You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 46 (<strong>25661</strong>)<br />
8 2018-тӥ ар 21-тӥ инвожо КУН КЕНЕШЫН<br />
www.udmdunne.ru<br />
ИНКУАЗЬ НО АДЯМИ<br />
Жуг-жагез дунъялозы<br />
Эдуард СТЕПАНОВ<br />
2019-тӥ арын 1-тӥ толшорысен<br />
быдэс Россиын<br />
жуг-жаг поттонъя<br />
вань ужпумъёсты<br />
ас вылазы басьтозы<br />
улосвыл операторъёс.<br />
Элькунамы сыӵе<br />
оператор быръемын<br />
ни. Кун Кенешысь<br />
«КПРФ» фракция<br />
выль сямен ужанлы<br />
дасяськон пумысен<br />
кенешон ортчытӥз.<br />
2019-тӥ арысен жуг-жаг<br />
поттон пӧрмоз коммунальной<br />
услугалы. Потэ-а, уг-а,<br />
но котькуд корка яке квартира<br />
кузё со понна коньдон<br />
тыроно луоз. Адями огкыл<br />
кутоз улосвыл операторен<br />
яке управляющей компаниен.<br />
Но компанилэн озьы<br />
ик луыны кулэ операторен<br />
договорез. Элькунамы<br />
со оштолэзе быръемын вал<br />
конкурс пыр. Отын вормиз<br />
«Спецавтохозяйство» огазеяськон.<br />
Та нуналъёсы «КПРФ»<br />
фракция котырес ӝӧк сьӧры<br />
вераськонэ люказ ваньзэс,<br />
кин кыл кутэ жуг-жаг поттонэз<br />
радъян понна. Котькинэ<br />
сюлмаськытӥсь ужпум<br />
- тарифъёс. Туннэ соос<br />
юнматэмын ӧвӧл ай. Тарифъёсты<br />
кутозы 20-тӥ<br />
толсурозь. Жуг-жагез поттонъя<br />
но быдтонъя услугалы<br />
тариф быдэс элькунлы<br />
одӥг кадь луоз, вераз<br />
лэсьтӥськонъя, жилищнокоммунальной<br />
хозяйствоя<br />
но энергетикая министрлэн<br />
воштӥсез Алексей<br />
Бобырь. Улосвыл оператор<br />
Туспуктӥз Эдуард СТЕПАНОВ<br />
Дэри ёросысь Пероггурт бордын<br />
ик ялан кылдэ жаг куян<br />
инты.<br />
кыл кутоз кылем-мылемъёсты<br />
поттэм, быдтэм понна.<br />
Озьы ик сое косо свалкаосы<br />
люкам арбериослы<br />
2-тӥ улон сётӥсь переработка<br />
усьтыны.<br />
Выль радлыке выжонын<br />
бадӟым уж оскемын гурт<br />
администрациослы. Соос<br />
чаклано луозы, кыӵе амалэн<br />
гуртысь жагез люкано.<br />
Контейнеръёс ке пуктоно,<br />
нимысьтыз куронъёслы<br />
тупась инты быръёно. Кун<br />
Кенешысь Гурт удысъя,<br />
музъем кусыпъёсъя, инкуазь<br />
узырлыкъёсъя но инкуазез<br />
утёнъя ялан ужась комиссиен<br />
кивалтӥсьлэн Владимир<br />
Варламовлэн малпамезъя,<br />
та амал гуртлы туж<br />
ик уг тупа. Умойгес луоз,<br />
пе, сигнальной нимаськись<br />
амал. Калык жуг-жагзэ пакетъёсы<br />
люка но, нимысьтыз<br />
юнматэм дыре соосты<br />
бичаны машина лыктэ.<br />
Ӵапак озьы уж мынэ Пичи<br />
Пурга черкогуртын но мукет<br />
гуртъёсын.<br />
Куд-огаз ёросъёсын пакетъёсты<br />
возён интыос усьтытэк<br />
уз луэ. Уго вань на<br />
сыӵе гуртъёс, кудъёсаз сюресъёс<br />
гужем но толалтэ<br />
гинэ кылдо.<br />
Таин ӵош бадӟым валэктон<br />
уж нуоно гуртоос<br />
пӧлын. Туннэ элькунамы<br />
лэзьымтэ интыосын кылдэм<br />
168 свалкаос шараямын.<br />
Тросэз жагзэс потто<br />
шур дуръёсы, бакча беразы,<br />
тэльёсы. Талы пум поныны<br />
