ALEXANDRE LANGLADE 1820-1900 Poésies Languedociennes ...

Centura soun inmense liech,
Male e mouvent gargameliè (10)
Ounte la febre se coungrilha
E que leu marin escampilha
Embé las pudentas sentous
Dau surgentieu (11) qu'espira Avoust.
Pamens pau à pau lou crei mola;
Es tems que maine lou refresc.
Adejà, dor lou Mas dau Gres (12),
Çai ven lecà la pegairola.
Tout escàs velhoun lous illouns,
Un pauquet mai dins las cabanas,
(1-6) Noms de marais du terroir.
(7) C'est un narcisse dont les feuilles ont l'aspect d'une lame de couteau, d'où son nom.
(8) Carnon, port sur le canal du Rhône à Cette, près Pérols.
(9) Marais.
(10) Chaume des marais coupé en biseau (coupat en gargalha ou en gargamela).
(11) Humidité qui remonte des profondeurs de la terre, provoquée, probablement, par l'excès de
chaleur; elle arrive à son apogée vers le milieu du mois d'août.
(12) Campagne près des marais.
A travès l'aparet de canas,
Vendriè faire sous espinchouns.
Mais, de memoria de pescaire,
Res qu'una fes aco s'es vist,
Amai encara gramecis
Que Rose, en aval de Bèu-caire,
Lou fol, crelbet de ves deçai,
Ce que belèu veiren jamai.
Es dins soun plen, lou crei s'aflanca;
Pausa la ganta, pescadou,
E laissa està dins la calanca
Toun prim e laugè barquetou.
Mais, se la pesca te couvida,
Crei-me, raseja lou bord, car,
L'estanc, quand a tant d'espandida,
Es pus estanc, es una mar:
Couma ela, a sas boumbourinadas,
A de rauquiges, de bourjous,
E de vira-vòuts e d'oundadas,
E de cops de tems esfralhous,
Malur à tus, paure pescaire,
S'en largant vela, dau rouncaire,
N'as pas devistat lou signau
Dins la parada que s'estripa
Entre la rocalha, aqui d'aut,
E se lou magistrau t'assipa
Au largue, aval, lion dau boulàs,
Sies urous d'aguedre bon bras,
Car amai tombes banc de vela,
Amai assoulides l'estrop,
Se noun te pos tene d’à-pro,
La capa au vent larg que rampela,
Pos pregà Dieu, Madona e sants;
Ben lèu ta femna e tous enfants