ACEH_03378

AL-QAMAR (54) JUZ 27
35. Nikmat bak Kamoe keu soe nyang chuko
Sidumnan keuh le nyang Kamoe balah
36. Geupeuingat jih keu azeub Kamoe
Tapi awak nyoe chok jih dum leupah
Han jitem pateh 'oh geupeuingat
37. Jamee geuh jeh pat di jih jipeugah
Tabri keu Kamoe nyan jamee gata
Meupleu treuk mata jih bandua blah
Rasa treuk jinoe mata keuh buta
Azeub Lon sit ka dilee geupeugah
38. 'Oh beungoh singoh teuka le azeub
Keu jih nyan teutap hana soe peuglah
39. Rasa treuk jinoe pakri azeub Lon
Dilee atra nyan sit ka geupeugah
Bandum nyan dilee ka geupeuingat
40. Qur'an pih that Kamoe peumudah
Jeut nyan keu dike ingat keu Tuhan
Teuma na soe nyan jitueng phaedah
41. Kawom Peura'un pih geupeuingat
42. Jikheun sulet that peue nyang geupeugah
Ayat Kamoe dum jipeugah sulet
Meu Kamoe azeub treuk jih dum bagah
Mangat jiteupue Kamoe Perkasa
Keubit kuasa hana ban peugah
43. Boh nyan dum kaphe nyang rakan gata
Ek got jih teuma hana meusalah
Ek leubeh got jih nibak ureueng nyoe
Gata pih dum nyoe peue na soe peuglah
Han keunong azeub gata ka teuntee
Lam kitab dilee peue na geupeugah
44. Atawa jikheun dum le awaknyan
Kamoe nyoe meunang han sagai kalah
45. Bandum jih talo jiplueng jisurot
46. Tapi kiamat cit troh le bagah
Ka lheuh geujanji bak jih kiamat
Nyang leubeh dahcat ngon phet sileupah
828