ALEXANDRE LANGLADE 1820-1900 Poésies Languedociennes ...

(1) Gros bateau. Littéralement museau de porc.
E tus, pescadou, resta siau.
Entremens que l'estanc repoufa,
Que lou magistrau crana e boufa,
Se vos fa quicom de toun corp,
Adouba toun mourre-de-porc (1),
Sarcis tous ars, pega ta barca,
Fougueja toun rem que s'enarca,
As pas long tems à trefouli;
Lou magistrau a lèu falit:
Tres jours lou mai e pioi s'escana.
Se pot que reprengue au vent-drech,
Mais, vengue à boufa tramountana,
Entre que sentirà lou frech,
Lou veirés lèu cercà la cauma,
De long de la mar enrebat,
Couma un lusert davans sa bauma,
Que dau sourel beu lou rabat.
Alor de longa, au largue! au largue!
Escampa toun rasal sans pòu.
Ara, ou jamai nou, faràs bèu.
Cassaire, escandalha toun cargue,
Cala toun las de tamaris;
Aqueste cop auràs pas blanca (1);
Çai vai veni de cassa blanca (2)
Couma ome vieu n'a jamai vist!
(1) Faire blanca, c’est manquer son coup (fusil qui rate).
(2) La cassa blanca désigne tout le gibier de l'étang, à l'exception de la macreuse, qui est noire.
SEGOUNDA PASSAU
La Cassa blanca
PER GRASSET-MAUREL
L'estanc es dins soun espandida,
L'oire vai e ven en palus;
L'autouna es estada aplougida,
Toutes lous rajòus soun venguts,
Tabé, manca pas de gargalha,
Ni de fòure, ni de vitalha;
Lous clars, soun cafits de grouhun,
De pieuta à flou d'aiga e tendreta;
Sus lou parvel, sòuda, blanqueta,
Manca pas de cagaraulun.
Anem, aucels, la taula es messa
E i'a plaça per se cabi;
Bona pignata es aproumessa,
Dirés pas noun à tal couvit.
Mais de fautà res noun s'enchauta:
Soun talament agroumandits!
Dejà, tre que lou jour lusis,