You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
73-33-42, 8-951-195-37-65<br />
ГУРТ УЛОН<br />
№ 46 (<strong>25661</strong>) 19<br />
2018-тӥ ар 21-тӥ инвожо<br />
СЮЛМАСЬКОН<br />
Горд сюй - мылкыд но уждун<br />
Сьӧлталась киужъёсъя юртын инвалидъёс понна «Кузьыли» проект быдэсъяське<br />
Туспуктӥз Ангелина СНИГИРЁВА<br />
Ангелина СНИГИРЁВА<br />
Удмуртиысь проектъёс<br />
туэ Россиысь<br />
Егитъёсын<br />
ужанъя агентстволэсь<br />
29 грантсэ утӥзы,<br />
2-ез соос пӧлысь -<br />
сьӧлтаослэн.<br />
Сьӧлтаысь киужъёсъя<br />
юртэ май толэзьысен, нуналлы<br />
быдэ сямен инвалидъёс<br />
лыкто но гончарной<br />
круг сьӧры пуксё, горд сюйлэсь<br />
пӧртэм арбериос лэсьто.<br />
Озьы киужъёсъя юртын<br />
сӧсыр адямиос понна ужаны<br />
кутскиз «Кузьыли» мастерской.<br />
Сое ортчытъяны<br />
кичӧлтонэн потӥзы татысь<br />
егит кибашлыос.<br />
- Горд сюен ужан - со<br />
ваньмон дырез тунсыко ортчытон,<br />
адямиосын пумиськон,<br />
оло, вуоно уж но. Угось<br />
инвалидъёс лэсьтэм арбериоссэс<br />
вузаны но барыш поттыны<br />
быгатозы. Озьы та<br />
проектмылы 150 сюрс манет<br />
грант утӥмы. Гончарной<br />
круг, горд сюй, пӧртэм<br />
тӥрлык, суредаськон буёлъёс<br />
басьтӥмы, - вераз проектлэн<br />
одӥгез кичӧлтӥсез Роман<br />
Черных.<br />
Мастерское инвалид адямиосты<br />
кыскон пумысен кибашлыослэн<br />
юртсы огкылысь<br />
ужаз ёрос больницаен,<br />
калыклы улон-вылонын<br />
юрттэт сётонъя центрен.<br />
- Ёросын сӧсыр адямиос<br />
ӧжыт ӧвӧл, - вераз Сьӧлта<br />
ЦСО-ысь психолог Светлана<br />
Василькова. - Соосты<br />
кытчы ке поттыны секыт,<br />
угось асьсэ висёнэнызы<br />
ньыль сэргын пукыны дышемын,<br />
калык пӧлы потанлэсь<br />
возьдаськонзы но вань.<br />
Нош кин татчы лыктыны<br />
мылкыд кариз, шумпотон<br />
басьто, быгатонлыксэс усьто,<br />
ог-огенызы верасько.<br />
Озьы проектэ пыриськыны<br />
мылкыд каризы 10 сӧсыр<br />
нылпиос но арлыдоос, нылкышноос<br />
но пиосъёс.<br />
- Нырысь вераськимы<br />
вал, мастерскойын арняяз 2<br />
пол пумиськыломы шуыса,<br />
- вераз киужъёсъя юртлэн<br />
кивалтӥсез Светлана Никулай.<br />
- Инвалидъёсты киужлы<br />
дышетонъя нимысьтыз<br />
программа дасязы асьме<br />
методистъёс ик. Дорамы<br />
ветло пӧртэм висёнэн<br />
висись адямиос: кинлэн ке<br />
пыдыз сӧсырмемын, мукетыз<br />
вераськыны курадӟе.<br />
Котькудӥныз нимысьтыз<br />
ужано луэ. Соин проектэ пыриськисьёс<br />
нуналлы быдэ<br />
сямен вуылыны кутскизы.<br />
Мастерскойлэн ужез ар<br />
Е. Пантюхина инвалидъёсты<br />
дышетэ горд сюен ужаны.<br />
пумозь чакламын. Ноябре<br />
ӧдъяськомы огъя кужымен<br />
лэсьтэм киужмес адӟытыны.<br />
