You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 46 (<strong>25661</strong>)<br />
16 2018-тӥ ар 21-тӥ инвожо ВАНЬМОН ДЫРЪЯ<br />
www.udmdunne.ru<br />
d<br />
ПОВЕСТЬ<br />
Ортчеменыз пумиськон<br />
Трофим Архипов<br />
Туспуктӥз Максим ЕГОРОВ<br />
- Мон тӥледлы сяська бичало.<br />
Мон туж ӝог, - дыртэ<br />
вал ини офицер но, сое кышномурт<br />
дугдытӥз.<br />
- Тӥ кытчы? Монэ огнаме?<br />
Малы огнаме? - кушектӥз<br />
со. - Кызьы тӥледлы возьыт<br />
ӧвӧл? Пуксе татчы. Татын<br />
кӧс... Тани татчы, - вӧзаз<br />
возьматэ.<br />
Офицер пуксьыса гинэ<br />
вуиз но, бадӟымесь нюромем<br />
синъёс со шоры жальмаса<br />
учко.<br />
- Ма тӥ, оло, вуж тодмодэс<br />
пумитады? - серектӥз<br />
офицер, ма шуыны ӟудыса.<br />
- Бен, бен, тӥ туж шонер<br />
верады, кемалась утчам<br />
но шедьтымтэ малпам адямиез,<br />
- ымнырзэ киосыныз<br />
ӵоктаса, викышъяны ӧдъяз.<br />
- Мар тӥ? Мар луиз? Оло,<br />
маке урод кыл верай? - сураськиз<br />
офицер.<br />
- Мон шудтэм, номыртэм<br />
мон шудтэм, - пельпумъёсыз<br />
куалекъяло кышномуртлэн.<br />
Йырзэ шуак ӝутӥз. Синкылиен<br />
котмыса чилясь синъёсыз<br />
курыса но лӥятыса учко.<br />
Кытӥ ке ӧй вал, ӝож куараез<br />
воштӥськиз. Синъёсыз писэйлэн<br />
кадь питырес луизы<br />
- тани тэтчоз, тани ӵабъяны<br />
кутскоз. Озьы ик вань. Офицер<br />
мазэ-созэ валаса вуттэмлэсь<br />
азьвыл кышномурт<br />
кык киосыныз ик солэн чыртыяз<br />
ыгы кадь кырмиськиз<br />
но, шузимем мурт сямен,<br />
мылазьзэ, пельпумзэ чупа,<br />
ымдураз вутскыны турттэ.<br />
Офицер мырдэм мозмытскыны<br />
быгатӥз.<br />
Адямилэсь ӝужыт турын-куаръёс<br />
пӧлтӥ бадӟым<br />
сяська керттэтэн поручик<br />
но нылмурт потыку, соос<br />
лодкаын витьыса пуко вал<br />
ини. Егитъёс ог-огзы борды<br />
ӝиптӥсько, серекъяло.<br />
Соослы шулдыр. Нош лодкаын<br />
пукисез кышномурт<br />
шуяса му вылэ усем емышлы<br />
кельше. Сое мусоясь но,<br />
утялтӥсь но, ӝутӥсь но ӧз<br />
луы. Соин но, дыр, али со,<br />
ортчыт шудӥсь вирсэрзэ юзматыны<br />
турттыса, кык киоссэ<br />
ик салкым вуэ лэзьям.<br />
«Малы меда сое офицер сокем<br />
мултэс кариз? Оло, со<br />
зэмзэ ик пересьме, лэся,<br />
ини, учкымонъёсыз, кужмоосыз<br />
вӧзтӥз кошко ини...»<br />
Нырысьсэ со шӧдӥз пиосмурт<br />
азьын секыт ӝоже усёнэз.<br />
Тазьы кутске, лэся, ини<br />
нылкышно даурлэн ортчонэз.<br />
Ротмистр полысан куспаз,<br />
син ултӥз учкылыса,<br />
малпа: «Вот, ява, Инмарлэн<br />
нылыз. Тӥни кыӵеесь вылэм<br />
