Create successful ePaper yourself
Turn your PDF publications into a flip-book with our unique Google optimized e-Paper software.
DOMSTOLAR NOREG RUNDT<br />
DENNE GONGEN: HAUGALAND TINGRETT<br />
Sorenskrivar Tine Odland er godt nøgd med både tinghus og medarbeidarane som jobbar der.<br />
Signe Margrethe Lundegård skal vere<br />
forhandlingsdommar i noregshistorias<br />
mest omfattande bedragerisak av offentlege<br />
midlar: SOS Rasisme-saka.<br />
Samanslått og trivst<br />
Haugaland tingrett er allereie ein samanslått domstol, og trivst godt<br />
med det i ei tid då strukturdebatten igjen er på dagsorden. Om ikkje<br />
lenge skal dei gjennomføre straffesaka i det som er omtala som noregshistorias<br />
mest omfattande bedragerisak.<br />
Av Åste R. Ruud<br />
1. april 2008 såg Haugaland tingrett dagens<br />
lys då Karmsund tingrett og Haugesund tingrett<br />
blei slått saman.<br />
– Vi var overmodne for å slåast saman og<br />
hadde vore det i mange år. Begge domstolane<br />
låg i Haugesund, alle tilsette var positivt innstilte<br />
og samanslåinga gjekk heilt fint. Dette<br />
fortel sorenskrivar Tine Odland, som har vore<br />
leiar i Haugaland tingrett sidan 1. januar 2009.<br />
Nytt tinghus har dei også fått, og dei tilsette<br />
trivst svært godt både på arbeidsplassen<br />
og med kvarandre.<br />
Robust organisasjon med god kompetanse<br />
Odland opplever at dei har mange kompetente<br />
medarbeidarar og at alle jobbar godt saman.<br />
– Eg er opptatt av at vi skal ha ein robust<br />
organisasjon. Minimum tre personar skal<br />
kunne dei forskjellige arbeidsfelta. Derfor har<br />
vi organisert saksbehandlarane i to seksjonar.<br />
– I den eine seksjonen er alle straffesaker<br />
og sivile saker. Alle har begge deler og dei<br />
følgjer sakene frå a til å. Alle dommarane<br />
har saker saman med saksbehandlerane. På<br />
denne måten blir dei godt kjende med kvarandre.I<br />
den andre seksjonen ligg dei resterande<br />
oppgåvene. Her har vi ekspedisjonen, skifte,<br />
konkurs, rekneskap, tvangs- og gjeldssaker,<br />
samt oppgåvene til driftskoordinatorane. Det<br />
er stort sett tre på kvar oppgåve her også. –<br />
Denne organiseringa er god både når det gjeld<br />
det faglege og det sosiale. Vi kjem tettare på<br />
kvarandre, fortel Odland.<br />
– Vi hentar òg inspirasjon og fagleg utbyte<br />
andre stader. Ein dommar har nettopp vore<br />
i Danmark for å sjå på organiseringa i ein<br />
domstol på tilsvarande størrelse som vår. Ein<br />
annan dommar er i Leeds i England for å lære<br />
meir om hurtigdomstol.<br />
Faste morgonmøte<br />
Kvar morgon klokka 08.30 møtest dei av medarbeidarane<br />
som har anledning til ei felles<br />
samling i lunsjrommet.<br />
– Dette har vore ei prøveordning, men<br />
ordninga ser no ut til å ha kome for å bli. Kor<br />
mykje informasjon vi har på møta varierer,<br />
men vi samlast kort og går deretter kvar til<br />
vårt. Dette er ein god start på dagen, seier<br />
Odland.<br />
Stor rettssak i vente<br />
Signe Margrethe Lundegård er førebuande<br />
17 av dei 22 tilsette i Haugaland tingrett<br />
26 27