bunge la tanzania

12 APRILI, 2012
kwenye Mpango wa Taifa wa Maendeleo ya Miaka Mitano
ambao umeshazinduliwa na Mheshimiwa Rais. Programu hiyo,
itatekeleza pamoja na mambo mengine, uendelezaji wa uvuvi
na ukuzaji wa viumbe kwenye maji, matumizi endelevu na
uhifadhi wa rasilimali za uvuvi na mazingira. Vile vile, Programu
hii itahusisha ukuzaji wa teknolojia ya uvuvi, pamoja na
uimarishaji wa huduma za ugani, utafiti, mafunzo na
upatikanaji wa takwimu sahihi za uvuvi. Aidha, Programu
itaboresha miundombinu ya uvuvi pamoja na kuhamasisha
uwekezaji kwenye Sekta ya Uvuvi.
(b) Mheshimiwa Naibu Spika, Serikali imekuwa
ikiwawezesha wavuvi wadogo kwa kuwapatia mikopo kupitia
Miradi na Programu mbalimbali zinazotekelezwa chini ya Sekta
ya Uvuvi. Kupitia Mradi wa MACEMP, jumla ya shilingi
1,303,950,355 zilitolewa kama ruzuku kwa ajili ya kuwawezesha
wavuvi, ambapo jumla ya Miradi midogo 125 ya uzalishaji
ilitekelezwa tangu Mradi huo ulipoanza kutekelezwa mwaka
2006 hadi sasa.
Mheshimiwa Naibu Spika, vile vile kupitia Kitengo cha
Hifadhi ya Bahari na Maeneo Tengefu, Serikali imetekeleza
Mpango wa kubadilishana zana haribifu na zana bora za uvuvi
endelevu katika maeneo tengefu ambazo zimetolewa kama
ruzuku. Chini ya utaratibu huo, jumla ya wanajamii 275 kutoka
Hifadhi ya Bahari ya Kisiwa cha Mafia wamepatiwa majarife
102 na wanajamii 436 kutoka Hifadhi ya Bahari ya Ghuba ya
Mnazi na Maingilio ya Mto Ruvuma, wamepatiwa majarife 716.
Mheshimiwa Naibu Spika, katika jitihada nyingine, Serikali
imeendelea kuhamasisha jamii kujiunga kwenye vikundi vya
kuweka na kukopa ili waweze kujijengea uwezo katika
kutekeleza Miradi ya Kiuchumi kwa ajili ya kuboresha maisha
yao.
28