Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 33 8-951-195-37-65<br />
195 3765<br />
ВАНЬМОН ДЫРЪЯ<br />
№ 46 (<strong>25661</strong>)<br />
17<br />
2018-тӥ ар 21-тӥ инвожо<br />
ымныро, тӧлтэм дыръя но<br />
шонаськись шачы кадь воргорон<br />
нерге, гурт калыклэн<br />
верамезъя, огшоры бакча<br />
суред.<br />
Люкаськем куноос нырысь<br />
ичи вераськизы, трос<br />
юизы но сиизы. Собере чарка<br />
бӧрсьы чарка кымамъя<br />
вырӟиз, ӧръяськиз. Поплэн<br />
кышноез но нылыз, вань кепыран,<br />
возьдаськон сямъёсты<br />
санэ басьтытэк, кык<br />
офицеръёс вӧзын пуко ини.<br />
Ог-огзэс сюлмысь утялтыны<br />
туртто. Пиосмуртъёс -<br />
винаен, нылкышноос - сиён-куртчонэн.<br />
Попадья ас<br />
понназ малпа: юиз-куртчиз<br />
ке, оло, офицерлэн сюлэмыз<br />
небӟоз, сое гажаса ӟыгыртоз.<br />
Воргоронъёслэн но кыл<br />
сэрттӥськыны, куараоссы<br />
юнгес кылӥськыны<br />
ӧдъязы. Одӥгез ӝӧк пуме<br />
мыжгыны вуиз. Котырысьтыз<br />
тусьты-пуньыос жинкуан<br />
шуизы, кык стопкаос<br />
выллань пештӥзы но, выж<br />
вылэ усьыса, пазьгиськизы.<br />
Кудӥз ке но мултэс чурыт<br />
куртчем воргорон офицерлы<br />
сётэм зарниез сярысь<br />
тодаз ваем. Жалезлы чидатэк,<br />
озьы пуштэм. Поп куалектыса<br />
ӧжыт гинэ пукон<br />
вылысьтыз ӧз усьы, мылазяз<br />
кирос тыре. Воргоронъёс<br />
сьӧраз ортчем бускельзэс<br />
асьсэос ик буйгатӥзы.<br />
Ог кыкез-куинез ӝӧк ултӥ<br />
пуд быдӟаесь мыжыкъёссэс<br />
возьматӥзы но - вань эмъюмез<br />
со луиз.<br />
- Тӥни сыӵе гондыр сэрегын<br />
гондыръёс пӧлын даурез<br />
ортчытӥськод, - лулӟылэ<br />
попадья.<br />
Кондӥ Павол воргоронъёс<br />
шоры лек учкиз но одӥг<br />
кыл но ӧз вера. Югдурез<br />
шулдыр ӧре берыктыны<br />
дыртӥз. Граммофонлэн чагыр<br />
гумыысьтыз лэймыт,<br />
небыт кырӟан гур чузъяськиз:<br />
«Тыр толэзь уя шур<br />
вадьсын, уй чалмыт лушкем<br />
лэзькемын. Ваньмыз<br />
акыльтӥз дуннеын: тон сярысь<br />
гинэ, мусое, малпасал,<br />
тонэ гинэ ялан син азям возьысал,<br />
тынад чебереныд<br />
гинэ пырак улысал...»<br />
- Господа, эктон гур! -<br />
киоссэ шеръяса, зал шоры<br />
потӥз рот мистр.<br />
- Вальс, - киоссэ чабыса,<br />
султӥз поручик.<br />
Кондӥ Павол пластинкаез<br />
воштӥз. Тӥ эн малпалэ,<br />
гуртын улэменыз, господаослэсь<br />
яратон музыказэс<br />
Кондаков уг тоды шуыса.<br />
Туж ӟеч тодэ. Вуз карон<br />
котырын бергась адями<br />
бадӟымесь городъёсы но вуылэ,<br />
ресторанъёсы, баръёсы<br />
но пыралля. Публичной<br />
коркаосы но вуылэмын. Валамон<br />
ини, созэ со нокинлы<br />
но уг поттылы. Пеймытэн<br />
черк старостаез Инмар<br />
