bunge la tanzania

12 APRILI, 2012
Kwa hiyo, ikabidi kuanza upya tena. Kwa hiyo
tukachelewa kutoa zile vocha na matokeo yake tukawa
tumechelewa hata kwenye taratibu nyingine. Lakini
tumelizungumza sana kwa upande wetu. Kwa sababu hilo ni
moja ya tatizo lakini yako matatizo mengi sana kwenye mfumo
wa vocha ambayo vile vile tumeyagundua.
Kwa hiyo, tulimwomba Mdhibiti na Mkaguzi wa Hesabu za
Serikali atusaidie na yeye kufanya ukaguzi maalum wa vocha
kwa sababu hoja ya kuchelewa tunaiona lakini tunataka vile
vile kujiridhisha kama kweli wakulima hawa wanapata faida
hasa kutokana na utaratibu huu? Au wajanja pale katikati
ndiyo wanafaidika zaidi kuliko mkulima. Kwa sababu hili ndiyo
limejitokeza katika baadhi ya maeneo.
Kwa hiyo, tumemwomba CAG na ameshaianza hiyo kazi
nina hakika mwisho wake tutapata ushauri nzuri zaidi namna
ya kuimarisha ikiwepo na hilo ulilolitaja. Nataka nikuhakikishie
safari hii hatutachelewa hata kidogo na Mheshimiwa
Jumanne Maghembe, Waziri wa Kilimo, Chakula na Ushirika,
ameshaambiwa na tumesema tunataka jambo hili msimu
unaanza tuhakikishe na vocha zenyewe zipo tayari kwa ajili ya
zoezi hilo. Kwa hiyo, naamini tutalikabili vizuri katika kipindi hiki
cha mwaka huu.
NAIBU SPIKA: Swali la mwisho kwa leo Mheshimiwa Anne
Kilango Malecela.
MHE. ANNE K. MALECELA: Ahsante sana Mheshimiwa
Naibu Spika. Mheshimiwa Waziri Mkuu kwa kuwa ninavyo
vielelezo ambavyo vinaonyesha Chuo Kikuu kimoja cha Mjini
New York, Marekani ambacho kilifanya utafiti kuhusu minofu
ya samaki wa Ziwa Victoria na ikaonyesha kwamba samaki
wanaouzwa nchi za nje kutoka kwenye nchi ambazo
zinazunguka Ziwa Victoria zina thamani ya milioni 344,500,000
(milioni mia tatu arobaini na nne na laki tano) hizo zikiwa ni
dola za Kimarekani kwa mwaka.
18