HOLLAND – LETZEBUERG, 17/11/2007 zu Rotterdam - internet.lu

München am Mee 2007
Nodeems de CK schon oft vum berühmt-berüchtegten
Münchener Amateurderby geschwärmt huet, huet et
mech scho gereizt, do eemol matzefueren. De Match
war am legendäre Grünwalder Stadion. Freides, de
25.Mee goung et fir de Batty, den CK a mech um Véirel
op néng op der Stater Gare lass. Via Tréier a Koblenz si
mer op München gefuer, wou mer moies géint halwer 8
ukomm sinn, nodeems mer zwou bis dräi Stonnen am
Zuch geschlof hunn. Fir d'éischt hu mer zu München eis
Jugendherberg gesicht, duerno bëssen Tourist gespillt -
viru sou engem dekadenten Derby schued e bësse Kultur och näischt. Mir waren um
Marienplatz a bei der Frauenkirche, ier mer den Hard Rock Café gesicht hunn. De
Fanshop vun 1860 an der Orlandostraße
louch ganz no bai, wou mer ënner anerem
Schaler kaaft hunn fir mëttes beim Match
kloer Faarw ze bekennen. Suwuel de
Fanshop wi och den HRC hu réicht um 10
Auer opgemaach, soudass mer nach e
bëssen hu missen waarden. Mir si
gemittlech op eng Terrass eppes drénke
gaangen. Duerno am Fanshop hu mer kuerz
mam Verkeefer geschwat, engem
sympatheschen Léiwefan (wuel gemierkt di
blo), hien huet eis suguer ugebueden, eis
eng Staang fir de Fändel mam roude Léiw, dee mer mat op de Mätch geholl hunn, ze
léinen. Géint 11 Auer si mer dun op Giesing gefuer. Ticketkontrollen an der U-Bahn
sinn de Weekend zu München éischter onwahrscheinlech, deemno ass U-Bahn fueren
fir eis gratis gewiecht. Spéitstens zu Giesing war et du mam Tourismus eriwwer a mir
goufen zu dekadente Fußballfans. Mir wollten eppes iesse goen, mee d'Pilgersheimer
Burg an d'Haus Mielich waren allebéid nach zou, soudass mer an de Wiener Wald
gaang sinn, wou scho vill Sechzgerfans waren. "Wie ein großes Familientreffen, nur viel
geiler", sou den CK. D'Stëmmung war herrlech. Leider war et wéinst de summerlëchen
Temperaturen net mi méiglech baussen eng Plaz ze kréien, a mir hu missen bannenan
eppes iessen. Hei huet de CK dem Batty a mir och schon eng Rei Sechzgerfans
virgestallt. Spontan hunn de Batty an ech den Ultras vun 1860 nach e bloen T-Shirt
mat der Opschrëft "München - Das sind wir" ofkaaft. De CK wollt sech eigentlech och
nach ee kafen, soubal e säi Béier ausgedronk huet, leider hunn eis gréng Kollegen de
Stand bis dohin zougemaach, well d'Ultras keng Handelsermächtegung haten. Am
Wiener Wald goufen Suen gesammelt fir Eer kafen ze goen.