уг адӟы. Маяллялоз вал<br />
со вадьсаз пукись ӝужыт<br />
мӧляё, паськытэсь сауро попадьяез<br />
но. Только али со<br />
Кондӥ Павол шоры пичи но<br />
уг учкы. Ноку адӟылэмез,<br />
ноку вӧзаз пукылэмез, бордаз<br />
ӟыгырскылэмез ӧй вал<br />
кожалод. Нуныяса курись<br />
тусыз быдэсак егит, таза<br />
офицер вылын. Вальс эктонэз<br />
ялыса гинэ вуттӥзы но,<br />
со ини, интыысьтыз тэтчыса,<br />
ротмистр азе вуиз.<br />
«Эхма, чӧльыпум быдӟа ке<br />
но кепыр ваёнэз коть мед<br />
валалоз вылэм», - лек учкиз<br />
купец. Вылаз буртчин<br />
дэрем - Кондӥ Паволлэн кузьымез.<br />
Чыртыяз ошем дуно<br />
весь кыдёкысь, лыз зарезь<br />
тупалась, бадӟым городысь<br />
вуттэмын. Яратэ Кондӥ Павол<br />
таӵе дуно кузьымъёсын<br />
нылкышноослэсь синъёссэс<br />
мальдытъяны но йырзэс<br />
поромытылыны. Нош<br />
али азьтӥз дуно платьяеныз<br />
шоналтӥз но, аслэсьтыз<br />
ик солэсь кузьмам французской<br />
духи зынзэ пурӟытыса,<br />
лӧбак кошкиз. Ас понназ<br />
Кондӥ Павол сялӟыса гинэ<br />
кылиз. Ачиз коть батюшка<br />
маке кыл мед вералоз<br />
вылэм. Ма, кытын на со.<br />
Небӟем ини.<br />
Нылыз анаез сямен ӧз<br />
тэтчы. Вите ӧтемез. Зэмзэ<br />
но, поручик со азе султӥз<br />
но йыбырттӥз. Нылмурт,<br />
шумпотэмзэ ватыны быгатытэк,<br />
ӵыжектӥз. Капчиен<br />
султыса, поручиклэн<br />
пельпум вылаз паллян кизэ<br />
понӥз. Сое поручик ӧз ик<br />
шӧды. Макем небыт, макем<br />
капчи нылмурт ки! Со понна<br />
чильтырес мунё ӟеч шӧдэ<br />
юн пельпумлэсь кужымзэ.<br />
«Осто, Инмаре, шудбур сёты<br />
вал», - ымдуръёсыз солэн<br />
шӧдонтэм гинэ выро. Мукет<br />
киыныз со ӝогак гинэ йырсизэ<br />
тупатэм кариз.<br />
Поручик нылмуртлэсь<br />
небыт мугорзэ каллен гинэ<br />
бордаз ӝиптӥз.<br />
Чебер экто кык офицеръёс.<br />
Веськресэсь, ӝужытэсь,<br />
кужмоесь. Бубыли кадь бергало<br />
нылкышноос. Мукетъёсыз<br />
нокин но соос вӧзы султыны<br />
ӧз дӥсьтэ. Синмаськыса<br />
учко. Куаретӥсь но ӧвӧл.<br />
Интыосысьтызы ик султыса<br />
учко. Одӥг поплы гинэ<br />
нокыӵе уг поты. Со али ветыл<br />
моклокез йыръе.<br />
Пластинкаос бӧрсьы пластинкаос<br />
вошъясько, эктон<br />
бӧрсьы эктон.<br />
Табере ини пиосмуртъёс<br />
экто. Йыг лёго, кизэс чабко,<br />
шултыса лэзё.<br />
Поручикен поп ныл -<br />
одӥг сэргын, ротмистрен<br />
поп кышно - мукет сэргын<br />
эктӥсьёсты учкыса пуко. Серекъяло,<br />
кизэс чабо. Укыр<br />
бен мудрон экто воргоронъёс.<br />
Кудӥз мугорзэ туж капчи нуллэ,<br />
кудӥз гондыр кадь сумбрес<br />
берга. Ротмистр маке но вера<br />
поп кышнолэн пеляз, соиз, куаразэ<br />
шӧдытэк, серекъя. Поручик<br />
но ялан маке вера но<br />
