uliisha mwezi Juni mwaka 2011. Aidha, sehemu ya
Manyoni – Isuna (km 54) imejengwa na Kampuni ya China Geo
Engineering kutoka China na barabara bado haijafunguliwa.
(b) Mheshimiwa Naibu Spika, wakati wa kipindi hiki cha
uangalizi, Mkandarasi anaruhusiwa kufanya kazi za mikataba
mingine ya kazi za ujenzi wa barabara kulingana na uwezo
wake.
MHE. CHRISTOWAJA G. MTINDA: Mheshimiwa Naibu Spika,
napenda kuuliza maswali mawili ya nyongeza kama ifuatavyo:-
(i) Kwa kuwa katika swali la msingi Waziri amejibu
kwamba Mkandarasi alishamaliza muda wake wa uangalizi na
kwa kuwa mkataba ulishakwisha alitakiwa awe
ameshaondoka; lakini hivi ninavyozungumza hapa Mkandarasi
huyu ameanzisha biashara nyingine ya kuchimba kokoto na
kuuza kwa makampuni mengine ya ujenzi wa barabara. Je, ni
lini Serikali iliipatia Kampuni ya SIETCO mkataba mpya au leseni
ya kufanya biashara ya kuchimba kokoto na kuuza kwa
makampuni mengine?
(ii) Kama Serikali iliipatia Kampuni hii ya SIETCO ya
kuchimba na kuuza kokoto bila kushirikisha wananchi; je,
kampuni hii inalipa kodi stahiki kwa Serikali ya Kijiji cha Utaho na
Halmashauri ya Wilaya ya Singida kama ambavyo Sheria ya
Madini inataka?
NAIBU SPIKA: Majibu Mheshimiwa Naibu Waziri wa Ujenzi.
Swali la mwisho litatoka kwa Mheshimiwa Diana Chilolo.
46