соос... Ассэ сатанаез сыскоз,<br />
кесялоз».<br />
Тыметлэн шораз вуыкузы,<br />
кытысь ке палэнысь<br />
лобӟыса лыктӥз чайка.<br />
Татын соос ӵем уг луыло.<br />
Мыдӟат кытчы ке лобӟон<br />
сяменызы гинэ дугдыло.<br />
«Кинъёс тӥ, уд чорыгаське-а,<br />
тӥ котырын мыным но сиён<br />
уз шедьы-а» шуыса кадь,<br />
вадьсазы поръя тылобурдо.<br />
Нырысь со вылысен учкыса<br />
котыръяськиз, собере,<br />
пумен ялан уллань лэзькыса,<br />
я азьпалазы потэ, я<br />
сьӧразы кыле, я йыр вадьсазы<br />
ик кузесь тӧдьы бурдъёсыныз<br />
пужнэ. Макем солы<br />
капчи, усто омырын. Кызьы<br />
но уг выры. Ротмистр полысамысь<br />
ик дугдыса учке. Киоссэс<br />
сэзъяло нылкышноос.<br />
- Лык татчы, васькы, пуксьы<br />
ми вӧзы, - ӧтё соос. Сэзь<br />
тыло бурдо, кылзӥськыса<br />
сямен, уллань но уллань<br />
лэзьке, шудыса котыртӥзы<br />
берга, ву вылтӥ чальтчыса<br />
кошке, куараен вазьылэ.<br />
Со куспын ыбем куара<br />
омырез зуркатӥз. Поп кышно<br />
чир! черектӥз, ӧжыт гинэ<br />
вуэ ӧз усьы. Лодка вадьсы<br />
ӵын лӧсъяськиз. Чайкалэн<br />
лачмыт ширтыса лобанэз<br />
сураськиз. Со маке борды<br />
канжаськиз, шуккиськиз<br />
кадь, зуркак луиз. Палэнэ<br />
лобӟыны турттэ. Ӧз<br />
быгаты. Доразы ик, лодка<br />
вӧзы, ӟигартэк усиз. Усиз<br />
но ӝутскыны турттэ. Со уг<br />
оскы усемезлы, кызьы ке янгышмиз<br />
кадь потэ. Малы со<br />
адямиослы такем матын?<br />
Солы вылысен туж усто учкыны.<br />
Лодкаын пукисьёс али<br />
гинэ валазы мазэ-созэ. Поручик<br />
шоры учкыса валазы.<br />
Дыртытэк гинэ револьверзэ<br />
кобураяз понэ.<br />
- Ӧтьытэк ачиз пыд азяды<br />
васькиз, - оло ушъяськыса,<br />
оло кинлы ке йырыз<br />
курен ымзэ кырыжтыса<br />
пальпотӥз офицер.<br />
- Тӥляд киды ӝутскиз<br />
сыӵе чебер тылобурдоез виыны?!<br />
- лек учкиз ротмистр.<br />
Егит нылмурт нырысь<br />
пал, мазэ-созэ валатэк, паймыса<br />
улӥз. Собере шуак<br />
кизэ чабыны ӧдъяз:<br />
- Мон понна со. Мынам<br />
пыд азям юромо уськытэмын...<br />
Валаны кулэ...<br />
Нылмуртлэн анаез пумем<br />
кадь пуке: «Мар вераське<br />
солэн нылыз? Мае отысь<br />
валаны кулэ?»<br />
- Шып пук! - пельпумаз<br />
донгиз. - Нош тӥ... Тӥ...<br />
- вераны ӧз быгаты ни,<br />
ӵоксузиз.<br />
Поручиклы номыр кадь<br />
ӧвӧл, гор серекъя. Укыр, пе,<br />
тӥ эбылес, неж сюлэмоесь.<br />
Ву вылэ усем чайка выльысь<br />
лобӟыны турттэ. Огез<br />
гинэ бурдыз ӝутске. Мукетыз<br />
вуэтӥ нюж кыстӥське.<br />
Питырес сьӧд синъёсыныз<br />
адямиос шоры учке. Кин<br />