вера. Нылмурт я ӵыжектэ, я<br />
кӧдэктэ, я пичи тӧдьы кышетсэ<br />
син дураз вуттылэ.<br />
Со куспын ӝӧк вылэ<br />
бадӟым ӵуж самовар<br />
вуттӥзы.<br />
Со тӧдьы бусэн шока но<br />
векчи гурен кырӟа. Мылкыд<br />
карисьёсты ӝӧк сьӧры<br />
ӧтизы. Бадӟымесь вазаосын<br />
ӵыжыт улмоос, дуноесь конфетъёс,<br />
пыжиськемъёс.<br />
- Жадем мугоръёстэс<br />
веськатэ, воргоронъёс, секыт<br />
малпанъёстэс небӟытэ,<br />
иськавынъёс, - пукон вылэ<br />
пуксьыса, чай лэзьяны кутскиз<br />
Кондӥ Павол. - Тӥ но,<br />
господаос, чайлэсь эн пыкиське.<br />
Поручиклы но егит ныллы<br />
чаен йырин ӧй вал. Соос<br />
сэргын небыт диван вылын<br />
мынчыръясько. Нылмурт,<br />
шудэн пачылмыса, офицерлэн<br />
я чыртыяз ӟыгырске,<br />
я питыр-питыр серекъя, я,<br />
йырзэ мӧля вылаз поныса,<br />
ӝиптӥське.<br />
Таӵелы дышымтэ воргоронъёс<br />
адӟымтэ улсы карисько.<br />
Ма, верано ке, соослэн<br />
асьсэлэн сюлмаськонзы,<br />
асьсэлэн малпанъёссы. Кинлы<br />
ке шулдыр ке, мед ойдо.<br />
Югдурлэсь тупамзэ<br />
шӧдыса, егитьёс доры ачиз<br />
матушка мынӥз. Нылыз солэн<br />
пеляз маке но сипыртӥз.<br />
Матушка, киоссэ шеръяса,<br />
кыксэс ик ӟыгыръя, чупа.<br />
Шумпотэмезлэн йылыз но,<br />
пумыз но ӧвӧл.<br />
- Петроградэ!.. Париже...<br />
Риме... Бадӟымесь зарезьёс<br />
вылтӥ... Ой, сюлмы. Нылы<br />
быдэс дуннеез адӟоз... Кыӵе<br />
шуд со, кыӵе шуд, - куаразэ<br />
но уг шӧды ни попадья.<br />
- Ой, сюлмы, мон гинэ-а табере<br />
та кырсь воргоронъёс<br />
пӧлы кылё? Соослэсь тэкит,<br />
ыж гон, пӧсь нюлам но аракы<br />
зынъёссэс зынъяса уло...<br />
Ой, сюлмы, ой, кӧты...<br />
- Бен мынэ ук йыбырттэ!<br />
- киостӥзы ӝутӥз со егитьёсты.<br />
Нылмурт но офицер поп<br />
азе пыдес вылазы лэзькизы.<br />
Залын туж шыпыт луиз.<br />
- Пырак азелы улонмес<br />
герӟаны, сюлэммес<br />
огазеяны куриськом, азяд<br />
йыбырттӥськом, батюшка,<br />
святой отец, - огымысь вазизы<br />
соос.<br />
Поп нырысь пал, мазэ-созэ<br />
валатэк, долкаса пукиз.<br />
Собере синъёссэ мыжыкеныз<br />
зыраны ӧдъяз.<br />
- А-а, вот кызьы... - мылазяз<br />
кирос понӥз. - Эмеспи луэмед<br />
потэ?<br />
- Сыӵе милям куронмы,<br />
мусо атаймы, утисьмывордӥсьмы,<br />
- киоссэ мылазяз<br />
кечат понӥз офицер. - Тӥляд<br />
нылды пеймыт сэрегын<br />
ӧвӧл, райын улыны вордскемын.<br />
Мон солы сёто рай.<br />
- Мар бен, Инмар<br />
тӥледын. Шудды мед луоз.<br />
Кирос понӥсько. - Мырдэм<br />
со киоссэ ӝутӥз но кирос<br />
понӥз. - Матушка, кытын<br />
тон? - тяньгес куараен ӧте<br />
поп.<br />
- Мон татын, мон соослы<br />
шуд сӥзи ини.<br />
- Инмарен валче<br />
