bunge la tanzania

12 APRILI, 2012
(a) Je, Serikali haioni kuwa kuna haja ya kujenga kituo
maalum cha manunuzi ya mazao ya Wakulima wa Kasulu?
(b) Je, Serikali ina mikakati gani ya kuongeza pembejeo
za kilimo kama vile matrekta, mbolea na mbegu zitakazosaidia
kuwa na kilimo bora?
NAIBU WAZIRI KILIMO, CHAKULA NA USHIRIKA alijibu:-
Mheshimiwa Naibu Spika, kwa niaba ya Mheshimiwa
Waziri wa Kilimo, Chakula na Ushirika, naomba kujibu swali la
Mheshimiwa Agripina Zaituni Buyogera, Mbunge wa Kasulu
Vijijini, lenye sehemu (a), (b) na (c), kama ifuatavyo:-
Mheshimiwa Naibu Spika, Serikali inatekeleza Mpango wa
Ujenzi wa Masoko ya Kimataifa na Mazao ya Wakulima katika
maeneo mbalimbali nchini. Kuanzi mwaka 2002/2003 hadi
sasa, masoko 188 yamejengwa nchini kupitia Mradi wa Masoko
ya Kilimo (AMSDP) na Mradi wa Uwekezaji katika Sekta ya
Kilimo Wilayani (DASIP).
Hivi sasa ujenzi wa masoko hayo unaendelezwa kupitia
Mradi wa DASIP na Mradi mpya unaoitwa Marketing
Infrastructure Value Addition and Rural Finance. Katika Wilaya
ya Kasulu, Serikali imetenga shilingi milioni 575 za kujenga soko
katika Kijiji cha Mnanila. Taratibu za kusaini mikataba na
wataalam elekezi na wasimamizi wa ujenzi zinaendelea.
Mheshimiwa Naibu Spika, azma ya Kilimo Kwanza na
kufikia Mapinduzi ya Kijani itafikiwa iwapo wakulima
wataongeza matumizi ya pembejeo hususan mbolea, mbegu
bora, viatilifu na matumizi ya zana bora za kilimo yakiwemo
matrekta. Serikali inaendelea kutekeleza mpango wa ruzuku ili
kuwasaidia wakulima kumudu gharama za pembejeo hizo.
Kupitia utaratibu huo, katika mwaka 2009/2010 jumla ya kaya
42,680, kaya 46,063 katika mwaka 2011/2012 zimenufaika na
ruzuku hiyo. Aidha, matumizi ya zana bora za kilimo nchini
38