HOLLAND – LETZEBUERG, 17/11/2007 zu Rotterdam - internet.lu

Qualimätch géint Wäissrussland 24.3.2007 1-2
De 24. Mäerz 2007 war Wäissrussland op der Aareler Strooss op Besuch. De Mätch war
net wei gewinnt owes, mee schon um fënnef Auer. Mir hun eis géint eng Auer op der
Place d' Armes getraff a sin zu ongeféier zéng M-Blocker an de Pizza Hut iesse gaang.
D' Stëmmung war schon hei mega gudd, a mir hunn eis all super amuséiert. Et war
rem sou e Mätch, wou een alt insgeheim op e Punkt gehofft huet. Noom Iessen sin
mer, wahrschéinlech zur grousser Erliichterung vun allen Leit, dei am Pizza Hut a Rou
wollten iessen, an de Planet Foot weidergezunn. Hei hun mer och puer Fans begéint,
dei aus Wäissrussland ugereest sinn. Duerno sin mer dunn weidergaang an de Stadion,
wou sëch eis awer e ganz schwaache Mätch gebueden huet. Dei éischt Halschent konnt
keng vun beiden Equipen iwerzeegen, an d' Waissrussen, dei net grad sou schwaach
waren wei d' Lëtzebuerger, louchen an der Paus mat 0-1 fir. Fehlpäss a Ballverloschter
goufen et awer an deenen éischte 45 Minutten op beide Säiten am Minuttentakt.
Dei zweet Halschent war dun awer scho besser. D'cWäissrussen konnten zwar op 0-2
erhéigen, mee d' Lëtzebuerger hun et awer lo och endlech verstaan, mei konstruktiv
no fir ze spillen...
Dem Sagramola ass dunn och den Uschlossgol zum 1-2 gelong!! An der Schlussphase
hun d' Roud Léiwen nach eemol alles gin, an den 2-2 houng puer Mol an der Loft,
leider sollt et net méi klappen. Schued, op engem gudden Daag wieren géint deen do
Géigner 1 bis 3 Punkten dragewiecht...
Lou