Heft 1

Leserbreve
En annermaal weer to veel Psycho dorbinnen, un denn to wenig Humor. Un
denn weer dat ok maal to lang, dat weern fief korte Texten. Fiefmaal is se
dormit ünner de Besten ween. Blots ”Ebbe un Hehn” is 2006 kumplett ünnergahn.
2007 hett ”Ebbe un Hehn” den Lüttjepütt-Pries kregen un wat later ok noch
den Titel ”Plattdeutsches Buch des Jahres”, un Birgit Lemmermann hett den
tweten Platz maakt bi Freudenthal, mit anner Texten, man se wörr nich inlaadt
na Hanstedt. Schull ok nich lesen.
Egens harr sik dat anboden.
Enen kann dat Geföhl kriegen, vörn is de Bühn un achterto warrt munter Strippen
trocken.
Nu kunn dat so utsehn, as wenn dat blot dor üm gung, to klagen över dat, wat
Birgit dor tegenlopen is mit un bi Freudenthal. Avers egens un ehrder geiht
dat üm veel veel mehr, un an Birgit ehr Erfahrungen kannst sehn, dat dor wat
ganz un gaar scheef lopen deit achter de Kulissen van de Feudenthal-Gesellschapp.
De Ohren hett to hören, de hört dat överall.
Carl Groth un ik un vele annern, wi willt dor to bedragen, dat de Freudenthalpries
wedder dat olle Ansehn kriggt, dat he lange Jahren hatt hett, as een van
de GROTE PRIESEN för plattdüütse Literatur. (En undüütlich Profil hett in Ogenblick
ok nich blot Freudenthal ...)
Un wat kann beter helpen, wenn dor wat verkehrt löppt, as dat Muul open to
maken. Mitnanner snacken kann nich verkehrt sien, fangt wi an!
Gröten deit jo all Carl-Heinz Dirks
de extra noordneddersassisch lehrt hett, dat Ji em beter verstaht
Jürgen Heitmann
An der Nienburg 27
29227 Celle, den 30. Januar 2008
Redakschoon ”Quickborn“
Leserbrev to CarlGroth – Freudenthalpreis (quo vadis?) I’Heft 3/4 2007
Leve Måten, leve Carl Groth, je, wor geiht dat op dål – in Soltau?
Mien Bidrag dorto: Mi fallt dat sörrer paar Johrn ümmer weller swår, de Utschrieven
för den Freudenthal-Pries (Punkt 1: Eingereicht werden können nur
106
Quickborn108-1.Korr.
106
25.03.2008, 9:06 Uhr