кулэ. Кенешын пусъемын<br />
вал: кылем-мылемъёсты<br />
поттон культуралы пичиысен<br />
дышетоно. Школаосын<br />
кыӵе ке нимысьтыз занятиос<br />
нуыны ӵектӥзы. Озьы<br />
гинэ пӧрмоз, пе, инкуазез<br />
гажанлы дышетыны.<br />
Гурт администрациосысь<br />
лыктэмъёс кенешын<br />
ӝутӥзы мукет лэчыт ужпумъёсты.<br />
Мар кароно<br />
куштӥськем юртъеръёсын?<br />
Кирпич бервылъёсты сюрес<br />
вылэ кисьталод ик. Нош<br />
вуж коркаосты пулы гинэ<br />
но нокин уг басьты ни. Та<br />
юанлы рос-прос валэктон<br />
сётӥсь ӧз шедьы.<br />
Коньдон ужпумъёсын<br />
ик герӟаськемын эшшо<br />
одӥгез лэчыт юан. Мар<br />
кароно кизер кылем-мылемъёсын?<br />
Туннэ гуртъёсысь<br />
коркаосын пож<br />
ву люкан гуоссы вань. Со<br />
кырсьёссэс тросэз машинаосын<br />
кытчы сюрем потто.<br />
Туж шер нуо пож вуосты<br />
сузян станциосы. Трос<br />
интыосын соос туж вужесь<br />
яке чылкак ӧвӧл. Уго соосты<br />
лэсьтон туж дуно усе.<br />
Ува ёросын сыӵе станция<br />
пуктон 20 арлэсь кема<br />
кыстӥське ни. Татын юрттозы<br />
туала технологиос.<br />
Но куддыр люкетэ документъёсты<br />
аръёсын эскерон.<br />
Котырес ӝӧк сьӧрын<br />
чузъяськем вань дэмланъёс<br />
пыризы резолюцие. Сое<br />
фракция келяз Правительствое,<br />
ёрос но гурт администрациосы<br />
но жуг-жаг поттонэн<br />
вырись мукет огазеяськонъёсы.<br />
КАЛЫК КЫЛЗОНЪЁС<br />
Ортчем ар - лыдпусъёсын<br />
Элина КУМАЧЁВА<br />
Кун Кенешын ортчем<br />
калык кылзонъёсын<br />
йылпумъянъёс<br />
лэсьтэмын кылем<br />
арын элькун казнаез<br />
кутэмлы.<br />
Депутатъёсын ӵош калык<br />
кылзонъёсы пыриськизы<br />
общественной огазеяськонъёслэн<br />
адямиоссы,<br />
мылкыд карисьёс. Сессия<br />
ортчытъян зал быдэс<br />
тырмиз. Кун Кенешлэн<br />
Тӧроез Алексей Прасолов<br />
валэктӥз: юнматэмлэсь<br />
азьло бюджет потэ калык<br />
кылзонъёс пыр. Кызьы со<br />
быдэстэмын - нош ик верано<br />
калык кылзонъёсын,<br />
тае куре законодательство.<br />
Та рад умой адӟиське<br />
ни: пӧрмытӥм-а шонер<br />
прогнозъёс лэсьтыны,<br />
вуиз-а казнае ватсаса<br />
коньдон? Азьло ик верано:<br />
арез ортчытӥм пунэмаськонъёстэк<br />
- таӵеез берло 9<br />
ар ӵоже ӧй вал ни.<br />
- 2017-тӥ ар кутсконын<br />
пунэмъёсмы ог 48,9 миллиард<br />
манет пала вал, ар<br />
пумозь соосты ог 48,4 миллиард<br />
манетозь уськытыны<br />
быгатӥм, - шуиз коньдон<br />
ужпумъёсъя министр<br />
Станислав Евдокимов. -<br />
Туэ пунэмъёсмес эшшо 1,9<br />
миллиард манетлы ичигес<br />
кельтыны кулэ. Коммерция<br />
банкъёслэсь 12,1 процентэн<br />
кредитъёс басьтӥм<br />
вал, та лыдпусэз 8,1 процентозь<br />
кулэстӥм. Озьы<br />
кылем арын тыриськонъёсмес<br />
пытсанлы 4,3 миллиард<br />
манет пала кошкиз<br />
ке, туэлы бюджетын 2,3<br />
миллиард манет гинэ учкемын<br />
ни.<br />
Станислав Евдокимов<br />
верамъя ик, 2017-тӥ арын<br />
казналэн доход люкетэз<br />
