Leif O Østerbø

DOMSTOLER NOREG RUNDT
DENNE GONGEN: HAUGALAND TINGRETT
dommar og skal vere forhandlingsdommar i
noregshistorias mest omfattande bedragerisak
av offentlege midlar: SOS Rasisme-saka.
– For oss blir dette ei langt større straffesak
enn vi er vande med. Det er utfordringar
med mange tiltalte og at den skal gå over så
lang tid. Så langt er åtte personar tiltalt, fleire
av disse ynskjer å ha to advokatar, og saka er
fastsett til to månader. Mykje er enno ikkje
avklart. Framover blir det fleire førebuingar,
og arbeidet blir både utfordrande, spennande
og tidkrevjande. Det er ein annan måte å jobbe
prosess på, det å halde på med ei så stor sak
over lenger tid, framfor å ha mange småsaker,
seier Lundegård.
Tidkrevjande avklaringar
Også sorenskrivar Tine Odland har jobba mykje
med utfordringane det er å skulle avvikle
denne saka. Odland fortel:
– Vi har jobba mykje med avklaringar om
kvar rettsaka skal gå og om den skal vere
fullelektronisk eller ikkje. Dette har med
økonomiske rammer å gjere, og budsjettet
vårt tillèt ikkje at vi kan ta desse investeringane.
Det er utfordrande å finne ein plass som
er stor nok til å avvikle saka. Helst skulle vi
hatt ho her i tinghuset. Økonomiske straffesaker
har også svært mange dokument,
og spesielt i denne saka der vi har så mange
aktørar. Derfor skulle vi gjerne ha brukt ei
elektronisk løysing. Det ville gitt ein stor effektiviseringsgevinst
for oss, og det ville vore
til felles interesse for både oss og politiet. Vi
kjenner ikkje heilt konsekvensane for domstolen
enno, men eitt dommarverk blir borte
i fire-fem månader. Med underbemanning på
saksbehandlingssida og ein dommarfullmektig
mindre enn vi har hatt føregåande år, vil vi
nok merke dette på saksbehandlingstida.
Samarbeidsmøte
– Vi har samarbeidsmøte to gonger i året med
Familievernkontoret. Ein representant for den
lokale advokatforeninga og representantar
frå dei mest brukte sakkyndige i barnesaker
er også med, fortel Odland. – Tanken er at
vi skal bruke familievernkontoret meir til
mekling både mens saka pågår, men også
der sakene blir forlikte. I dei såkalla skjøre
forlika kan den sakkyndige vere med over til
familievernkontoret og gjere greie for problemstillingane
i saka, og familievernkontoret
kan mekle mellom partane slik at samarbeidet
kan fungere godt også framover. Ikkje
alle sakene egnar seg for slik mekling, men vi
sender over ein del saker. Elles har sakstilfanget
har vore jamt det siste året. Vi har også
Morgonmøtet på spiserommet er over og medarbeidarane går kvar til sitt.
Administrasjonssjef Åse Veigner Biering (ståande) har tatt initiativet til ei intranettsamling
for eigen og tre nærliggande domstolar. Redaktør Marian Rød Lien publiserer.
to årlege samarbeidsmøte med politiet.
Vitnestøtte
– Ein gong i året inviterer vi vitnestøttene,
påtaleleiar, ein av dei faste forsvararane og
bistandsadvokatane til lunsj og erfaringsutveksling.
Det handlar om å synleggjere
vitnestøttene, og vi ønskjer å gjere stas på dei.
Det er viktig at vitnestøttene også får treffe
dei profesjonelle aktørane i ein slik samanheng.
Vi har hatt to kurs med opplæring av
vitnestøtter, og har då følgt malen frå DA, som
har vore til god hjelp.
Sosialt i Haugaland
Kvardagen er prega av stor aktivitet, mange
folk med godt humør og god humor.
Kvar dag møtest dei tilsette i 10 minutt for
trening i arbeidstida. Dei følgjer den av kollegaene
som er instruktør, og bøyer og tøyer
etter tydlege instruksar.
– Dette er ei god investering i helsa, seier
Odland. – I tillegg til at vi har hev-/senk-bord
til dei fleste, har vi eiga bedriftshelsetenest
og fokus på HMS-arbeidet. Vi har fire årlege
møte der leiinga, tillitsvalde og verneombod
deltek. Bedriftshelsetenesta og IA-bedrift
frå NAV deltek på to av møta. IA-plass for
arbeidstakar utanfrå er òg ei flott og fleksibel
ordning som vi har hatt god erfaring med,
fortel ho.
