HOLLAND – LETZEBUERG, 17/11/2007 zu Rotterdam - internet.lu

Testmätch géint Leverkusen 15.8.2007 1-3
Lëtzebuerg géint Leverkusen, mäi Land géint mäi Veräin, do war et eng
Selbstverständlechkeet fir mech derbäi ze sinn - och wann ech zu deem Zaitpunkt
eigentlech an Holland an der Vakanz war. Egal, moies géint 10 ass dess Rees op
Ettelbréck fir mech lass gaang. No engem Stéck hollännescher Landstrooss, puer
Honnert Kilometer belscher Autobunn an schlussendlech nach e bëssen Gerenns duerch
Lëtzebuerg, ware mäi Papp an ech endlech doheem ukomm. Puer Stonnen drop ware
mir zwee, genau wi nach ronn 1100 aner Spectateuren, an den Deichwisen ukomm.
Den M-Block war leider ganz schwaach vertrueden, mat Ausnahm vum Benem sinn ech
kengem M-Blocker am Stadion begéint.
Schon no 5 Minutten huet et no enger grousser Iwwerraschung ausgesinn: Fräistouss
vum Mutsch an de Strofraum, d' Leverkusener Verteidegung ëm de Sinkiewicz an de
Callsen-Bracker (deen iwweriens Kapitän war) war nach net richteg am Mätch, den da
Mota kritt de Ball op de Kapp: 1-0. Keng Chance fir den Domaschke am Leverkusener
Gol. D'Equipe vum Coach Skibbe huet no dësem Goal bësse geschockt gewierkt. Waat
d' Leeschtung vun de roude Léiwen
an der éischter Halschent ugeet, ass
virun allem wei sou oft de Mario
Mutsch erfier ze hiewen, deen trotz e
puer Fehlpäss eng ganz gudd éischt
Halschent gespillt huet. Et huet eng
Zait gedauert, bis Leverkusen dunn
schlussendlech richteg an de Mätch
fonnt huet. Flank vu lénks vum
Arturo Vidal, Käpper vum Dimitry
Bulykin, keng Chance fir de Joubert,
1-1. De Bulykin war iwregens e
Spiller vun Dinamo Moskau, deen zu
deem Zaitpunkt e Prouftraining zu
Leverkusen gemaach huet. Entre
temps huet hien och e Kontrakt
beim Bundesligist ënnerschriwwen.
Eng lëschteg Szene war och, wei de Rudi Völler sech kuerz beim Terrain blécke gelooss
huet, an direkt huet missen 50-100 Autogrammer schreiwen. An der Paus gouf
besonnësch op Säite vun de Lëtzebuerg ganz vill gewiesselt. Dei zweet Halschent war
Leverkusen dunn awer zimmlech kloer iwwerlëen. No 63 Minutten huet de Vidal eng
gudd Flank eraginn, dei den agewiesselten Atanas Kurdow eragekäppt huet. 6 Minutten
mei spéit huet den Michal Papadopulos mam 1-3 de Mätch definitiv entscheed.
Den agewiesselten Dan Huss hat nach eng grouss Chance, mee aus spatzem Wénkel
huet en de Ball ongeféier 10 bis 15 Meter iwwer den eidele Goal geschoss.
Ech geng résuméieren dass d' Lëtzbuerger dei éischt Halschent net schlecht waren,
mee an der 2.Halschent war einfach kee Rhythmus méi am lëtzebuerger Spill, bedéngt
och duerch di vill Auswiesslungen. Bei Leverkusen huet ee gudd gemierkt, dass eng
ganz Rei Stammspiller net derbai waren... d' Resultat spigelt de Match awer nawell
gudd erem...
Lou