сое тазьы сӧсыртӥз? Малы?<br />
Кӧня лобаз со аслаз эшъёсыныз<br />
адямиос сьӧрын. Соос<br />
ялан чорыгасьёсын ӵош вал.<br />
Малы соос огзэс но соосты<br />
вӧсь ӧз каре, ӧз сӧсыръялэ?<br />
Малы али тазьы сӧсыртыса<br />
уськытӥзы? Кызьы со табере<br />
бадӟым зарезе, эшъёсыз<br />
пӧлы, вутскоз? Кӧня солэн<br />
со чебер сьӧд синъёсаз<br />
куректон, кышкан, вожпотон.<br />
Офицер шоры учкыса,<br />
юа кадь солэсь: «Я, вера,<br />
мар мон тыныд урод лэсьтӥ?<br />
Малы тон тазьы карид? Кин<br />
тон? Адями-а, сьӧсь-а?»<br />
Ротмистр сӧсыртэм чайкаез<br />
кутыны турттэ вал. Ӧз<br />
быгаты. Со уг оскы ни адямиослы.<br />
Пегӟе. Берпум кужыменыз<br />
пегӟе. Пыдъёсыныз<br />
полыса, таза бурдэныз<br />
сэзъя. Озьы со шашыос<br />
пӧлы вуиз но ватскиз. Ма<br />
луоз табере та сьӧлыктэм<br />
тылобурдолы? Ӝутскоз на-а<br />
со омыре, лобалоз на-а чагыр<br />
инметӥ, уялоз на-а тулкымъёс<br />
вылтӥ, оло, татчы<br />
ик кылёз но, тол кезьытъёс<br />
вуыса, йӧ вылэ кынмыса, кулоз?<br />
Шунды пуксьыса, омыр<br />
нюромиз, юзгес луиз. Нылкышноос<br />
дыртытыны<br />
ӧдъязы.<br />
XIV<br />
Тымет дурын соосты кемалась<br />
витьыса сылэ вылэм<br />
ини Кондӥ Павол. Ачиз поп<br />
потымтэ. Ойдо, пе, мед сюлэмзэс<br />
веськатозы.<br />
Огез бӧрсьы мукетыз воргоронъёс<br />
но вуыны ӧдъязы.<br />
Ӝыт, пеймыт луэм бере,<br />
ваньмыз коркан вал ини.<br />
Огез бӧрсьы мукетыз ротмистр<br />
азе, ӝӧк вылэ, номыре<br />
куаретытэк, уксё пуйыоссэс<br />
тыризы но, лушкем<br />
лулӟылыса, палэнэ<br />
пуксьылӥзы. Ведь тодыны<br />
уг луы, мар лэсьтыны косозы<br />
на та офицеръёс. Гордъёсыз<br />
уллясалзы ке, ӵок вылэм.<br />
Соос асьсэ киын сётэмзэс<br />
кык-куинь полэс берыктозы.<br />
«Оло, расписка куроно?»<br />
- кин ке но оскытэкгес<br />
юаз. Малы бен со? Тӧдьыос<br />
ке кылизы, соос асьсэос кузёос.<br />
Нош гордъёс ке вормизы,<br />
малы соослы сыӵе расписка?<br />
Аслыд ачид гу гудэм луоз со.<br />
Зарни пуйыос вылэ ротмистр<br />
сётӥсьёслэсь нимъёссэс<br />
черниль ной карандашен<br />
гожъяз но, адъютантэныз<br />
ӵош чемоданэ тырыса пытсазы.<br />
Собере ротмистр чемоданэз<br />
мельниклэн кортэн<br />
кык по лэс кыскам сандыказ<br />
поныса пытсаз, ключъёссэ<br />
пыдлось кисыяз понӥз.<br />
Ваньмыз та пусъем ужъёс<br />
умоен ортчемлы шумпотыса,<br />
мылкыдыз солэн капчияз.<br />
Бадӟым Россилэн нимыныз,<br />
командованилэн,<br />
аслаз Дутов атаманлэн но<br />
оскымон союзникъёсызлэн -<br />
белочехъёслэн - нимынызы<br />