Малпаськомы, дорамы ветлэм<br />
адямиос киужен выронзэс<br />
азинтозы. Али ик кудогез,<br />
горд сюен вырем сяна,<br />
усточиосмылэн кивалтэмзы<br />
улсын суредаськон, пужыятскон<br />
борды басьтӥськизы ни.<br />
«Кузьыли» мастерскойлэн<br />
ужаз мыло-кыдо пыриське<br />
Елизавета Лошкарёва.<br />
Киужен тодматскыны<br />
ӧтемзылы шумпотӥз, ас киыныз<br />
лэсьтэм арбериосыз<br />
толэзь куспын уно люкаськизы<br />
ни.<br />
- Ноку но ӧй вал горд<br />
сюен ужаме, малпасько вал,<br />
секыт луоз, уг пӧрмыты шуыса,<br />
- мылкыдзэ вераз кышномурт.<br />
- Но чиньыосы сокем<br />
дышизы ни, ужаны кутскисько<br />
ке, дугдэме уг поты.<br />
Нырысь кутскимы капчигес<br />
арбериос бордысен - магнитъёс,<br />
борддоре ошон тусьтыос<br />
лэсьтӥмы, берло шуланъёс,<br />
тэркыос пӧрмытӥм<br />
ни. Бадӟым мылкыды сяська<br />
тыронъёс лэсьтыны, соос<br />
коркаме шулдыргес карозы<br />
кадь потэ. Горд сюен ужаны<br />
туж яраз, сыӵе гань-гань луисько<br />
кадь, со сюлэмез бурдъя,<br />
урод мылкыдэз улля.<br />
Ирина Трудолюбова<br />
пыдъёсыныз курадӟе, но киосыз<br />
горд сюез шаплы посо.<br />
Кышномурт ужа ке но, мастерское<br />
ветлыны дыр<br />
шедьтэ.<br />
- Шуизы, лэсьтэм ужъёсмес<br />
вузалляны но быгатомы.<br />
Нош али сокем азьпала<br />
уг учкиськы на, нырысьвалысь<br />
сад-бакчаме ас киыным<br />
лэсьтэм арбериосын чеберъяме<br />
потэ.<br />
Выль киужен тодматскыны<br />
мылкыдзы вань коляскаен<br />
ветлӥсь куд-ог инвалидъёслэн<br />
но. Но али соослы<br />
юртэ шедьыны луонлык<br />
ӧвӧл ай. Та пумысен<br />
мар кароно, малпаськыны<br />
кулэ на, веразы проектэз<br />
радъясьёс.<br />
ШАЕРТОДОН<br />
Егитъёс гожто историез<br />
Ангелина СНИГИРЁВА<br />
Сьӧлта ёрос библиотекаысь<br />
шаертодонъя<br />
ёзэт «Питран<br />
вылын музей» проектэныз<br />
музей сэрегзэ<br />
узырмытыны чакла.<br />
Малпанзэ зэматонлы<br />
300 сюрс манет утӥз.<br />
- Ми кабинетын гинэ пукыны<br />
кулэ ӧвӧл, - вераз музейчи<br />
Наталья Русских.<br />
- Музей сэрегамы 3 сюрс<br />
пала пӧртэм вашкала арбериосмы<br />
утисько. Малпай,<br />
соосты уноятон, калыкмылэсь<br />
сям-йылолъёссэ люкан,<br />
ёрос историез мургес<br />
тодон понна гуртъёсы, пересьёс<br />
доры потано, одно ик<br />
та уж борды пиналъёсты<br />
кысконо.<br />
Ӟеч кусып возиськомы<br />
ёросысь ватсаса тодон-валан<br />
сётонъя центрен.<br />
Отын ог 5 ар пала<br />
ужа ни «Гожтӥськом историез»<br />
кружок. Ӵапак отчы<br />
ветлӥсь нылпиос волонтёр<br />
чотын проектэ пыриськыны<br />
мылкыд каризы.<br />
Наталья Русскихлэн<br />
юрттӥсьёсыз - Сьӧлталась<br />
5 волонтёръёс, эшшо котькуд<br />
поселениысь 2-3 егит<br />
