Heft 1

ANDRESEN – Laudatio up Wolfgang Sieg
ven de hochdüütsche noch en Rull speien deit. (Dat fallt jo ok op: de
veer Priesen, de he bither kreeg, hett he jedeenmal för en Hörspeel
verdeent). Dor köönt wi nu nich mehr op ingahn, so schaad dat ok is.
Wi köönt aver sien Hörspeelarbeid ok dorüm nich würdigen, wiel de
keen Literatur woorn is. Worum nich? Gans eenfach: De Texten warrt
nich druckt. Sieg geiht dat mit sien Hörspelen nich anners as Conny
Hansen mit sien Theaterstücken. Dat heet: Mit dat Beste vun unse Priesdrägers
ehr Wark kriegt wi nie nich to lesen. Wolfgang hett mi vertellt,
wat he noch allens in de Schuuvlaad hett: een Theaterstück, Satiren, en
Hörspeel: De lütte Matroos, sogor en plattdüütschen Roman Asgard.
Allens Manuskript un keen Schangs, dat dat jichensmal ruut kümmt!
Wat eenzig noch druckt ward, sünd Böker mit lütte Geschichten, un de
warrt ok jümmer körter un lustiger. Satire op Plattdüütsch verköffi sik
nich mehr. Vele hebbt al fraagt: Wat blifft dor nah vun den scharpen
Satiriker Wolfgang Sieg? He sülm gifft de Antwoord: Wenn 20 Johr wieder
de 70. Geboortsdag vun Hör mal en beten to fiert ward, denn duuert
een Sendung wull noch fief Sekunden. Dat langt denn bloots noch för
Moin Moin. Un de neegste Programmreform halbeert dat op Moin.
Op dissen Achtergrund is dat hooch to löven, dat de Kappler Jury dat
Book Wahnungen wedder in’t Licht stellen will. Jüst dat hett Wolfgang
sik wünscht!
Mit den drüdden Punkt will ik’t kort maken: Wolfgang Sieg is dicht bi
de Minschen ”Theologisch“ heff ik dat vördem nöömt. Dat hangt tosamen
mit dat, wat bither seggt woor: mit de Spraak un mit dat Politische.
Toeerst en Zitat vun Dieter Bellmann, ok Theologe, Schriewerkolleg,
Kappler Priesdräger vun 2004. He schreew 1974 en Nahwoort
to dat Book Wahnungen, dat fangt so an: Mit Wolfgang Sieg bekommt
die plattdeutsche Literatur ihren ersten Satiriker, und zwar gleich einen
hundertprozentigen, dem, wie es scheint, nichts mehr heilig ist. Es scheint
nur so. Un denn verklaart Bellmann dat, woans he dat meent. Ut de
Texten vun Sieg springt een wat an, wat mehr is as ”Swarte Humor“:
de Kreatur Minsch, de gans un gor nich ”heilig“ is, bloots erbärmlich.
Aver jüst dorüm erbarmenswert. De Laag vun de Kreatur Minsch hett
Wolfgang Sieg in’t Hart drapen. Dat lett em keen Roh mehr. Dorüm
mutt he schriewen. He hett vertellt, wat för Lüüd em dor ünnen bemött
sünd: Liebenswerte Leute, so seggt he – Menschen mit Herz – meist mehr
as hier baben in’t Licht. Um ehr neeg to ween, hett he Theologie studeert.
Dat weer sogor sien Hauptfach, un he hett dat to Enn bröcht. He
17
Quickborn108-1.Korr.
17
25.03.2008, 9:05 Uhr