ALEXANDRE LANGLADE 1820-1900 Poésies Languedociennes ...

(1) Sorte de filet.
Voua 'nfugissès espavourdits.
Car lou calaire en mala facha,
Que vieu res que de soun engin,
Dins sous estibaus se despacha,
Per veni querre soun choupin....
El mai, entre dos aigas cala,
De longs filats, juste à la cala
Ounte anàs vous abitalhà,
Quand lou tems es destrantalhat,
Tout en pescant la pieuta amara,
Per la fouca tant bon moucel,
E la cairela, e lou parvel,
L'anguilounet, qu'alin s'entarra,
E lou cauquilhun doucinàs,
Qu'embé tant de goust boufinàs,
Gardàs-vous de la cabussieira! (1)
E per aco, quand fai fresquieira,
Tenès-vous lion das bons abrics,
En çai, en lai, dessapartis,
Se que de noun, de la coulada,
Per tant que siegue escardussada,
Sega, qu'après chaca cabus,
N'i'aurà que tournaran pas pus;
Saran alin, l’ala tesada,
Apegats au malhun espés,
Couma lous paures mouissalets
Qu'on vei dins una estrigagnada.
Se d'aquel dangè vous garàs,
N'agués pas, au mens, la cresença
De n'este ansinda requitats;
Pagariàs care l'emprudença.
Mesfisàs-vous toujour; ben mai,
Quand dins noste ciel qu'escaluga,
On vous vei tout floc, tout beluga,
Voulastrejant deçai, delai,
Se devistàs, aval en terra,
Quand d'ailamoundaut agachàs,
Quauques aucels entrepachats,
Que per s'aubourà fan espera,
Emb un pichot crid pietadous,
l'anés pas jamai au secous;
Engardàs-vous ben d'aco faire:
Soun de cimbels qu'un pantejaire (1)
Dins sas pantas a cabilhat,
E que per lous dessagrilhà (2),
En vous vesent dins la dressieira,
De soun reseoundoun de brancun,
Vira à tout cop la cimbelieira, (3)
Dins l’estigança que quauqu'un
Vai davalà d'amount das aires,
Per veni secouri sous fraires:
Sap proun qu'à mounte un soulet vai,
Touta la frapa se ie trai,
Quand es per tirà de la pena
Un das vostres blassat, malaut.