B LÄ TT E R. - Hansischer Geschichtsverein

meynong nicht abgestanthen, wolten sie inen uffhencken, doch in
das gefenckniss geworffen. Nach vorgemeIter proclamation hatt
man des andem tags die proclamirte kunigyn mit grossen triumpff
in die Turr I) gebracht und hat ir eigne mutter ire die schleuff
nachgetragen, der vatter entfieng sie in die Thurr. Nuhn meynte
Northumberlandt, alle sachen werhen richtig gewest, kumpt ime
aber mitler zeit die botschaft wie Myladi Maria solche grosse versamblung
von folch im lande hett und 'gedechte nach Londen zu
kommen umb possession ires erbtheiIss anzunemmen; von stundt
an ist ehr mit alle dem volch, so ehr zu ross und zu fuess ufbrengen
konnen, in der wehr gemelter Myladi Marien zugegen zu
ziehen und mit gewaldt gefangen zu nemmenj war des folchs
5 tausent zu ross und 10 odir 12 tausent zu fuess mit allem geschutz,
so ehr mit sich fueren kondt; er nam auch zwo karren
mit stroppen mit sich in meynung, seyne widersacher damit ufzuhencken,
so er bey der M yladi Maria fynden wurd. Mitler weil
aber ehr, Northumberlandt, im feldt gewesen, haben die hemn vom
radte, so noch in der Thur waren, das endt diss spilss besser bedacht
und Myladi Maria fur eyne kunigynn ussgerouffen. Dohe
ist solche freud in das folch khommen, dass wunderbarlich darvon
zu schreyben werhe, wie eynn jeglicher fur seyner durr alles zum
bestenn gegebenn, was er im hause gehabt hatt. Dohe aber disg
geschrey under des von Northomberlandtz hauffen kommen, fallen
ime alle die hern und capitainen, so ehr bey sich hatte, mit irem
folch abe und all miteynander postweiss nach der kunigyn Maria
geritten, umb gratia zu erwerben. So hatt ire majestät alle denjenigen,
so gegen sie conspirirt hatten, pardon geben, aber die so wissen
odir consent geben haben zu ires brudem doet, derselben generation
noch geblutt soll nymmer in Engellandt gedacht werden. Daruff
seint bey dieser zeit angegriffen, man weiss aber nicht, ob sie
alle schuldig:
Der hertzog von Northumberlandt und sein Weib Andre Dudlie "),
seine Kinder: •
Der Irl off Warwick }
Lord Ambress
I) Tower.
") Dudley.
I
47
Lord Robert
Lord Golfort, der des von Suffogk's Diss seint des von Nortdocht
er getrauwet. humberlandtz Sohne.
Lord Hanry
Der hertzog von Suffogk.
Lord Marquis off Northampton, Radt.
Der Irl off Hontington, Radt.
Sir Johann Jrisch (?) Capitain off die Guard.
Sir Hanry tresorier.
Der Bischof von Londen, der hat gepredigt, das Hinricus octavus
eynn hornjeger gewesen und darumb der kunigyn
Marien die kroin nicht gepurde, das wirdt ime, auch noch
zween andem paffen, die platten kosten.
2 scheriff justices von Engellandt,
Jorg der Muntzmeister,
Sir Hanry Palner, der den Sommerset verrecht.
Doktor Schick des kunigs schulmeister.
V orgemelte seint diejenige, so man noch bey dieser zeit angegriffen,
ess werden aber ir noch viI mehr zum dantz kommen
mussen. Ess wehre grausam zu schreyben, mit wass grosser
schmach der von Northumberlandt in die Thur gebracht, etliche
hatten des kunigs effigiem in der handt und rieffen ime zu: Du
Schelm, du ernverretter, hast dass edell bloet umb den haltz gebracht,
hangen ist viII zu schlym doet vor dich, man solt dich mit
zangen von eynn reissen j und under ander kumpt der auch, dem
vorhynn die orhen abgeschnitten warhen (: welcher von stundt an,
dohe Maria proclamirt wardt, usser dem gefencknuss gelossen:)
und redet zu ime: Sich du vilIain, verretter, umb deynem willen
hab ich diese zwey orhenn verloren, ich hoffen den tagh zu leben,
dass man dich mittzehnden von eyn reissen soll; demselben hatt
man jetz 60 pundt gemacht. In summa, werhe ehr nicht so starck
verglayt wordenn, das gmeyne folch hette inen mit fusten doet geschlagenn.
Ehr ist angegriffen worden durch Mylord Arundall zu
Cameritz) in dem Collegio. Wass sunst deglichs furfelt werth ir
jungsten vememmen.
I) Cambridge.
•