[A composite volume : containing The ballads and songs of Ayrshire ...

;
;
BALLADS AND
SONGS
OF AYRSHIRE.
The gypsies cam' to our gude lord's yett,
And O but they sang sweetly ;
They sang sae sweet and sae very complete,
That doun cam' our fair lady.
And she cam' tripping down the stair.
And all her maids before her ;
As sune as they sav/ her weel-fa'ured face,
They cuist the glaumourye o'er her.
" O come with me," says Johnie Faa ;
" O come with me, my dearie ;
For I vow and I swear by the hilt of my sword,
That your lord shall nae mair come near ye !"
Then she gied them the gude wheit breid,
And they ga'e her the ginger
But she gied them a far better thing,
The gowd ring aff her finger,
" Gae tak' frae me this gay mantil.
And bring to me a plaidie
For if kith and kin and a' had sworn,
I'll follow the gipsy laddie.