bunge la tanzania

12 APRILI, 2012
Mheshimiwa Naibu Spika, eneo la kiwanda na majengo
lina ukubwa wa Hekta 102, linatambulika kama Shamba Na.
760, lenye hati Na. LO/188772/3 ya miaka 33 kuanzia tarehe 1
Septemba, 1999 na hilo eneo lipo kwenye eneo la Mbalizi.
Eneo la pili katika Mradi huu ni la malisho na lina ukubwa wa
hekta 1999 linalotambulika kama Shamba Na. 761 na lipo eneo
la Nsalala. Shamba hili limetengwa kwa ajili ya malisho kwa
mifugo itakayotumika kiwandani; hivyo, haitakuwa busara
kuligawa kwa wananchi kwa sababu punde kiwanda
kitakapoanza kazi, mifugo haitapata eneo la kuchungiwa ama
kunenepeshwa.
Mheshimiwa Naibu Spika, katika Mpango wa Maendeleo
wa Miaka Mitano 2011/2012 – 2015/2016, Serikali imedhamiria
kufufua Kiwanda cha Nyama cha Mbalizi na kujenga viwanda
vingine vipya kwa kushirikiana na sekta binafsi.
MHE. MCH. LUCKSON N. MWANJALE: Mheshimiwa Naibu
Spika, nashukuru kwa majibu mazuri ambayo Naibu Waziri
ameyajibu lakini nina maswali mawili ya nyongeza.
(i) Kwa kuwa katika jibu la msingi Serikali yenyewe
inakiri kwamba, shamba hilo limewekwa katika soko zaidi ya
mara mbili lakini hakuna mwekezaji yeyote aliyepatikana
kununua shamba au kiwanda hicho. Je, Serikali sasa inatamka
nini na ina mpango gani kwa sababu katika Mpango wa
Miaka Mitano Serikali haikuonesha kama itakifufua kiwanda
hicho; sasa inawatangazia nini Wananchi wa Mbeya Vijijini na
Tanzania kwa ujumla; Kiwanda hicho kitaanza kufanya kazi au
kitawekwa katika mpango lini?
(ii) Kwa kuwa shamba la zaidi ya ekari 2000 lipo pale na
limekaa halilimwi. Je, ni kwa nini, Serikali isiwapatie Wananchi
wa Mbalizi kwa mkataba waweze kulima kwa mkataba na
kisha kiwanda kikifunguliwa waweze kulichukua kwa urahisi
wasipewe wananchi hawa walime?
32