bunge la tanzania

12 APRILI, 2012
Lakini kwa maana ya usimamizi na ufanisi wa fedha hizo,
tumeona kwamba tufungue akaunti maalum pale Benki Kuu
na fedha hizi zitatolewa kwa utaratibu maalum kwenda
kwenye maeneo yanayohusika na tumeomba hatimaye
kwamba ni vizuri Mdhibiti na Mkaguzi wa Hesabu za Serikali
apewe na yeye nafasi mwisho wa zoezi hili kufanya ukaguzi wa
kina kuhakikisha kwamba zimetumika inavyotakiwa.
Kwa hiyo, naomba tu nitoe rai hasa kwa Watanzania
kwamba fedha hizi zitakapokuwa sasa zimeanza kutoka
kwenda huko kwa ajili ya ununuzi wa vitabu basi tuhakikishe
tunapata vitabu, vitabu vyenye sifa na ubora unaotakiwa ili
watoto wetu waweze kuvitumia kwa njia nzuri zaidi.
Lakini tuliona vile vile kwamba pengine tutumie kiasi cha
fedha kidogo kwa ajili ya Halmashauri kama tisa hivi ambazo
zina upungufu mkubwa sana wa madawati. Kwa hiyo,
tutatumia kiasi kidogo cha fedha kwa ajili ya kuimarisha
upatikanaji wa madawati kwenye Halmashauri kama tisa hivi,
lakini kwa sehemu kubwa kiasi kingine chote kinachobaki
kitakwenda kwenye vitabu.
Kwa hiyo, namshukuru sana Mheshimiwa Mchemba kwa
jambo hili, tulikuwa tumefikiria baadaye tuje tutoe kauli
Bungeni lakini nadhani hii itasaidia kidogo.
NAIBU SPIKA: Ahsante sana na mimi hapa kwa hatua hii
nimshukuru sana Mheshimiwa Angellah Kairuki, Mheshimiwa
Zungu, Mheshimiwa Cheyo na mimi mwenyewe ambaye kwa
niaba ya Bunge, Serikali na wananchi wa Tanzania tulienda
kule Uingereza tukajitahidi fedha hii imekuja. Tupigieni makofi
basi angalau. (Kicheko/Makofi)
Ahsante sana. Swali linalofuata linatoka kwa Mheshimiwa
Pauline Philipo Gekul.
16