Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 33 8-951-195-37-65<br />
195 3765<br />
УЛОН-ВЫЛОН<br />
№ 46 (<strong>25661</strong>)<br />
3<br />
2018-тӥ ар 21-тӥ инвожо<br />
ТАЗАЛЫКЕЗ УТЁН<br />
Туала гуртын - вашкала эмъюрт<br />
Элина КУМАЧЁВА<br />
Пичи Пурга ёросысь<br />
Норья муниципал<br />
кылдытэтэн<br />
кивалтӥсь Николай<br />
Зайцев вазиськонэн<br />
вуылӥз Россиысь Президентлэн<br />
общественной<br />
приёмнояз. Кыӵе<br />
куронэз вал солэн?<br />
Воштӥськоз-а табере<br />
гуртоослэн улонзы?<br />
Чимаса шудэм<br />
уг поты ни<br />
Норья - Пичи Пурга ёросысь<br />
одӥгез чеберез черкогурт<br />
шуим ке, ум янгышалэ,<br />
дыр. Син шоры соку ик йӧто<br />
чылк-чылк утялтэм урамъёс,<br />
чылкыт вуэн пачылась<br />
шуръёс-тыметъёс. Гурт уката<br />
но шулдыр адӟиське, вырйыло-нюко<br />
интые пуксеменыз.<br />
Норья шорын ик - школа,<br />
ужало нылпи сад, аптека,<br />
ветлечебница, амбулатория.<br />
Ог 1 сюрс пала улӥсез.<br />
Муниципал кылдытэтэ пырись<br />
мукет но гуртъёсты<br />
лыдэ басьтыса - ог 1 сюрс<br />
500-лэсь ятыр.<br />
Но таӵе ӟеч улӥсь гуртын<br />
но сюлмаськонъёс шедё вылэм.<br />
Кылсярысь, амбулаторизы<br />
интыяськемын вашкала<br />
пу юртэ - кыӵе арын<br />
со пуктэмын, нокин уг тоды<br />
ни. Гуртоослэн верамзыя,<br />
150 арлэсь ятыр ортчемын.<br />
Муниципал кылдытэтлэн<br />
йырыз та больница пумысен<br />
ик вазиськылӥз Россиысь<br />
Президентлэн приёмнояз:<br />
лыктэ, пе, асьтэос учке,<br />
отын калыкез йӧнатыны луоно<br />
на-а кадь, егит специалистъёслэн<br />
сыӵе интыын<br />
ужамзы потоз-а? Приёмез<br />
соку нуэ вал Кун Кенешлэн<br />
Тӧроез Алексей Прасолов.<br />
udmgossovet.ru<br />
Парламентлэн Тӧроез<br />
Алексей Прасолов та нуналъёсы<br />
Норьяла потаз,<br />
соин ӵош - Президиумлэн<br />
ёзчиосыз, озьы ик тазалыкез<br />
утёнъя министр Игорь<br />
Титов, Пичи Пурга ёрослэн<br />
йырыз Сергей Юрин, Пичи<br />
Пурга ёрос больницалэн<br />
кивалтӥсез, Кун Кенешлэн<br />
депутатэз Наталья Зямаева.<br />
Амбулаториез пыр-поч<br />
учкизы, кенешизы эмчиосын<br />
но висисьёсын.<br />
Больницалэн лапкам пу<br />
юртэз котыраз пушъем куакъёс<br />
пӧлысь ӝыныё гинэ<br />
адӟиське на. Укноосыз жальмаса<br />
кадь учко шоре. Пушказ<br />
пыриськод ке, уката<br />
паймоно: борддоръёс пырдыса<br />
усьыло, ӧсъёс, укноос,<br />
ӝӧк-пуконъёс, кушеткаос<br />
кылем даурез тодэ вайыто.<br />
Туала куронъёслы тупась<br />
эмъян тӥрлык син шоры уг<br />
йӧты. Алексей Прасолов эмчиосын<br />
тодматскемезлэсь<br />
азьло вазиськиз коридорын<br />
пукись висисьёслы. Соосыз<br />
одӥг ымысь сямен пумитаз<br />
веразы:<br />
- Эмъясьёсмы милям туж<br />
умоесь: ужзэс тодо, вазиськисесь...<br />
Чакламъя больницаын 7<br />
муртлы уж вань. Но туннэ<br />
татын ӧвӧл врачсы, стоматологзы<br />
выжиз Пичи Пургала<br />
- татысь кабинетаз пинь<br />
йӧнатыны кышкыт луиз,<br />
ужан висказ ик вӧлдэтысь<br />
штукатурка усьыны быгатоз...<br />
- Озьы али ми 5 кузя<br />
ужаськом, - вераз фельдшер<br />
Елена Нурканова. - Вань на<br />
лаборанткамы, эмъясь сузэрмы,<br />
эмъясь братмы, санитаркамы.<br />
Нуналаз та вакытэ<br />