тау кариз.<br />
- Тӥлесьтыд таӵе ӟеч каремдэс<br />
командование но<br />
выль Россий ской правительство<br />
ноку уз вунэтэ, - шуиз<br />
со, бур кизэ сюлэм вылаз поныса.<br />
- Тӥляд та ӟеч лэсьтэмды<br />
асьтэлы ик дас полэс<br />
ӟеч луыса берытскоз.<br />
Российской государстволэн<br />
данлыко войскоосыз одно ик<br />
вормозы. Со кыдёкын ӧвӧл<br />
ни. Гордъёс андан кульчоен<br />
котыртэмын. Ваелэ, дуно<br />
воргоронъёс, туннэ ӝыт асьмеос<br />
шулдыръяськом, умой<br />
лэсьтэм ужез тырмыт чаркаосын<br />
пусъём, вормонмылэсь<br />
ӝог вуонзэ данъялом,<br />
быдӟым Россилэн солдатъёсызлы<br />
но офицеръёсызлы<br />
шуд сӥзём. Сыӵе мылкыдыз<br />
гажано кузёмылэн: тыр<br />
ӝӧкен, зумыт сиён-юонэн со<br />
асьмемыз пумита.<br />
Соос потӥзы бадӟым залэ.<br />
Зэм но, артэ пуктылыса кузь<br />
кыстӥськем ӝӧк сиён-юонъёсын,<br />
пӧртэм дуно винаосын<br />
тырмемын. Кондӥ Павол ветылэз<br />
вандыса пӧзьтыны<br />
косэм, быдэс воз вина ваем,<br />
сэргы ӝӧк вылэ граммофон<br />
пуктэм. Мед ойдо господаос<br />
сиёзы- юозы, мед шулдыръяськозы.<br />
Берло тодазы ваёзы,<br />
тау карыны уз вунэтэ.<br />
- Берекет мед луоз! Тазьы<br />
юыны ӧтисько дуно куноосме!<br />
Вормон понна, выль<br />
Россия понна, господаос,<br />
асьмемыз мозмытӥсьёс, утисьёс<br />
понна! - озьы Кондаков<br />
бадӟым сюмыксэ кымалтӥз.<br />
Господа офицеръёс<br />
ӝужытэсь хрустальной рюмкаосын<br />
зарниен кисьтаськись<br />
коньяк юизы, воргоронъёс -<br />
паськыт кӧто стопкаосын кабак<br />
вина, нылкышноос - кузь<br />
куко бокалъёсын ӵашетӥсь,<br />
ошмес кадь пӧзись но кизилиосын<br />
шудӥсь шампанской,<br />
нош ба тюшка - тӧдьы чашкаен<br />
фамильной чай. Батюшка<br />
тэргаськонэз сокем<br />
ик уг вала, мар сюре, радъяз<br />
тыке, со пӧлын ик бургы<br />
пумысь васькемез но мынэ.<br />
Озьы ик дырез но чакласа<br />
уг вутты. Мукетъёсыз тани<br />
али юыны пуксё. Нош солы<br />
макмыр веськатоно ини.<br />
Макмыр бен йӧтонзэ йӧтэ<br />
ини мискиньлы, сьӧрттэм<br />
курадӟе, тулэз тулэн но пешкытэмез<br />
уг луы ни. Соин ик,<br />
кӧтпушсэ шунтон, небӟытон<br />
понна, одӥг-кык чашка нап<br />
чай юэ. Собере ини калык<br />
радъя кужак карисез борды<br />
басьтӥське. Аслыз вуисьсэ<br />
муртлы со ноку уг кельты.<br />
Пыдйылысьтыз усьыкуз но,<br />
рюмка борды сузьтӥськыны<br />
тырше. Синъёсыз уг ке но<br />
адӟо, киосыз уг ке но шедьто,<br />
одно ик йыгыртэ, утча.<br />
Сыӵе тӥни Атас черкысь батюшка,<br />
кеч тушо, восьтэт
Change language