шаерчиос кичӧлтон борды<br />
итӥськизы, озьы ог<br />
18 адями проектэ кыскемын.<br />
Котькуд пинал азе<br />
нимысьтыз ужпум пуктэмын.<br />
Кылсярысь, Кӧпка но<br />
Валамаз палъёсысь нылпиос<br />
Граждан ожлэн ортчемез<br />
сярысь материал<br />
бичало. Мукетъёсыз удмуртъёслэсь<br />
вашкала киужзэс<br />
- куэм арбериосты -<br />
эскеро, ёросысьтызы тодмо<br />
адямиос сярысь материал<br />
бичало. Узи черкогуртысь<br />
Ирина Харина семьяезлэсь<br />
выжы писпузэ<br />
лэсьтэм, отын пусъемын<br />
150 ар ӵоже улэм ӵыжывыжыосызлэн<br />
нимъёссы.<br />
Лудӟи-Ӝыкъя гуртысь<br />
шаерчи Пётр Коробов быдэс<br />
ёросысь гурт, луд, нюк<br />
нимъёсты люка.<br />
Егит шаерчиос - Сьӧлталась<br />
8-тӥ классэз йылпумъям<br />
Анастасия Семакина,<br />
Виктория Воробьёва,<br />
Анастасия Жилинская,<br />
грант уксёен басьтэм видеокамера,<br />
диктофон кутыса,<br />
нырысетӥ экспедициязы<br />
потӥзы - Выль Мӧнья гуртэ.<br />
Отын пумиськылӥзы Тамара<br />
Николаевна Еговкина<br />
но Нина Павловна Тюлькина<br />
мӧйы кышномуртъёсын.<br />
Соос кыкназы туж чебер<br />
кырӟало, гуртысьтызы<br />
«Рябинушка» ансамбле ветло.<br />
Пересьёс тодо на Сибирь<br />
сюрес кузя каторгае мынӥсь<br />
адямиослэсь кырӟанъёссэс.<br />
Та сюрес ёрос пыр ортче.<br />
Тамара Николаевналэн<br />
картэзлэсь мумы-бубызэ кулак<br />
шуиллям но Архангельске<br />
келяллям, берло соос<br />
вордӥськем палъёсазы берытскиллям.<br />
- Кузпалылэн бубиз<br />
кырӟалля вал Сибире кошкись<br />
адямиослэсь гуръёссэс,<br />
мон но со борды ӵемысь<br />
итӥськылӥ. Соин тодам<br />
кылизы, - вера Т. Еговкина.<br />
Ӵапак каторгае келям<br />
адямиослэсь кырӟанъёссэс<br />
гожтӥзы Сьӧлталась волонтёръёс.<br />
- Малпаськомы, та проектлы<br />
луыса ёросмы, калыкмы<br />
сярысь трос выльзэ<br />
усьтом, мукет адямиос но<br />
сое мед тодозы кадь потэ.<br />
Вань кылэм-адӟеммес видеое,<br />
диктофонэ гожтомы,<br />
соосты «ВКонтакте» вотэс<br />
баме «Музей на колёсах»<br />
нимын поттомы, - шуо пиналъёс.<br />
- Та выллем проектъёс,<br />
малпасько, туж кулэ туала<br />
вакытэ, - азинтэ веранзэ<br />
Н. Русских. - Уката ик<br />
пичигес гуртъёслы, кытын<br />
та дырозь утисько на<br />
вашкала сям-йылолъёс,<br />
уло на соосты нылпиосмылы<br />
вераны быгатӥсь адямиос.<br />
Пиналъёсын гуртъёсы<br />
потаса гинэ ужмес<br />
ум йылпумъялэ, соос<br />
ужам ужзылэсь емышсэ<br />
но мед адӟозы. Соин<br />
ар пумын бадӟым конференция<br />
ортчытом. Бичам<br />
материалъёсмы нимысьтыз<br />
бичетэн потозы, соосын<br />
тодматскыны быгатозы<br />
вань мылкыд карисьёс.<br />
Туж потэ, та уж борды мед<br />
итӥськозы школаос бордысь<br />
музейёс но.