HOLLAND – LETZEBUERG, 17/11/2007 zu Rotterdam - internet.lu

Personalien vun den Freunde des Sechzgerstadions am Kiosk. An der Trap hun ech se
nach héieren soen: "Den Kiosk müssen wir komplett durchsuchen." An der zweeter
Halschent huet 1860 méi Drock gemaach, d'Bayern koumen nëmmen nach selten aus
der eegener Halschent eraus. No 75 Minutten ass den Andreas Görlitz ausgewiesselt
ginn. Mat vulgären Gesäng an vill Gepäiffs vun den Sechzgerfans huet hien den Terrain
verlooss. Di allermannst hunn him säi Wiessel bei di Rout verziehen. Kuerz drop konnt
de Göktan eng vun de ville 60er Chancen endlech notzen: 1-1. Ausser dem
Bayernblock niewt der Haapttribün huet de ganze Stadion gejubelt. De Support vun de
Bloen gouf dorophin nach besser, mee leider huet et bei de Spiller u Kraaft gefeelt,
nach eemol nozelëen. Wi den Abitter ofgepaff huet, huet de Stadionspriecher
d'Bayernfans gebieden, an hirem Block ze bleiwen, bis d'Police se geng siche kommen.
Beid Ekippen hunn sech duerno vun hire Fans feiere gelooss. Nom Match si mer an
d'Pilgersheimer Burg eppes iesse gaang, duerno goung et weider an
d'Stadionwirtschaft, wou mer divers lëtzebuergesch Lidder ugestëmmt hunn. Duerno
wollte mer irgendwouhin d'DFB-Pokalfinal kucke goen, leider war zu Giesing néirens
méi wierklech eppes lass. Den Andy, e sympathësche Sechzigfan vu München, huet eis
geroden, an de "Stadion an der Schleißheimer Straße" ze fueren, e Lokal, wou bei
Fussballsmätcher ëmmer soll gutt Stëmmung sinn. Zesumme mam Werner, dee mer
an der Stadionwirtschaft kenne geléiert hunn, si mer dohin gefuer, wat sech als genial
Idee erausstellen sollt. Nom Motto: "Hei kennt keen eis - an dat soll sech direkt
änneren", hu mer lëtzebuergesch Lidder gesong, YMCA, 1860-Lidder, de Ligaerhalt vun
den Thuner an der éischter schwäizer Liga nogefeiert an deelweis och, zesumme mat
engem Fortuna Düsseldorf Fan, deen och do war, verschidden Fortuna-Lidder gesong.
Besonnësch beléiwt war hei: "Wir sind Löwen, assoziale Löwen, schlafen unter
Brücken, fressen bei der Bahnhofsmission!". D'Stëmmung war einfach sensationell an
et war onheemlëch schued, dass
de Mätch schon no 120 Minutten
eriwwer war an et net nach
Elefmeter goufen. Duerno si mer
mam Taxi bei eis Jugendherberg an
der Arnulfstraße gefuer. Um halwer
5 Moieshuet de Wecker geschellt a
mir hu missen op de Münchener
Hauptbahnhof goen. Vun do aus
goung et mam ICE op Mannheim,
duerno via Koblenz an Tréier zréck
op Lëtzebuerg, wou mer zimmlech
midd géint eng Auer Mëttes
ukomm sinn.
Lou