[A composite volume : containing The ballads and songs of Ayrshire ...

:
;
THE AUIiD FLECKIT COW.
Boil'd meat in a backie, warm, mixed up \d' beanmeal,
For it's a' weel bestow'd on the auld fleckit cow.
She's wee an' she's auld, and she's lame and she's hammilt.
And mair than sax years she's been farrow I trow
But she fills aye the luggie baith e'ening an' morning.
And rich creamy milk gie's our auld fleckit cow.
An' O, my dear lassie, be guid to auld fleckie,
An' dinnie gi'e a' the guid meat to the sow,
For the hens will be craikin', the ducks will be quakin',
To wile the tid bites frae the auld faxTow cow.
She ne'er breaks the fences, to spoil corn and 'tatoes,
Contented, though lanely, the grass she does pu'.
She ne'er wastes her teeth munching stanes or auld leather.
But cannio, lying doun, chews her cud when she's fu'.
Then O, my dear lassie, be guid to auld fleckie.
An' min' that she just gie's her milk by the mou'.
An' we'll still get braw kebbocks, an' nice yellow butter.
An' cream to our tea, frae the auld fleckit cow.
In the byre she's aye cannie, nor e'er needs a burroch.
But gie's her milk freely whene'er it is due :
Wi' routing and rairing she ne'er deaves the neibours.
They ne'er hear the croon o' the auld fleckit cow.
An' O, feed her weel wi' the sappy red clover.
Green kail, yellow turnips, and cabbage enou'
For she's whyles in the house, an' her gang's no that birthy
The grass is ow'r sour for our milky auld cow.
When clegs, flies, and midges, or hornets, molest her,
Or cauld stormy weather brings danger in view,
In her ain warm wee housie frae harm's way protect her,
I'm feared something happens our auld fleckit cow.
And my guid tentie lassie will wed some guid fanner,
Wi' bonnie green parks baith to graze and to plow.
101
m