ACEH_03378

JUZ 4 ALI IMRAN (3)
Seunang cit siat sagai lam donya
186. Keubit Neucuba gata le Allah
Areuta gata Neubri cubaan
Droe gata meunan hana meuilah
Bak ahli kitab sigohlom gata
Tadeungo haba nyang jeut keu susah
Meunan pih muchrek jikheun keu gata
Meu han tasaba saket that leupah
Meunyoe tasaba ngon tatakwa
Nyan jeut treuk gata ureueng meutuah
187. Tuhan meujanji ngon ahli kitab
Tapeutrang ayat dum bek takeubah
Bek tasom ayat bak manusia
Teuma ka nyata di jih ka salah
Jitiek janji nyan keudeh u likot
Jipeubloe lagot deungon yum murah
Jibloe nyang laen nyang jeuheut that-that
Keubit that jeungkat peurangei ceulah
188. Galak jih that peue nyang jikeurija
Bek roe tasangka ek na phaedah
Nyang goh jipubuet napsu geupujoe
Bek tasangka nyoe jih nyan ek leupah
Han ek peuleupah jih nibak azeub
Peudeh that azeub keu jih geukeubah
189. Langet ngon bumoe cit milek Tuhan
Dum seukalian kuasa Allah
190. Bak Tuhan peujeut langet ngon bumoe
Malam ngon uroe meusiblah-siblah
Bandum atranyoe cit jeut keu tanda
Bak ureueng nyang na akai geuh ceudah
191. Ureueng nyang sabe ingat keu Tuhan
Geuduek ngon geudong geuingat Allah
'Oh watee geueh pih ingat sabe
Lom pih geupike ajeb that leupah
Tuhan Neupeujeut langet ngon bumoe
Hai Tuhan kamoe pakriban ulah
105
i
i
»
4
I
i
t
I