ALEXANDRE LANGLADE 1820-1900 Poésies Languedociennes ...

De la petelega e dau grep;
Sa man ie tomba; espera, espera;
Lou frech piala, espera toujour;
Contra lou tems noun s'enchimerra;
Sap be que vendrà lèu soun tour,
E que doumai lou frech rampela,
Doumai la cassa passa bela,
E dournai sarà requitat
Dau marrit tems qu'a capitat.'
Mais ben lèu, de sa mingra cala,
Ausis un long brounziment d'ala,
Couma diriam un ventoulet
Qu'alena un pauc e pioi s'amourra,
Pioi qu'en viroulejant, auboura
La fiolha morta e lou pousset.
End aquel bruch soun cor bacela;
Lou prus ie ven emb la calou;
Sous iols, que fasien parpantela,
Devistoun lèu dins la negrou,
Quicom couma d'oumbras mouventas,
Que rodoun, venoun, van, ardentas,
Dralhant de ceucles que mai van,
De ves soun rescoundoun se barroun
E de la terra, en tout soun vanc,
A chaca vira-vòut se sarroun.
Ausis encara un,pichot brieu,
De las aladas lou flieu-flieu,
E pioi un gourgoul d'aigatilha.
Tant lèu, e dins aquela via
Un cop ressountis dins lou siau,
Un cop sourd qu'es toujour mourtau.
Antan chaca vespre se passoun.
E plan-plan lou vol demenis,
D'aqui que sagués acoutits
Par lous abramats que descassoun;
Ou qu'entre eles a pescadous
S'entremescle un patio de bisquerla,
Quicom qu'es pas ben miraclous,
De ie veire crebà la gerla. (1)
Alor as rodous que trevàs,
De las mans memas das pescaires,
La nioch de fiocs soun atubats,
E mau despiech das esperaires
Que se vesoun, par quauque tems,
Destetats d'aquel passa-tems;
Car, au trelus de la flamada,
De longa avès quitat parada,
Atraïnats devès d'endrechs
Ounte coumtàs trouvà paissença,
Seguretat, pausa, silença.
Mai, pecaire, à mounte qu'anés,
Partout pagarés lou carnage;
En Sèuva, au Tes, dins lou Sauvage, (2-3-4)
(1) Crebà la gerla (briser la jarre), c'est en arriver aux injures.
(2-3-4) Noms de lieux.
Dins lous clars, sus lous estagnòus,