тӥледыз, Инмарен валче! -<br />
шонаськыса но кызьы пыд<br />
йылаз султӥз батюшка.<br />
Куноос кизэс чабо.<br />
Ӟечкыласа, вожмаськыса<br />
сюмыкъёссэс винаен тырмытъяло.<br />
- Пардон, пардон, - кизэ<br />
ӝутӥз поп. - Мыным тодыны<br />
кулэ: огзэ гинэ нуиськоды-а,<br />
али, кыксэс ик-а?<br />
- Али ярашон гинэ луоз,<br />
- валэктыны дыртӥз поручик.<br />
- Ну, пичи сюан шуод-а,<br />
мар-а. Тӥ киросэн милемыз<br />
огазеялоды.<br />
- Бен тӥ сое уд-а нуэ? Мон<br />
доры кельтоды? Созэ но уд<br />
нуэ? - кышноез шоры возьматэ.<br />
- Ум, али нокинэ ум нуэ.<br />
Войнаын вормем бере...<br />
- Мон, озьы ик луоз шуыса,<br />
тодӥ, - интыяз ӟигартэк<br />
лэзиськиз поп. - Уз, нокин<br />
соосыз мон дорысь уз нуы.<br />
Нокыӵе шайтан но уз басьты...<br />
Озьы кылдэм, дыр, мыным<br />
соосын курадӟыны...<br />
- Мар тон, мар тон, батюшка,<br />
- кышноез азяз пыдесъяськиз.<br />
- Инмарлэсь кепыра.<br />
- Тыныд кепыраны кулэ,<br />
тыныд, - кутскем вал ини<br />
поп но, ротмистр, югдурлэсь<br />
урод пала берытскемзэ<br />
шӧдыса, куспетӥ кариз.<br />
- Господаос, гажано господаос!<br />
Асьмелы туннэ<br />
удалтӥз. Туж бадӟым шуд<br />
вайиз та нунал. Кин малпа<br />
вал, кык егит сюлэмъёс татын<br />
огазеяськозы шуыса.<br />
Шуд сӥзисько тӥледлы...<br />
Мае тӥ учкыса улӥськоды,<br />
господаос? Вае шуд сӥзёме!<br />
Ваелэ чаркаосмес бушатоме!<br />
Музыка вай, музыка!<br />
Тани тазьы юэ! - чарказэ<br />
бушатыса, выж вылэ<br />
зӥртӥз ротмистр. - Лыктэ<br />
дорам, вае чупало, ӟеч сюрес<br />
сӥзё, - киоссэ шеръяса,<br />
ӧте со.<br />
Коркан юр шуэ, ваньмыз<br />
ӟечкыланы дырто.<br />
Ӵапак тӥни соку, шумпотонлэн,<br />
ӟечкыланлэн, данъянлэн<br />
тужгес но ӟырдыт вакытаз,<br />
ӧс ваяк усьтӥськиз<br />
но, ӧс куспы военнойёс<br />
кылдӥзы.<br />
- Киостэс выллань! Интыысьтыды<br />
эн вырӟылэ! -<br />
кужмо куара гудыртӥз.<br />
Коркан номыртэм чалмыт<br />
луиз. Но со чылкак<br />
кӧня ке секундлы гинэ вал.<br />
Нырысь ик мазэ-созэ валаз<br />
поручик.<br />
- Господаос, гордъёс! Эн<br />
куалектэ! Тани соослы! -<br />
ыбем куара пелез ӵоктаз.<br />
Соин ӵош ик сач шуккем<br />
кылӥськиз, кин ке выж<br />
вылэ усиз но быдэс коркаез<br />
зуркатӥз, вӧлдэтысь штукатурка<br />
куашказ. Бадӟым<br />
лампаысь тыл сэзъяське,<br />
кыньыръя.<br />
Нылкышноос юр-яр кесясько.<br />
Коркан ваньмыз бугырскиз.<br />
Укноос жин-куан<br />
пазьгисько, ӝӧк вылысь<br />
тусьты-пуньыос усьыло.<br />
Порох ӵын сылмем бере<br />
син азе абдрамон суред<br />
кылдӥз: воргоронъёс сэргы<br />
ӝиптэмын. Солдатъёс<br />
соослэсь киоссэс мышказы<br />
карыса думыло. Корка<br />
шорын ик гаӵоло поручик<br />
