ACEH_03378

JUZ 13 (IBRAHIM 14)
Mangat dum jitem pubuet seumbahyang
Wahe ya Tuhan Neubri phaedah
Neubri meunarek ate dum insan
Napsu jak keunan peugot mahabbah
Neubri raseuki lom keu awak nyan
Boh kayee sinan Neubri meulimpah
Mangat jichuko le dum awak nyan
38. Wahe ya Tuhan Neuteupue sudah
Peue-peue nyang meusom di dalam ate
Got pih nyang lahe kamoe peuleumah
Hana meusapeue meusom bak Tuhan
Lua ngon dalam bandum cit teuhah
Peue nyang di bumoe got pih di langet
Hana meusapat lupot bak Allah
39. Pujoe keu Tuhan ka Neubri keu lon
Watee tuhalon na aneuk lidah
Lahe Ismael deungon Ishak
Ate lon galak hana ban peugah
Keubit Tuhanlon teurimong du'a
Peue nyang lonpinta Neukabui sudah
40. Tuhanku Neubri lontem seumbahyang
Ngon keturunan lon beu meutuah
Wahe Po kamoe teurimeng du'a
41. Neu ampon dacha lon le sileupah
Ngon dacha ma-ku lon hai Po kamoe
Neuampon jinoe bandum na salah
Ngon ureueng mukmin bak uroe hisab
Uroe akhirat meuhadap Allah
42. Bek na tasangka sang-sang di Tuhan
Buet awak lalem han Neupeusalah
Kon sagai Tuhan han Neupeuduli
Tapi cit Neubri watee jih luah
Neupeutanggoh jih sampoe troh masa
Teuglong dum mata taeu geulisah
43. Uroenyan bandum meukarat-karat
Mata u langet ulee meutangah
391