ог 15-20 мурт, юрттэт<br />
курыса, вазиське. Толалтэ<br />
йӧнатӥськисьёс тросгес луо.<br />
Норья калык сяна, бордамы<br />
юнматэмын Улӥ Посьтолысь<br />
нылпиос - 114 кузя. Озьы<br />
оглом 1 сюрс 200 пала адямиез<br />
учконо луиськом.<br />
Одӥгез умой: больница<br />
вӧл-вӧл, буш кабинетъёс но<br />
вань. Угось 380 квадрат интыын<br />
25 интылы стационар<br />
но вылэм, татысь одӥгаз<br />
палатаын нуныос, пе,<br />
вордскылӥзы ай. Но ог 10 ар<br />
талэсь азьло ни стационарез<br />
пытсазы, нуназе ужась 5<br />
койка гинэ кельтӥзы. Озьы<br />
али татын коть чимаса шуд.<br />
Но эмчиос соглаш карисько<br />
ни ӟоскытгес юртэ<br />
но выжыны - ужаны гинэ<br />
мед луоз, пе. Нош калык<br />
куре на: больница гуртын<br />
ик мед луоз вал - али со гурт<br />
сьӧрысь вырйылын, отчы<br />
тубаны капчи ик ӧвӧл.<br />
- Одӥгез амал: фельдшеракушер<br />
пункт усьтыны, -<br />
дэмлаз Алексей Прасолов.<br />
- Но асьтэос валаськоды,<br />
солэн быдӟалаез таизлэсь<br />
шӧдскымон пичигес луоз - ог<br />
Пичи Пурга ёросысь Норьяысь<br />
больницалэн югдуреныз тодматскизы<br />
Кун Кенешысь депутатъёс.<br />
80 квадрат метр гинэ...<br />
Нош муниципал кылдытэтлэн<br />
йырыз инты дэмлаз<br />
- школа вадьсысь кыралэ.<br />
Со али муниципалитетлэн<br />
луэ, озьыен, музъемлы<br />
документъёсын шугъяськонъёс<br />
кылдыны кулэ<br />
ӧвӧл. Пурга ёрос больницалэн<br />
валтӥсь врачез ватсаз<br />
на: ставкаос кылёзы, Пичи<br />
Пургала кошкем пинь<br />
йӧнатӥсь но берытскыны<br />
кулэ.<br />
Оскон кылдӥз, матысь<br />
дыре норья калык туала<br />
куронъёслы тупась фельдшер-акушер<br />
пунктын йӧнатӥськыны<br />
быгатоз ни<br />
шуыса.<br />
Шедьтоно врач!<br />
Кылиз на эшшо одӥг<br />
сюлмаськытӥсь ужпум -<br />
кулэ огъя практикаен врач.<br />
Ёрос больницаен кивалтӥсь<br />
Наталья Зямаева верамъя,<br />
«Гуртысь эмчи» программая<br />
районэ ог 30 егит специалистъёс<br />
лыктӥзы ни.<br />
Ӝыныезлэсь ятырез туннэ<br />
ужало. Куд-огъёсыз корка<br />
но пуктӥзы - пыраклы кылён<br />
сярысь малпасько. Но<br />
соос ужало ёрос центрын.<br />
Гуртъёсы, кылсярысь, Норьяла<br />
мынэмзы уг поты.<br />
Мар кароно?<br />
- Шедьтоно та гуртын ик<br />
вордскем, враче дышетскем<br />
муртъёсты, - малпанэ вуиз<br />
депутатъёсын, ёросысь кивалтӥсьёсын<br />
пумиськонэ<br />
люкаськем гурт калык.<br />
Эсьма, кӧня ке муртъёсты<br />
тодазы но вайизы. Наталья<br />
Зямаева соосын кенешыны<br />
пумит ӧз кариськы.<br />
- Но егитъёс мед кылёзы<br />
шуыса, гуртамы сюрес но<br />
кулэ вал, - ӧз ыштӥське гуртоос.<br />
- Сельхозпредприятимы<br />
банкрот луэм бере тросэз<br />
уже Иж пала ветлыны<br />
кутскизы. Сюресмы луысал<br />
ке, оло, нуналлы быдэ бертылысалзы<br />
но.<br />
Отӥяз вераськон эшшо<br />
пыдлогес пыре. Нылпи садын<br />
ужасьёслэн юанзы<br />
кылдэ: школаосысь дышетскон<br />
тӥрлыкез выльдонъя<br />
программа кутэмын вал,<br />
нош ку тодазы ваёзы нылпи<br />
садъёс сярысь - анай-атайёс<br />
чот ремонт но лэсьтоно, шудонъёс<br />
но басьтоно луэ...<br />
Югдурез умой-умой валэктӥзы<br />
Кун Кенешлэн<br />
Тӧроез Алексей Прасолов<br />
но ёрослэн йырыз Сергей<br />
