Spuren-origWasserzeichen

Spuren
17. Szene
Hotel Enge, heute
Magda zum Publikum. Wenn du Magda Müller heissisch, us
Glarus chunsch wien ich und s Ufregendschti i diim
Läbe e Panne mit diim Töff uf em Sustepass gsi isch
und du diis Läbe lang im Restaurant zum Wiise Chrüz
krampfed häsch, dänn interessiert sich niemert für dich.
Es Läbe lang eifach nüt passiert. - Moll. Wart. Öppis
isch passiert. Beziehigswiis fascht. Sie ruft eine
Spielerin (ab nun „Magda 2“) Chum. Du bisch ich.
Damals. Und eh... Schaut sich um. Du… Winkt Hans
her. …du bisch...
Hans Ich bin de Joseph Zweifel. Ägyptolog.
Magda Wohär wäisch das?
Heinz mit Blick zu Heinz Mier wüssed alles.
Hans Mier verwalted schliesslich alli Zimmerschlüssel.
Magda Aha. Heinz bringt Hans einen Hut oder ein
Kostümteil. Es isch s Jahr 1935. Glarus, Stadtpark.
Tröimsch vor dich hi.
Joseph In Gedanke bin ich scho in Ägypte. Morn fahr i.
Usgrabige. Nofretete und so.
Magda zur Spielerin, bzw. Magda 2. Und du - also ich - bisch
achtzähni. Häsch es pressant, wil vom Märt chunsch.
Häsch echli zlang mit em Metzger gschnädered und
diini Mueter wartet uf d Würscht für de Zmittag. Heinz
drückt ihr einen Korb in die Hand. Plötzlich nüsst
öpper wahnsinnig luut. Hans niest. Luegsch uf d Siite
und da staht en extrem guet ussehende junge Ma und
nüsst. Und wil du abglänkt bisch, gsehsch das Bienli
nöd, wo im Hölletempo uf dich zuflüegt und sich i diim
Usschnitt verflügt. Du schreisch. Magda 2 schreit, lässt
alles fallen, der Korb entleert sich, Würste, Salat und
Zwiebeln rollen heraus.
Joseph Jesses. Was isch passiert?
Magda 2 Es Bienli! Es hät mich gstoche.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 41-