HOLLAND – LETZEBUERG, 17/11/2007 zu Rotterdam - internet.lu

Testmätch géint Metz 30.5.2007 0-0
Nodeems ech zu Berbourg net konnt derbai sin, war ech frou fir no bëssen mei laanger
Zait mol rem eng Kéier kënnen eis Nationaléquipe ze gesinn. Zu Kanech sollt de Galamatch
géint den FC Metz um 19 Auer ugepaff gin. Ongeféier 10 Minutten virum Match
sin den Tom an ech dann och beim Terrain ukomm. Zéng Euro Entrée fir sou en
Testmatch hunn ech nawell ganz gudd bezuelt fonnt, mee bon - den FC Kanech feiert
nëmmen eemol sai 50.Gebuertsdag... Dun ass de Match ugaang. Weeder den FC Metz
nach d' Lëtzebuerger hun wirklech gudde Fussball gespillt, an et huet op beide Saiten
un der leschter Konsequenz gefeelt. D' Metzer haten an der 1.Halschent eng Chance,
wou de Ball awer widder de Poteau gaang ass, an ee Fraistouss aus villverspriechender
Positioun, deen awer net wierklech geféierlech war.
Kuerz virun der Paus haten d' Lëtzebuerger hir beschte Chance aus dem ganze Match.
Eng Flank koum vu lénks, de Kitengé trëfft de Ball mee verfeelt leider knapp de Goal.
Och dei zweet Halschent war op beide Säiten net wierklech dat Gielt vum Ee an ech
kann mech amfong un keng wierklech nennenswert Chance an dëser zweeter
Halschent errënneren. Waat de Support ugeet, war an der éischter Halschent amfong
net vill lass. An der zweeter Halschent ass deen dun besser gin, allerdings huet ausser
deenen 8 M-Blocker sech keen am Stade rue de Lenningen dorun bedeelegt. Ouni
Nospillzait huet den Abitter de Match dun och ganz pünktlech ofgepaff an d'Spiller sin
zimmlech séier an de Kabinne verschwonn - eenzeg den Dan Huss ass bei den M-Block
komm. Alles an allem e relaxen Owend wann och leider kee geniale Match - weder vu
Metz, nach vu Lëtzebuerg.
Lou
Qualimätch géint Albanien 6.6.2007 0-3
Iwwer 4200 Leit waren bei guddem Wierder an
den Josy Barthel komm fir d' Revanche vun der
0:2 - Néierlag 4 Deeg virdrun ze erliewen. Et
waren erstaunlech vill Albaner dorënnert, d'
Tribune de face war zu engem groussen Deel
roud vun Albaner.
Den Guy Hellers huet wéi ze erwaarden drop
verzicht, op 4-4-2 emzestellen, an sou koum déi
selwecht Equipe wéi am Himatch op d'Blaat:
Joubert - Kintzinger, Hoffmann, Strasser,
Mutsch - Bigard, Payal, Peters, Bettmer, Remy -
Collette. Den Otto Baric dogéint huet am Mëttelfeld an am Stuurm emgestallt: Mukaj
fir Duro an Bogdani fir Berisha.