Юрин. Гуртоос соглаш кариськизы:<br />
шуг-секытъёсты<br />
вормон понна огкылысь<br />
тыршоно. Кун Кенешысь<br />
депутатъёс, эшшо но Норьяе<br />
лыктом, шуизы. Кылзэс<br />
сётӥзы: нылпи садлы<br />
кузьымъёс ваёзы.<br />
Гуртсылэн ӵуказе нуналызлы<br />
туж оско норьяос.<br />
Озьы соос кышкатэк<br />
басьтӥсько улонлэсь туала<br />
куронъёссэ быдэсъяны<br />
но, кылсярысь, доразы туристъёсты<br />
кыскон сярысь<br />
малпасько - маршрутсы<br />
кылдытэмын ни. Кужым<br />
сёто соослы гурт шорысьтызы<br />
ик нылкышно монастырь<br />
но дун-чылкыт Пётр<br />
но Павел апостолъёслы<br />
сӥзем черк.<br />
ДЫШЕТОН<br />
Кулэ 200 миллион<br />
манет<br />
Элина КУМАЧЁВА<br />
Али гинэ кутскизы гужем<br />
каникулъёс, нош<br />
элькунмы дасяське<br />
ни выль дышетскон<br />
арлы.<br />
Дышетонъя но наукая<br />
министерстволэн ивортэмезъя,<br />
туннэ нуналлы республикаямы<br />
1 сюрс 343 дышетон<br />
организациос пусъемын.<br />
Со пӧлысь 583-ез - школаос,<br />
605-ез - нылпи садъёс,<br />
45-ез организация выре профессиослы<br />
дышетонэн, 97-<br />
ез - ватсаса тодон-валан сётонэн.<br />
Кызьы мынэ дасяськон<br />
выль дышетскон арлы<br />
- элькун Тӧро, Правительство<br />
нимысьтыз чакласа<br />
возё. 15-тӥ августлы вань<br />
дышетон организациос<br />
нылпиосты кутыны дась<br />
луыны кулэ. Дышетонъя<br />
но наукая министр Светлана<br />
Болотникова верамъя,<br />
быдэстоно ужпумъёс ӧжыт<br />
ӧвӧл - Роспотребнадзорлэн<br />
но, Госпожнадзорлэн но куронъёссы<br />
чурытэсь. Соосты<br />
быдэстон понна ог 200 миллион<br />
манет кулэ луоз. Туннэ<br />
нуналлы элькун бюджетын<br />
45 миллион манет гинэ<br />
чакламын.<br />
Та ужпум эскеремын Кун<br />
Кенешлэн Президиумаз но.<br />
- Министр Светлана Болотникова<br />
элькунысь вань<br />
дышетон организациосъя<br />
югдурез туж умой тодэ, - Президиум<br />
бере журналистъёслы<br />
мылкыдзэ вераз Кун<br />
Кенешлэн Тӧроез Алексей<br />
Прасолов. - Сюлмаськытӥсь<br />
ужпумъёсты дыраз сэрттонпертчон<br />
вылысь ик выль дышетскон<br />
арлы вазьгес дасяськыны<br />
кутским - нылпиос<br />
дышетскыны дыраз мед мынозы.<br />
Нош кытысь уксё кароно<br />
- амалъёс утчано Правительствоен<br />
ӵош.<br />
Вуиз 6 автобус<br />
Туэ 1-тӥ сентябре<br />
Пичи Пурга ёросысь<br />
3 школаос ӧсъёссэс уз<br />
усьтэ.<br />
Ёрослэн йырыз Сергей<br />
Юрин верамъя, Ыбдэсысь,<br />
Аксакшурысь но Итэшысь<br />
школаос туала куронъёслы<br />
уг тупало ни. Таин ӵош отын<br />
дышетскисьёслэн лыдзы но<br />
арысь аре кулэсме. Кылсярысь,<br />
ёрос гимназиын 1 дышетскисьлы<br />
араз 36 сюрс манет<br />
усе ке, Итэш школаысь 1<br />
пиналлы 109 сюрс манет кошке<br />
вал.<br />
Но одӥг пинал но 1-тӥ сентябре<br />
школае мынытэк уз кыльы.<br />
Пытсаськись школаосысь<br />
нылпиосты артысь гуртъёсы<br />
нуон-ваёнэн шугъяськонъёс<br />
кылдыны кулэ ӧвӧл,<br />
пе. Ёросын туэ гинэ ӵыжаквыль<br />
6 автобусъёс кылдӥзы.<br />
- Дышетонъя но наукая министерство<br />
элькунамы вуэм 9<br />
автобусъёс пӧлысь 2-сэ районмылы<br />
висъяз, - пусйиз Сергей<br />
Юрин. - Эшшо 4-зэ кузьмазы<br />
мувӧй кыскисьёс.
Change language