кылле. Солэн пистолетэз<br />
кыдёке пешкытэмын.<br />
Али со пистолетэз доры<br />
сузьтӥськыны турттэ. Сое<br />
адӟыса, ротмистр поручиклэн<br />
суй вылаз одӥг пыдыныз<br />
лёгиськиз но мукетыныз<br />
пистолетсэ кыдёкегес<br />
ӵыжиз. Со куспын поручик<br />
сое куктӥз кыскыса<br />
канжаськытӥз. Табере соос<br />
выж вылын погыллясько.<br />
Ог-огзылэн гульым бордазы<br />
вутскыны туртто. Ротмистрлэн<br />
кужмо киосыз поручиклэсь<br />
чыртызэ акар<br />
вискы кадь пачкатӥзы. Соизлэн<br />
ымтӥз шукы потэ.<br />
Бамыз лызэктӥз. Кер-кур<br />
шока. Сётскиз. Куалекъяз<br />
но пыдъёссэ вез-вез лэзьяз.<br />
- Поттэ сое! - косӥз ротмистр<br />
солдатъёслы. -<br />
Таиз табере адямиосыз<br />
уз виылы ни, - пӧсям ымнырзэ<br />
ӝӧккышет пумын<br />
ӵушылыса, секыт шока. - А<br />
таосыныз мар кароно? - дыр<br />
куалекъяса сылӥсь воргоронъёс<br />
доры мынӥз. - Ну,<br />
кыӵе мылкыдъёс, господаос?<br />
Оло барыняез эктом, а?<br />
Оло гопакез? Пожалуйста.<br />
Господин Кондаков! Кытын<br />
тӥ? Ма, кытын со?<br />
Али гинэ со адӟиз урдэскысь<br />
сӧриськем укноез.<br />
- Фу, чёрт, пегӟем,<br />
сьӧдкыль...<br />
- Ма кароно та адямиосын,<br />
Чеверев эш? - боецъёс<br />
пӧлысь одӥгез азьпала потыса<br />
юаз. Со вал ротмистрлэн<br />
адъютантэз. Сыӵе<br />
ик шоголес чылк-чылк английской<br />
формаен, кыӵе<br />
вал со Атасын, кыӵе вал<br />
нюлэскытӥ лыктыкузы.<br />
Нош поручиклэн адъютантэз<br />
сярысь верано ке, соизлэн<br />
киыз сьӧрпалаз думылэмын<br />
ини. Горд солдатъёс<br />
азьын йырзэ ошыса<br />
сылэ. Юнме вылымтэ солэн<br />
нюлэс кытӥ сокем куалекъяса<br />
лыктэмез. Ас эзелезлэсь<br />
пегӟыны ӧз кылды.<br />
- Ма бен, тодматском, -<br />
пальпотыса учке ротмистр.<br />
- Чеверев. Александр Михайлович<br />
Чеверев. Гордъёслэн<br />
командирзы. Гажалэ<br />
но яратэ...<br />
- Ох, антихрист, антихрист,<br />
- жоб куараен черекъяны<br />
кутскиз кышкаменыз<br />
сэргы диван вылэ нылыныз<br />
огинэ ӝиптӥськем<br />
попа дья. - Ой, мар луоз ини<br />
табере, ой, мар кароз ини<br />
со?<br />
- Тӥ, мадам, эн сюлмаське.<br />
Кышномуртъёсын ми<br />
воевать ум кариське, - лачмыт<br />
вераз Чеверев.<br />
- Нош мынамез кытын?<br />
Офицере мынам кытын?<br />
Мынам мусо картэ?<br />
- синъёссэ ӵушылыса, утчаське<br />
поп ныл. Мудрон<br />
чебер дӥсьёссы кыксылэн<br />
ик кышномуртъёслэн погмаськемын,<br />
йырсизы тугаськемын.<br />
Кыксы ик бӧрдо.<br />
- Я, эн вузэ, тырмоз! - лек<br />
кеськиз Чеверев. - Солэн тон<br />
кадь кышноосыз трос вал,<br />
эн куректы, эн утча, - серемпыр<br />
буйгатэ со.<br />
Азьланьтонэз вуоно номерын.