HOLLAND – LETZEBUERG, 17/11/2007 zu Rotterdam - internet.lu

Zu Aarau huet d'Sonn geschengt a mir si mam Bus
bei de Stadion gefuer, wou mer mat engem
schwäizer FIFA-Délégéierten an d'Gespréich komm
sinn. D'Stat Aarau war op den éischte Bleck net sou
impressionant wi Thun, mee egal, mir ware jo net
als Touristen do. De Stadion huet eis allen drai
zimmlech gutt gefall a mir hun hannert dem Gol,
zwee Fändele mam Roude Léiw opgehaang.
Zu Aarau am Stadion fällt op, dass den haarde Kär
vun de Fans net hanner engem Gol stin an dass
opfälleg vill Famille mat klenge Kanner an de
Stadion komm sin. Kuerz ier mer agetraff sin ass de
Jeff Saibene op den Terrain komm an huet,
nodeems de Batty en zimmlech haart geruff hat, och
gewénkt. Och zu
Aarau sin ech
mer e Bic kafe
gaang. Am Stadion krut een och nawell gutt
Hamburger, allerdings hun ech et zimmlech lästeg
fonnt, dass een, sou wi een dat hei am Land op
mëttelméissege Primärschoulfester gewinnt
ass, fir
d'éischt en Ticket kafe goen, deen een dann op
enger anerer Plaz huet missen géint en Hamburger
antausche goen. Kuerz virum Match hunn d'Aarauer
Fans nach eng Tifo gemaach mat engem
Sprochband: "Totgeglaubte leben länger."
Wat d'Startopstellungen ugeet, war op der Sait vun Aarau de Mario Mutsch bei den
éischten 11 leider net derbai, beim ebay Bern war de schwäizer Nationalspiller Hakan
Yakin wuel dee prominenste Spiller. Op der Haapttribün hu mer ënner anerem eng Fra
mat engem T-Shirt vu Bayer 04 Leverkusen an den Här Latour entdeckt. An der
Ufanksphase war Bern di besser Ekipp, a si sin hierer Favoriteroll gerecht ginn,
andeems se no 14 Minutten duerch den Kamil
Zayatte a Féierung gaange sin. Duerno huet Bern
nëmmen nach dat néidegst gemaach - a kuerz
virun der Paus sin se dofir bestrooft gin: 1-1
duerch e schéine Waitschossgol vum Sandro
Burki. An der Paus ass de Mario Mutsch kuerz bei
eis Moien soe komm. An der zweeter Halschent
huet Bern sai Golkipp ausgewiesselt a mir si mat
engem HSV-Fan an d'Gespréich komm, deen zu
Aarau e Kolleg besicht huet an d'Situatioun fir ze
groundhoppe genotzt huet. Am Laf vun der
zweeter Halschent huet nëmmen nach eng Ekipp
gespillt: den FC Aarau.
Bern hat kaum nach nennenswert Chancen an
Aarau war kloer iwwerlëen. Aarau hat puer gutt
Chancen, wou besonnesch e Schoss vum Carlos