Sosialt med mykje lått og løye
Miljøgruppa består av to dommarar, to saks-
Marian Rød Lien (til venstre) og Janne
Bjerkreim trivst svært godt med å ta
imot dei besøkjande i første etasje.
Kvar dag tar dei tilsette ei lita økt med trening i arbeidstida.
behandlarar og ein dommarfullmektig.
Saksbehandlar Hilde Risanger Vandaskog
og dommar Arne Vikse, to av dei fem, fortel:
- Mandatet vårt er å ta hand om dei sosiale
aktivitetane. Julebord og sommarfest har
vi fast. Elles legg vi opp til aktivitetar som
appellerer til dei fleste. Bowling var populært
i fjor og står på planen igjen no i haust. Elles
har vi vore på teater, vi tar eit lønningstreff,
og for ikkje lenge sidan hadde vi ein flott tur
opp til byfjellet vårt, Steinsfjellet. Vi prøver å
legge opp til ei hending i månaden, ofte berre
på eit par timar, så alle kan vere med ein gong
i blant.
– Vi har mykje lott og løye når vi er saman,
og vi gir ros til leiinga, som alltid er villig til å
stille opp slik at desse sosiale arrangementa
Det blir sosialt rundt bordet når dommarfullmektig
Bernt Kallevik Dahlsveen har
sin siste arbeidsdag.
skal vere moglege, avsluttar Vandaskog og
Vikse.
Siste dag for dommarfullmektig
Sosialt blir det òg rundt bordet når dommarfullmektig
Bernt Kallevik Dahlsveen har sin
siste arbeidsdag. Odland takkar for dei to åra
han har vore der, for hans faglege dyktigheit,
for humoren og dei gode replikkane hans.
– Jobben som dommarfullmektig her i
Haugaland har vore ei veldig fin oppleving. Eg
har hatt varierte arbeidsoppgåver som eg trur
eg vil få god nytte av når eg no skal tilbake til
påtalemyndigheita. Som dommarfullmektig
har eg òg hatt høve til å observere dei andre
aktørane i retten. Det er òg noko å ha med
seg når eg no skal sitte på den andre sida av
bordet. Dahlsveen er no på veg tilbake til
Hordaland politidistrikt.
Nøgde med nytt tinghus
4. april 2008 flytta Haugaland tingrett inn i
nytt tinghus.
– Vi er veldig nøgde med tinghuset. Det er
lyst og luftig, vi har flott utsmykking, og rettssalane
fungerer også veldig godt. Ekspedisjonen
ligg i første etasje, dei åtte rettssalane i
første og andre etasje og kontora ligg i tredje.
Gulating lagmannsrett har ein sal vi også kan
bruke, fortel Odland. Ho er derimot ikkje fullt
så nøgd med at to av medarbeidarane, dei
som sit i resepsjonen, er så langt unna i det
daglege. Ho skulle gjerne hatt dei nærare dei
andre kollegaene.
- Når det er sagt trivst dei to svært godt i
første etasje, og dei gjer ein god jobb med å ta
imot alle som har eit ærend i tingretten.
God kontakt med aktørane
Dei to servicemedarbeidarane i resepsjonen
bekreftar at dei meir enn trivst.
– Det som er mest gjevande er at vi treff
alle som er innom domstolen, seier Marian
Rød Lien og Janne Bjerkreim. - Vi får også
veldig god kontakt med aktørane som kjem.
– Vi jobbar med tvangssal, notarial, vigslar
og kundeservice. Telefonsentralen er her,
og vi gjer mange forfallande oppgåver. Vi tar
også tar vare på dei som brukar bygget, noko
vi synest er svært viktig. Rød Lien kom frå
Haugesund tingrett og Bjerkreim frå Karmsund
tingrett. – No har vi jobba her i åtte år
og må berre seie at vi er svineheldige som får
jobbe saman.
Vi kjenner oss heldige alle som jobbar her,
og no er vi førebudde på travle, men også spesielt
interessante, dagar framover, avsluttar
sorenskrivar Tine Odland.
FAKTA
• 22 tilsette: Sorenskrivar Tine
Margrethe Odland, Administrasjonssjef,
6 tingrettsdommarar, 2 dommarfullmektigar,
2 seksjonsleiarar/
rådgjevarar, 10 saksbehandlerar.
• Kommunar i rettskretsen: Haugesund,
Karmøy, Tysvær, Vindafjord, Etne,
Sauda, Suldal, Bokn og Utsira.
• Tingrettane Karmsund og Haugesund
blei slått saman til Haugaland tingrett
i 2008.
28 29