Heft 1

Rundschau
ker un Leedtextheften. De Carl-Toepfer-Stiftung
un de Verleggers weern
heel tofreden mit den Erfolg vun de 10.
Bookmess. De Stiftung hett för den
nedderdüütschon Bookmarkt wichtig
Anstöten geven un will dat ok wiederhen
doon. Christa Heise-Batt
Platt im Fischer-Weltalmanach
Die EU-Sprachencharta hat das wohl
wichtigste jährlich erscheinende Länderlexikon
erreicht, den Fischer-Weltalmanach.
Bei “Deutschland” heißt es
in der Ausgabe für 2008 unter der Rubrik
Sprachen: “Deutsch; Sorbisch in
der Lausitz (regionale Amtssprache),
Dänisch teilweise Schulsprache in
Schleswig-Holstein, Friesisch in Nordfriesland,
auf Helgoland (offizielle
Sprache) und im Saterland, Niederdeutsch
in Norddeutschland, Romani.”
In der Ausgabe 2002 war von Niederdeutsch
noch nicht die Rede.
hjm
Up Platt dör de Landsgornschau
De Landsgornschau vun Sleswig-Holsteen
för’t Johr 2008 is in de Stadt Sleswig
plaant. Dat Plattdüütsch-Zentrum
Leck hett dorto en plattdüütschen Wiespahl
rutgäven. Vörstellt ward de sleswigsche
Landsdeel vun’t Dannewerk
över’n Ossenweg bet na dat Noldemuseum
in Seebüll. Wenn Lü ut de hele
Welt na uns kaamt, denn mutt ok uns
Heimaatspraak präsent wään, is de
Menen vun Plattdüütsch-Baas Günter
Fleskes. Un dorüm sünd vun düsse
Wiespahls (up Düütsch seggt‘n dorto
“Flyers”) üm un bi twölfdusend druckt
worrn. Kriegen künnt wi em bi: Plattdüütsch-Zentrum,
Flensburger Str. 18,
26917 Leck. Plattnet / hjm
Hendaal mit’n Duum
All dree Johr reist Experten vun’n Europaraad
na Düütschland un wüllt nakieken,
woans de Sprakencharta ümsett
ward. In’n November kemen se na
Neddersassen. In Hannover dreupen
se sik mit Cornelia Nath (Oostfreesche
Landschop), Jutta Engbers un twee anner
vun de Ollenborgsche Landschop,
Hans-Hinrich Kahrs vun de Stader
Landschop un Dieter Stellmacher för’t
oostfäälsche Platt. In Neddersassen
maakt de Scholen un Universitäten de
gröttsten Koppwehdaag. Wat an de Ollenborger
Universität för Platt anbaden
warrn schall, is lang nich so väl,
as dat in Göttingen weer. Platt an de
Scholen is keen Mutt, dat gifft keen
Konzept för’t Lehrn vun Platt un för’t
Utbillen vun de Schoolmeisters. De
Landsregeern is för Platt an de Scholen,
man bloots denn, wenn’t nix kösten
deit. Wenn’n för dat Ümsetten vun
de Charta in Neddersassen en Tüügnis
gäven dä, denn müss dat heten:
Duum hendaal, söss. Plattnet / hjm
Platt in’t Herrnhuus
In’t Herrnhuus “Gut Knoop” an’n Nord-
Oostsee-Kenaal an de norden Kant vun
Kiel lett de Familie Stöterau al lang
plattdüütsche Schrievers läsen. In düt
Johr löppt dat ünner Motto “PLATTgold”.
An’n 10. April kummt Ines Barber
un fraagt: “Geiht dat ok’n bäten fixer?”
An’n 4. September lääst Jan Graf
“Ohn Rüschen”. An’n 6. un 7. November
is Platt-Perfesser Reimer Bull dor
mit “Sünd allens Minschen”. Un uplest
an’n 11. Dezember steiht mit Rainer
Schwarz und Karl-Heinz Langer
“Wiehnachten vör de Döör”. Korten
gifft dat ok as Johrs-Abo för 65 Euro.
97
Quickborn108-1.Korr.
97
25.03.2008, 9:06 Uhr