ALEXANDRE LANGLADE 1820-1900 Poésies Languedociennes ...

Ai! que soun bèus e pouderouses!
Ciel, terra, aiga, tout i’aparten.
De l’oire doundoun lou courrent,
(1) La ganta est une variété d'oie.
(2) L'aigatilha est une couche d'eau à peine perceptible.
(3) Parties de l'étang où les eaux sont profondes.
E lous foundàs espetaclouses,
De la Mouta ou dau Grand Travès,
Ounte jamai l’iol ne davala,
Per eles n'an ges de sicrets.
Pioi, d'aqui, d'un garrut cop d'ala,
Trempassant pourg, cros-de-peiròu,
Jusqu'en de nautous que fan pòu,
Tout en voulastrejant s'aigrejoun;
Pioi, ailamount, rodoun, negrejoun,
Retrasent end un nivoulàs
Que dous vents countraris secutoun,
E que d'un à l'autre rebutoun
Dins un inmense fouletàs.
Mais ben lèu touta l'aucelalha,
En voultant, ven fa graumilhet
Dor l'estanc qu'ailaval dardalha,
Couma lauseta que varalha
Pipada per lou miralhet.
Poulits aucels, que sias urouses!
Ai, que voste bounur fai gaud!
Das ivernasses reguinnouses,
Poudès fugi l'alen brutau;
E pioi, quand l'estieu nous acaura,
Quand nautres, que çai demouram,
Tout escàs se ie tempouram,
Dins l'aire e proumtes couma l'aura,
Avès largat despioi long tems
Dor lous endrechs qu'un dous printems
Tout escàs auboura la sàba.
Mais à mounte es aco qu'anàs?
La bela vida que menàs,
Ounte acoumença? Ounte s'acaba?
Vautres souls, ou sabès, aucels.
E l’ome qu'à maire Natura
Derraba sicrets à moucels,
Que, maugrà ‘co, toujour tafura,
Noun pot, e saique noun jamai
Poudrà, quand fariè mai que mai,
Desemboulhà dins lou grand libre
Lou fiol ounte sias escrieutats.
Ah, couma vautres s’era libre!
Coussi bandiriè sas cieutats;
Ai, qu'estripariè de misteris!
Mais lou que, dessus terra, crei
De la creacioun este rei,
Pichot reinou que lous enferris (1)
Aiçaval tenoun clavelat,
Noun pot vous segre qu'en pensada,
Quand, per vous veire à la passada,
Auboura soun corp envelat.