67,688 миллиард манет<br />
луиз. Кылем арын бюджет<br />
удысын ужасьёслэн уждунзы<br />
но кудӟытӥсь юонъёслы<br />
акцизъёслэн ставкаоссы<br />
йылӥзы - таин валче<br />
элькун кисые тросгес коньдон<br />
лыктӥз. Со сяна, министерствоос<br />
но ведомствоос<br />
Россиысь тросгес коньдон<br />
кыскыны пӧрмытӥзы: Москваысь<br />
Удмуртие 15,167<br />
миллиард манет вуиз,<br />
2016-тӥ арен ӵошатыса,<br />
со 6,6 миллиард манетлы<br />
тросгес.<br />
Кытчы но кӧня коньдон<br />
кутэмын? 67,257 миллиард<br />
манет луиз бюджетлэн<br />
расход люкетэз. Быдэстэмын<br />
Россилэн Президентэзлэн<br />
май указъёсыз<br />
- бюджет удысын ужасьёслэн<br />
уждунзы йылтэмын.<br />
Дыраз тыремын пособиос,<br />
пенсиос - соос 40 пумо. Ватсаса<br />
коньдон кошкиз муниципал<br />
кылдытэтъёслы.<br />
- Кун программаос пӧлысь<br />
тужгес коньдоноез<br />
луиз дышетон удысэн<br />
герӟаськемез - 20,5 миллиард<br />
манет быдтэмын,<br />
- шуиз коньдон ужпумъёсъя<br />
министр. - Солы луыса<br />
элькунамы 607 нылпи<br />
садъёс ужало, отчы 102<br />
сюрс нылпиос ветло. 2017-<br />
тӥ арын ватсаса 536 интыос<br />
усьтэмын. 3-7 аресъем<br />
вань пиналъёслы нылпи<br />
организациосы ветлыны<br />
луонлык кылдытэмын. Со<br />
сяна, кылем арын 2 школа<br />
пуктэмын - Ижын но Можгалан.<br />
Отӥяз расходъёс мыно<br />
тазалыкез утёнлы - 10,158<br />
миллиард манет, калыкез<br />
улон-вылонын утёнлы<br />
- 7,74 миллиард манет,<br />
культуралы - 1,69<br />
миллиард, мугорез кыдатон<br />
культуралы, спортлы<br />
- 942,9 миллион но мукет.<br />
Экономикая министр<br />
Михаил Тумин тодэ<br />
вайытӥз, кыӵе прогнозъёс<br />
пуктэмын вал 2017-тӥ<br />
арлы. Жаляса верано, кудог<br />
удысъёс соосты быдэстыны<br />
ӧз ворме. Шуом, 63<br />
процентэз промышленной<br />
предприятиос 2 процентлы<br />
ичигес вуз поттӥзы,<br />
мувӧй кыскон озьы ик<br />
2 процентлы кулэсмиз.<br />
Гурт удысын но ваньбур<br />
поттон 1,8 процентлы<br />
усиз. Ӧжытгес картошка<br />
октэмын - куазь ӧз сёты<br />
ӟеч урожай басьтыны. Со<br />
сяна, кӧнялы ке кулэсмиз<br />
пудолэн но тылобурдоослэн<br />
лыдзы. Уката секыт<br />
йӧтӥз лэсьтӥськон удыслы<br />
- заказъёс 19 процентлы<br />
кулэсмизы. Но улон юртъёс<br />
1,3 процентлы тросгес<br />
ик ӝужазы - 658,6 сюрс<br />
квадрат метр.<br />
Экономикая министрлэн<br />
докладысьтыз эшшо<br />
кӧня ке тунсыко лыдпусъёс:<br />
элькунамы улӥсьёслэн<br />
лыдзы 2017-тӥ ар пумозь<br />
1515,4 сюрсозь вуыны кулэ<br />
вал, луиз 1514,9 сюрс - ог 1<br />
сюрслы кулэсмимы. Дунъёс<br />
йылӥзы 3 процентлы<br />
гинэ. Ёрмыса улӥсь семьяос<br />
чакламъя 12,2 процент<br />
луыны быгато вал, луизы<br />
12,8 процент.<br />
Калык кылзонъёсы пыриськисьёс<br />
пусйизы: казнаысь<br />
коньдонэз Правительство<br />
валаса кутӥз.<br />
Доклад лэсьтӥсь министръёслы<br />
одӥг юан но ӧй вал<br />
- ваньмыз пыр-поч верамын-валэктэмын,<br />
пе.